-ANGELICA-
Mabuti na lang ay 9 am pa ang Christmas party ng mga bata dahil alas siyete na akong nagising. Pag-uwi kasi namin kahapon ay nagbalot pa ako ng mga regalo. Isinama ko rin ang mga panregalo ni Jah dahil hindi siya marunong magbalot. Gabing-gabi na kami natapos kaya antok na antok pa ako. Nagbihis ako ng simpleng shirt at jeans dahil mag-aassist lang naman ako. Nang masiguradong maayos na ang hitsura ko ay kinuha ko na ang paper bag na may lamang mga regalo saka bumaba. Hinihintay na rin ako ni Jah kanina pa. Magkokotse kami ngayon tutal ay alam na naman sa school na mayaman si Jah at girlfriend niya ako. Ang lalakas nga mang-asar ng mga estudyante! Mas marami pa yata silang alam sa amin!
Nang makababa na ay agad akong inabutan ni Mama ng tinapay at gatas na nasa karton.
