“AYAW niya talagang kumain. Wala raw siyang gana.”
Lalong nag-alala si Cathellya nang magbalik si Aline sa kusina na dala-dala ang tray ng pagkain na hindi man lang nagalaw. Kanina ay dinalhan niya si Lola Ancia ng merienda sa kuwarto nito ngunit ang sabi nito ay wala itong gana. Nang makauwi si Aline ay pinadalhan niya itong muli ng pagkain at baka sa pagkakataong iyon ay magkaroon na ito ng gana, ngunit heto nga at hindi man lang nabawasan ang pagkain.
Kaninang agahan at tanghalian ay nakadalawang subo lang ito at kaagad nang umayaw. Kahapon pa ito nagkukulong sa silid nito dahil hindi raw maganda ang pakiramdam nito. Hindi lang siya ang nag-aalala sa matanda, lahat na sila. Inakala kasi nila na magtutuloy-tuloy na ang pagsigla at recovery nito. Nang suriin ito ni Simon ay maayos nam
