THIRD PERSON POV
Lumipas ang ilang oras. Alas kwatro na ng madaling-araw. Tahimik na ang OTTS Bar, kakasarado lang patay na ang ilaw sa entablado, wala na ang sigawan, at ang natira na lang ay ang pagod na nakapatong sa mga katawan.
Sa maliit na kwarto sa itaas ng bar, mahimbing nang natutulog sina Darna at Mutya, parehong bagsak sa pagod matapos ang magdamag na sayawan at pilit na ngiti.
Ngunit sa panaginip ni Mutya, muling bumukas ang pinto ng nakaraan.
Hindi ito simpleng alaala isa itong madilim na bangungot na paulit-ulit bumabalik.
Nakita niya ang sarili sa gitna ng kaguluhan ang bahay na puno ng sigaw, ang mga yabag ng mga taong hindi niya makita ang mukha, ang biglang katahimikan matapos ang putok ng baril.
Sa panaginip, isa-isang bumagsak ang kanyang mga magulang at mga kap
