Tinanghali ng gising si Helena kaya mag-isa na lamang siya sa higaan nang magising siya kinabukasan. Nag-unat-unat muna siya at pagkatapos ay naligo bago lumabas sa kuwarto para hanapin si Duncan.
Mag-iisang Linggo na silang kasal ni Duncan at masasabi niyang sobrang saya niya. Hindi niya pinagsisisihan na pinakasalan niya ito. Sa bawat araw na lumilipas ay pinaparamdam nito sa kanya kung gaano siya nito kamahal. Malambing ito at maalalahanin sa kanya. Napakalaki na talaga ng ipinagbago ng isang Alpha Duncan.
Narinig ni Helena ang mga boses na nanggagaling sa labas ng bahay na masayang nag-uusap. Nakita niya si Duncan na nakangiti habang kausap ang dalawang lalaki.
"Ang suwerte mo naman, Duncan. Akalain mong napunta sa'yo ang kapangyariha. na pinag-aagawan ng marami. Ano ba ang sekreto
