Maaga kong ginising si Stephanie kinabukasan. Ipinagluto ko siya ng almusal pagkatapos ay pinagbihis. Panay ang tanong niya kung saan daw kami pupunta pero hindi ko siya sinasagot. Matagal ko itong pinag-isipan at ngayon ay buo na ang desisyon ko.
"Saan ba kasi tayo pupunta?" tanong ulit sa akin ni Stephanie. Nakasakay na kami sa taxi para hindi na kami mahirapan pang dalawa. Hawak ko ang kamay niya nang mahigpit. Ngumiti ako sa kanya.
“Basta.”
Umarko ang kilay niya. “You know that I don't have a nice feeling about this. Siguraduhin mo lang,” banta niya.
Tinawanan ko lang siya. “Kung ano-ano ang iniisip mo.” Inakbayan ko siya at pinaunan siya sa aking balikat. "I love you."
"Hmm. You're extra sweet now. May hindi ka ba sinasabi sa akin?"
Natigilan ako sa tanong niya. Huminga ako
