MUTYA POV
Makalipas ang isang buwan matapos ang hearing na ‘yon, akala ko tapos na ang lahat ng iyak ko sa buhay. Akala ko tapos na ‘yong bundok ng problema na para akong nag-hiking nang walang tubig at tsinelas. Pero mali pala ako.
Kasi isang umaga, pagkagising ko, para akong sinampal ng kawali sa sikmura.
“Aaaay”
Tumakbo ako sa banyo na parang may humahabol na multo. Yung tipong kung may Olympics sa pagsusuka, panalo na sana ako ng gold medal. Wala nang lumalabas pero sige pa rin ang reflex na para akong higop-vacuum na may sira.
Kumatok si Darna sa pinto, todo drama.
“Mutya! Huy! Buntis ka ba?!” sigaw niya na parang nanonood lang ng teleserye.
“Ubo hindi noh!” sagot ko, pero mahina. “Siguro… napasukan lang ako ng hangin.”
“Tae,” sagot ni Darna. “Bakit sikmura ang nilabasan ng ha
