Mahigpit ang pagkakahawak ni Islaw sa kamay ni Agnes, sa sobrang higpit ng pagkakahawak nito ay napapangiwi nalang si Agnes. Kitang-kita niya ang matinding takot na kasalukuyang bumabalatay sa maamo at guwapong mukha ng sireno. Hindi niya tuloy maiwasang makaramdam ng pag-aalala para sa huli lalo pa't ramdam niya ang matinding panginginig at panlalamig ng kamay ni Islaw.
Kasalukuyan kasi silang nasa tapat ng pinto ng Daycare center na papasukan ni Islaw, lahat ng magiging kaklase nito at maging ang guro ay nakapako ang tingin kay Islaw na mas lalo pa yatang dumagdag sa takot na nararamdaman nito. Kung sa bagay, hindi naman niya masisisi ang sireno dahil ito ang unang beses na humarap ito sa marami at sa ibang tao. Ito rin ang unang beses na nakapunta ito sa bayan kung saan hindi mabilang
