"Are you okay?" tanong ni Chester habang hinahabol ang dalagang mabilis na naglalakad.
Nasa labas na sila ngayon ng bar at si Annie ay abala sa pagkaway sa mga taxi na paparating.
"Hey?" Dahil hindi siya nito pinapansin ay hinawakan niya si Annie. Kunot noo at nakairap itong humarap sa kanya.
"Mukha ba akong okay? Ikaw ba naman ang pagpustahan, lokohin at pagsinungalingan! Ayos ba iyon?" nanggigigil na bulyaw nito sa kanya.
Imbes na matakot sa kasungitan ng dalaga ay napangiti pa si Chester. Hanggang sa matawa bahagya. Lalo tuloy nanggigil si Annie sa naging reaksiyon niya.
"Aba? At anong nakakatawa sa sitwasyon ko?" asik nito sa kanya at itinulak siya sa balikat. Inis na inis.
Mas lalong natawa si Chester. Napahalakhak na siya habang hinuhuli ang kamay ni Annie na nanunulak na dah
