الفصل الخامس
1729 Words
اذا لم اكن الى جانبه دائما ، في كل لحظة ، انتهى حبه ، فنسينني و هجرنى !
ما اكثر الاشياء التي تراكمت فى هذا القلب ..
فيودور دوستويفسكى .
~~~~~~~~~~~~~~~~~
مر اليوم الاول و الجميع يفكرون فى معضله شادى ليأتى صباح اليوم التالى و اثناء تواجد محمود بالقسم فى محاوله منه لاستخدام نفوذه فى ادخال اى طعام لشادى تلقى اتصالا من ياسين هاتفا بصوت من**ر :
_ بابا ممكن تيجى لى القسم ؟
تعجب محمود و هلل بخضه :
_ ليه ؟حصل ايه تانى ؟
اجابه بوهن :
_ اتعملى محضر تبديد عهده و حولونى للقسم ، و انا راكب البو** و رايح على هناك .
صاح محمود بدعاء :
_ يا رب جيبها سليمه يا رب .
و فور وصول خبر القبض على ياسين لهدى صاحت غاضبه بياسمين :
_ كله منك يا وش المصايب انتى .... ما تروحى تتنيلى تتجوزيه هو انتى تطولى ، هتضيعى ابنى منك لله ، مش كفايه الفضيحه قدام زمايله فى الشغل !
قامت شيرين بالاتصال على ساجد لتردد بلهفه :
_ الحقنى يا ساجد .
رد بقلق :
_ فى ايه يا حبيبتى ؟
قصت عليه ما حدث ليردد غاضبا :
_ هو فارس اتجنن ولا ايه ؟
ترجته باكيه :
_ وحياتى يا ساجد عشان خاطرى لو بتحبنى كلمه خليه يطلع ياسين هو ملوش ذنب .
وافق مرددا :
_ حاضر يا حبيبتى ، اهدى بس و انا هكلمه حالا .
اغلق معها و اتصل به على الفور ليردد بتوسل :
_ فارس عشان خاطرى سيب ياسين ، هو ملوش دخل بالمشاكل اللى بينكم .
ردد فارس بعجرفه و سخريه :
_ هى الحته بتاعتك موسطاك عشان خاطر اخوها ؟
امتعض وجهه بالضيق و وبخه بحده :
_ ميصحش كده يا فارس اللى بتتكلم عنها دى هتبقا مراتى .
ضحك الاخر بسخريه هاتفا :
_ ايه ده ؟ هى الحكايه بجد ؟
تعجب من اسلوبه و حتى ردوده التى لم يعهدها به فقال بوجوم :
_ مالك يا فارس ؟ انت بتعمل كده ليه ؟ مفيش نصيب و خلاص ايه لازمه الحرب دى ؟
لم يتمالك اعصابه عند افتتضاح امره امام من اعتبره صغيربالسن فهتف بحده :
_ ولد .... متدخلش انت فاهم و لا هتعمل عليا كبير ؟فوق و اعرف انت بتتعامل مع مين !
اصر هاتفا :
_ انا مش صغير بس انت اللى مش شايف تصرفاتك ، و انا رايح فورا اتنازل عن المحضر اللى انت عامله فيه .... حبيت بس ابلغك عشان مكونش تخطيتك .
اغلق معه و هو بقمه غضبه ليهاتف الشؤن القانونيه فورا و يتخذ اللازم لوقف ساجد عن عمل اى تصرف لا يريده هو .
~~~~~~~~~~~~~~~~
فى صباح اليوم الثالث نزلت هدى برفقه زوجها لمحاوله زياره ابنها فى محبسه و لكن المحاوله فشلت فعادت معه بخفى حنين .
اوقف سيارته اسفل المنزل و ردد باجهاد :
_ انزلى انتى هنا و متنسيش تغدى بابا عشان العلاج .
هتفت بتذمر و تلكئ :
_ وده وقت اكل و انا ابنى فى الحبس ! و انت رايح على فين ؟
اجاب و هو يعيد تشغيل محرك السياره :
_ هلف على معارفى احاول معاهم عشان اعرف اشوف الولاد او حتى ادخلهم اكل و كل واحد فيهم محبوس فى مكان شكل .
قاد سيارته مبتعدا لتقف هدى امام بائع الخضروات و هى تهمهم بتبرم :
_ اكلى بابا ... انا ابنى فى الحبس و يقولى اكلى بابا .
اعترض طريقها للعوده سياره فارس الفارهه فدعاها باحترام للجلوس الى جواره فوافقت على استحياء لتردد بتوسل :
_ ربنا يخليك يا باشا انا ابنى غلبان و ملوش ذنب .
