"Aba, delivery boy ka na pala?" biro niya rito at niluwagan ang bukas ng pinto.
Pumasok si Chester at talagang diretso upo sa sofa. Binaba ang kape. Tatlong baso ng Brewer Master. Isang sikat na coffee shop na natitikman lamang niya kapag nililibre siya ni Alex. Hindi niya kayang bilhin dahil isang araw niyang suweldo ay bayad sa isang kape. Masarap naman kasi kaya sulit ang bayad.
"Oh, wait. Here, this is yours."
Iniabot sa kanya ni Chester ang isang kape. Tumayo pa ito para maiabot sa kanya dahil hindi na siya lumapit pa sa kinaroroonan nito.
Hawak na niya iyon nang biglang bumaba si Alex.
"Ay!"
Sa taranta niya ay muntikan niyang nahulog ang kape. Buti na lamang at mabilis ang kamay ni Chester na muling hinawakan ang kami. Nakabitaw na kasi ang kamay nito roon. Ngayon nga ay dal
