-ANGELICA-
Nasa labas na kami ng ospital at naghihintay nang masasakyan.
"Tito, Tita, may dala po akong sasakyan. Doon na lang po tayo sumakay. Ako na po ang maghahatid sa inyo," malumanay na wika ni Red.
"Hin---"
"Sige, Red! Hihintayin ka namin dito," sagot ni Mama. Umalis na si Red para kunin ang sasakyan.
"Dapat sumakay na lang tayo, Quinie," nakasimangot na wika ni papa.
"Hayaan mo na, Alfred. Alam mo naman..." tugon ni mama.
"Pa, galit ka po ba kay Red? Kanina ko pa po kasi napapansin na parang ayaw mo pong nandito siya."
"Hin-Hindi naman sa ganoon anak, siyempre inaalala lang kita. Baka masaktan ka na naman dahil sa kanya," paliwanag ni papa.
"Base naman po sa kuwento ni mama ay mukhang okay naman na po kami. Huwag na po kayong mag-alala, Papa."
"Sige, anak. Basta