ابتسم بغرور و اماء مؤكدا :
_ عارف ، و عارف كمان قد ايه بتحبى ياسمين و تخدميها بعنيكى ؟
رددها بسخريه متواريه و هو يحدق بها بمكر فسألته بتلعثم :
_ هو .. حضرتك عايز منى ايه بالظبط ؟
اجاب بكبر :
_ اهو انا بحترم جدا الناس اللى بتدخل فى الموضوع على طول .
مد يده بلفافه موضوعه داخل حقيبه سوداء بلاستيكيه و اخبرها و كأنه يعطيها أمرا عسكريا :
_ خدى الكيس ده حطيه فى هدوم جوزك .
هتفت هدى بفضول تسأله :
_ فيه ايه الكيس ده يا باشا ؟
اجاب بثبات انفعالى غريب :
_ م**رات .
لمعت عينها بصدمه و ضربت على ص*رها براحه يدها هاتفه :
_ ايه ؟ م**رات ! يا مصيبتى ، هو حضرتك عايزنى الف حبل المشنقه حوالين رقبه جوزى و ابو عيالى ؟
قال بثقه :
_ انتى عايزه ابنك يرجعلك و ترتاحى من المشاكل ، و انا عايزها و دى اسرع طريقه عشان ياسمين توافق و انا اضمنلك ان قبل ما المحضر يتعمل هيكون جوزك و ابنك الاتنين فى حضنك و معاهم الظرف ده .
ليخرج ظرف ملئ بالنقود فتنظر له بتخوف و تردد :
_ و انا ايه اللى يضمنلى ؟
اجابها بتعالى :
_ كلمتى .... كلمه فارس الفهد .
سألته بتوجس :
_ طيب و شادى ؟
احتدت تعابيره و ضيق ما بين حدقتيه هاتفا بحده :
_ لا ملكيش دعوه بشادى .
رفضت معلله :
_ لا يا باشا ، انا لو هخاطر يبقى للكل و شادى زيه زى ياسين .
ابتسم بسخريه و قوس فمه مرددا :
_ ماشى كلامك ، بس بشروطى و يلا دلوقتى عشان متتأخريش .
نزلت من السياره و صعدت الدرج فى خوف و دلفت بخطوات حذره الى غرفتها و دست الحقيبه السوداء بخزانه زوجها .
و فى نفس الوقت كانت ياسمين تجلس بغرفتها بحاله من الترقب و هتفت بحيره بعد انقضاء معظم اليوم دون احداث تذكر :
_ محصلش حاجه انهارده ! ربنا يستر ، تفتكرى الدور على مين ؟
هتفت نرمين :
_ يا بابا يا جدى يا عمى احمد ، بصراحه مش عارفه .
اعقبت شيرين مفسره
_ لا ان شاء الله مفيش حاجه تحصل ، ساجد قالى انه هيكلمه و يمكن عشان كده معملش حاجه تانى .
تسائلت ياسمين :
_ تفتكرى ساجد ممكن ياثر عليه ؟
اماءت مؤكده :
_ اللى اعرفه انه بيحبه اوى ..... و اكيد هيسمع له على الاقل .
تسمعن طرقات عنيفه على الباب لتهرع نرمين بفتحه فتجد قوات تقتحم المنزل و تقوم بتفتيش المنزل فى نفس توقيت وصول محمود للمنزل الذى تسائل بخضه :
_ فى ايه يا حضره الظابط ؟
اجاب بعمليه و صرامه :
_ معايا امر بالتفتيش .
تعجب من رده و قال بتوتر :
_ انا محامى محترم و اللى حضرتك بتعمله ده غلط .
خرج احد العساكر و بيده الحقيبه البلاستيكيه مغتوحه و بداخلها اكياس الم**ر فردد الضابط بسخريه :
_ و الاتجار بالم**رات غلط برده يا حضره المحامى المحترم ، و اظن انك عارف ان الكميه دى اتجار مش تعاطى .
ارتمت ياسمين على الارض فور ان امر الضابط عساكره بالقبض على عمها و خرجوا بسرعه فصاحت باكيه صارخه بحرقه :
_ كفااااايه .... كفااااايه .
هجمت هدى عليها و هى تضرب على ص*رها :
_ فاضل مين يا نحس ، فاضل مين ؟ حرام عليكى .
صرخت نرمين و هى تحاول تخليصها من براثن امها :
_ يا ماما حرام سبيها و هى ذنبها ايه ؟
امسك السيد قلبه لتهاجمه نوبه قلبيه حاده فاقتربت منه ياسمين ببكاء و رددت بان**ار و ضعف :
_ لا يا جدو ارجوك اوعى تتعب او يجرالك حاجه ! خلاص انا هوافق .
