Ivelle Ruiz's Point Of View
Habang nakatingin ako sa bintana ng Grab na sinasakyan ko, hindi ko maiwasang maalala ang mga sinabi ni Azrael kanina—na babawi siya, na hindi siya susuko, na gusto niyang maging parte ng buhay namin ni Rael.
Napapikit ako at napabuntong-hininga. Hindi ako nagpasundo sa kanya pauwi, hindi dahil ayaw ko siyang makasama, kundi dahil gusto ko munang mapag-isa. Gusto kong makapag-isip, gusto kong timbangin kung kaya ko bang bigyan siya ng isa pang pagkakataon.
Buti na lang at pumayag siya nang hindi na ako pinilit pa.
Pagdating ko sa bahay, nadatnan ko si Letheia na nakaupo sa sofa, pinapanood si Rael na masayang naglalaro sa carpet. Nang makita niya ako, agad siyang napatingin at bahagyang ngumiti.
"Oh, andyan ka na pala," aniya habang inilipat ang tingin kay
