-ANGELICA-
Naguguluhan na ako. Ano ba talagang nangyari? Bakit wala akong maalala?
"Princess, makinig kang mabuti sa sasabihin namin," mahinahon na wika ni papa.
"Anak, kapag sumakit ang ulo mo ay sabihin mo agad. Ititigil namin 'to. Huwag mong pilitin. Puwede pa naman bukas o kaya sa susunod na araw. Okay?"
"Opo, okay lang naman po ako ngayon."
"Kahapon, habang namamasyal kayo ni Red ay hindi mo nakita ang paparating na sasakyan. Nasagasaan ka," kuwento ni Mama.
"Ang sabi ng doktor kanina ay nagkaroon ka nang Retrograde Amnesia. Nakalimutan mo ang mga nangyari nitong nakaraang buwan. Epekto iyon nang aksidente. Maibabalik din ang mga nawala mong alaala, pero hindi pa sigurado kung kalian," paliwanag ni Papa.
"Naiintindihan ko na po. Ibig sabihin, noong nakaraang linggo dumating
