NAGISING siya sa kalagitnaan ng gabi na kumukulo ang kaniyang tiyan kaya nasapo niya sa pag-aakalang maiibsan ang kaniyang pagkagutom sa pagpisil lang. Umaakyat ang gutom niya sa kaniyang kamay na naigagalaw niya lang nang mabagal sa panghihina niyon. Nang sandali lang na iyon sumagi sa isipan niya na hindi nga siya nakakain ng tanghalian nang maayos, pinalala pa iyon ng hindi niya paglamon ng hapunan. Tanging alak lang ang nainom niya na hindi naman nakakabusog na siya ring naging dahilan kaya nanakit ang kaniyang ulo. Lumulutang ang pakiramdam niya kahit nakahiga siya nang nakatagilid.
Iminulat niya ang kaniyang mga mata nang hindi niya na talaga matiis ang pagkagutom. Sinabi niya sa kaniyang sairli na kailangan niya natalagang kumain kahit kaunti lang nang mawala ang kaniyang nararamd