اماء السيد رافضا و ردد بتعب :
_ لا يا بنتى ، اذا كان هو قادر يعمل كل ده عشان يتجوزك ؟ اومال هيعمل فيكى ايه و انتى معاه ؟ ليهم رب اسمه الكريم .
فى صباح اليوم الرابع تحدثت ياسمين مع رفيق عمها المحامى مصطفى بعد ان علم بالامر و عرض عليها المساعده لتهتف باطناب :
_ ايوه يا اونكل عملت ايه ؟
اجابها بضيق و حزن :
_ مع انها مسؤليه عليا لان الموضوع فيه فارس باشا بس انا قلت يا روح ما بعدك روح ده برده صاحب عمرى .
ابتلع ل**به و اكمل موضحا :
_ المهم يا بنتى بالنسبه لياسين فالقضيه لبساه و مفيش حل غير ان مدير الشركه يتنازل .
هتفت بتفاؤل :
_ مش قصدك ساجد ؟ هو مستعد لاى حاجه .
امتعض وجهه و ردد معقبا :
_ فارس باشا يا بنتى وقف كل صلاحيات ساجد بيه و موقفه عن العمل ، واضح انه اتدخل فى الموضوع و دى كانت النتيجه .
هتفت ياسمين بحزن :
_ للدرجه دى الكره عمى عنيه ?
عاد الاخر مفسرا :
_ المهم ... موضوع شادى انا مش عارف له راس من رجلين و الظاهر انهم نقلوه من القسم كمان وراح مكان تانى بس بجد مش عارف فين ؟ و محمود بقا اتعمله المحضر و اتحول الحرز للمعمل الجنائى و يومين بالكتير و النتيجه تظهر .
صمت و ابتلع ل**به بوجل و اطنب :
_ بس لو نتيجه المعمل ظهرت بانها م**رات فيها من 25 سنه لاعدام لان الكمبه مس صغيره
بكت و انتحبت و تسائلت :
_ طيب عرفت تشوفهم او تدخلهم اكل ؟
اجاب مؤكدا :
_ ايوه و الاتنين بيقولولك متستسلميش .
عاد لجمود صوته و هو يستطرد :
_ بصى يا بنتى ، انا بلغتك باللى قالوه بس منصحكيش تنفذيه لان قضيه محمود صعبه جدا .
فور اغلاقها المكالمه و اخبار جدها و عمها احمد بما آل اليه حديثها سمعت طرقات عنيفه على الباب و صراغ حاد من عمتها سحر التى انهارت على اعتاب الباب بحرقه :
_ الحقينى يا ياسمين ، الحقينى يا بنتى .
صاحت ياسمين بزعر :
_ فى ايه يا عمتى ؟
هتفت ببكاء هستيرى :
_ ابنى( علي ) يا بنتى اتخطف ، و اللى خطفوه كلمونى و قالولى الحل فى ايدك يا اما فى نهايه الاسبوع هترحم عليه .
جلست بجوار اخيها احمد و رددت بتوسل :
_ بالله عليكى يا بنتى ده حته الواد اللى طلعت بيه بعد سنين تعب ، و رحمه ابوكى يا ياسمين ابنى ده لسه عيل صغير .
وقفت و نظرت ياسمين لجدها و عمها احمد بحزن و ان**ار لتدلف الى غرفتها و هى من**ه راسها فرددت هدى بغضب :
_ و لا هاممها حد !
لتصيح بصوت مسموع و عالى :
_ مش فاضل غير عمك و جدك و بعدها يدخل على الحريم زى ما قالك .
و من الداخل لم تعبأ بحديث زوجه عمها و بدءت بارتداء ملابسها و صففت شعرها و قامت بجمعه فى كومه غير منمقه و خرجت باصرار تنظر لجدها مردده ببكاء :
_ مبدهاش يا جدو ، خلاص كفايه كده .
ردد السيد بهزيمه :
_ مش قادر احميكى يا بنتى .
انحنت و قبلت راحته هاتفه بإيمان :
_ الحامى هو الله و ربنا يخليك ليا يا جدو .
نظرت لعمها فردد احمد بحزن :
_ معلش يا بنتى اهى جوازه و السلام .
زمت شفتيها محركه رأسها باستسلام و تحركت قاصده ڤيلته و لكنها بداخلها شعرت بالخزى فهم لا يعلمون بامر اتفاقه على ان الزواج مؤقت فقد شعرت بالخجل من اخبارهم بهذا الكلام المغزى .
~~~~~~~~~~~~~~
يتبع
- Writer
