Maligamgam na tubig
NAGING tila personal maid nga ni Lennie ang kasera. Nakaalalay ito sa bawat ungot ng binata.
Kinabukasan ay painut-inot itong lumapit kay Rennie. Nagbubunot ng sahig ang dalaga bilang pinaka ehersisyo. May floor polisher naman siya ngunit mas gusto niyang may nagagawa habang ginagawang fit and healthy ang sarili. Ang katwiran niya ay nakakapagpapawis na siya, nakakamenos pa sa kuryente.
Habang paroo't parine ang dalaga habang nakatuntong sa bunot ay siyang paroo't parine rin ng binata. Hindi na nakatiis si Rennie. Inalis nito sa tenga ang nakapasak na earphone at saka nakaarko ang kilay na hinarap ang lalaking kanina pa nagkakalat ng bakas ng sinelas sa sahig.
"Ano ba?Para kang pusang 'di mapaanak ah. Ano ba ang kailangan mo? Kape? Breakfast? Say it! Hindi 'yang la
