Ivelle Ruiz's Point Of View
Saglit siyang tumahimik, tila nag-aalangan kung dapat ba niyang ituloy ang sasabihin niya. Pero sa huli, malalim siyang bumuntong-hininga at nagpatuloy.
"May isang bagay kang hindi alam, Ivelle. Isang bagay na maaaring magbago ng lahat."
At doon, sa mga salitang iyon, biglang bumilis ang t***k ng puso ko. Dahil hindi ko alam kung handa akong marinig ang katotohanan na matagal niyang itinago.
"Anong ibig mong sabihin?" takang tanong ko, pilit na pinapanatili ang aking boses na matatag.
Muli siyang bumuntong-hininga, tila pinoproseso ang mga salitang kailangan niyang sabihin. "Nang pumunta ka sa opisina ko nang umagang iyon, nauna sa'yo si Kenna. Pilit kong iniwasan siya, Ivelle. Sinabihan ko siyang umalis, pero hindi siya nakinig. Paalis na sana ako nang bi
