“ISABELLA, kumusta iyong kotse mo? Magagamit mo ba iyon ngayon?” usisa ng mommy ni Isabella.
Nilunok muna ng dalaga ang laman ng kanyang bibig bago niya sinagot ang tanong ng ina. “Hindi pa raw nila tapos ayusin sabi ng mekaniko na tumawag sa akin kahapon. Baka bukas o sa susunod na araw pa raw iyon matatapos ayusin.”
“Kung gano’n ihahatid ka na lang ng daddy mo sa university para hindi ka na mag-commute,” suhestiyon ng kanyang ina.
“Gano’n po ba? Akala ko si Mang Romy ang maghahatid sa akin.”
“Ayaw mo bang ako ang maghatid sa iyo, iha?” tanong ng daddy niya na kanina pa tahimik na kumakain habang nag-uusap sila ng kanyang mommy.
Napakamot ng kanyang ulo si Isabella. “Hindi naman po sa gano’n kaya lang˗˗”
Hindi natapos ng dalaga ang kanyang sasabihin dahil biglang sumabad ang momm
