ض*ب عصفور كفًّا على كف قائلًا: بقى يا حرمة يا مفترية، يا اللي مولودة في سباتة، وعشتِ في سباتة، هتضايقي لما يتاخد منك مندرة ولا اتنين في سرايا طويلة عريضة؟! صحيح يا ولاد، البني آدم ما يملاش عينه إلا التراب!
لتقل بنت مهدود بنفس انفعاله: كل وقت وله أدان يا عصفور، أنا دلوقت الست هانم، اللي ليها شنة ورنة في النجع كله، والف من يتمني رضائي، وحبايبي اللي بيجوا يزورني كتير، فمش عايزه حد يضايقني، ولو انت مش قادر تقول لهم امشوا، أطلع اقول لهم أنا و...
همت بفتح الباب، لحقها عصفور، قابضًا على يدها، وبصوت محذر قال: دا يبقى آخر يوم في عمرك يا بنت مهدود، ورب ورد لو سمعتك بتتكلمي في الموضوع دا تاني، لاجيب خبرك، انتي باين عليكى اتجننتي خلاص، دماغك مش مستوعبة العز والنعيم يا بنت مهدود
سحبت ذراعها من قبضته قائلة: إنتَ كدا يا ولد الشجرة، ما تتفلَّحش غير عليَّ أنا، وما تشطرش طول عمرك غير عليا انا، لكن أنا مش
