NAG-AALANGANG pumasok sa loob ng bar ng villa si Cathellya. Malalim na ang gabi at tulog na ang lahat. Kanina pa siya pabiling-biling sa higaan at hindi makatulog. Lumabas siya ng silid nang tanggapin niya sa sarili na hindi na niya kayang magkunwari pa. Hindi na niya kayang magkunwari na wala siyang alam. Kailangan niyang makausap si Seth. Hindi siya matatahimik hangga’t hindi sila nagkakausap.
Natagpuan niya ito sa bar at hindi na siya nagulat na hindi rin ito makatulog kagaya niya. Sandali niya itong pinagmasdan dahil tila hindi pa nito nararamdaman ang presensiya niya. Hindi naman ito gaanong umiinom. Hindi pa gaanong bawas ang bote ng alak na nasa harap nito. Tila lulong na lulong ito sa pag-iisip.
Tuluyan na niya itong nilapitan. Napapitlag ito nang umupo siya sa tabi nito. Kaagad
