Kanina pa ako naiinis. Pati sa sarili ko, naiinis ako. Di ba dapat masaya ako kasi napatunayan ko kay JD na may mga lalaking magugustuhan siya? Dapat nga tuwang-tuwa ako kasi panalo ako sa pustahan namin. Pero bakit inis na inis ako ngayon?
Kanina pa ako pasulyap-sulyap sa kanya. Hindi na nga ako maka-concentrate sa discussions namjn kasi kahit anong gawin kong pigil, lumilingon at lumilingon ang ulo ko sa kanya. Hindi ko mapigilan ang mga mata kong hinahanap-hanap ang mukha niya. Naku-curious din ako kung ano ang facial expression niya sa pagdaan ng bawat minuto. Nakaka-curious naman kasi kung natutuwa ba siya sa mga regalong natanggap niya. O baka tulad ko rin siyang naiinis pero nagpapanggap lang na okay. Kapag naman nararamdaman niyang nakatingin ako at akmang titingin siya sa akin, a
