Mula noon ay hindi na bumalik si Stephanie. Pero hindi na rin siya nagkulong sa kwarto at lumalabas-labas na rin sa sala. Panay ang isip niya kung ano ang gagawin niya ngayon. Sinasabi niya sa akin na gusto niya maghanap ng trabaho o umalis ng bansa. Pero wala naman daw siyang pera.
"This is really frustrating!" inis na sabi niya habang nakatutok sa cellphone niya. Sinusubukan na naman kasi niyang bumili online. "Ayaw pa ring gumana ng cards ko."
"Nagrerebelde ka. Sa tingin mo ba ibabalik ng tatay mo 'yon? Tsaka tama lang 'yan. Masyado ka kasing magastos," pang-aasar ko sa kanya. Nakahiga ako sa mahabang sofa at nanonood ng tv. Habang siya naman ay nakaupo sa pang-isahan.
"I hate you!"
Tiningnan ko siya at nginisihan. "Bakit? Totoo naman ah? Bakit hindi ka na lang kasi umuwe para m
