Papasok pa lamang sila sa gate ay halata na ni Annie ang tingin ng mga nadadaanan. Hindi nga lamang niya iyon ipinahalata sa kaibigan na si Alex dahil ayaw niya itong mag-alala at wala itong kinalaman sa pangyayari sa pagitan nila ni Kelvin. Kung may umuugong man na balita, wala siyang pakialam at walang rason para matakot siya. Wala siyang kasalanan.
Napalunok si Annie nang mapalingon kay Chester. Alam niyang napansin din nito ang kakaibang tingin ng lahat sa kanya.
Ngumiti siya rito para sabihing okay siya. Ano man ang gawin ni Kelvin ay hindi siya papaapekto. Kung ang pera ang kailangan nito ay ibibigay niya ng buo. Aanhin niya ang perang marumi kung galing sa mga taong walang magawa sa buhay kundi ang maglustay ng pera sa hindi maganda. Ang pustahan na ginawa ng mga ito ay hindi lan
