أصبحتِ هدفي

الحلقة 3:

في تونس.. في قاعة .. مدرب المنتخب التونسي .. قاعد يكتب في تابلو .. لازمو مدافع محترف .. كلم رئيس فريق bruges بش يوصلو لمحمد.. عطاه نومرو قلو كلمو بعد الفطور ..

عند سولاف:

زعما شنوا نطيب .. محمد عمتلو حوتة قد البابور و آمنة عندها خضرة مشوية سخنتها .. و انا .. لوقتاه بش نخلي روحي للاخر .. عملت شربة و حطيت ناكل .. لين كوبة الباب تحلت و دخل محمد و وراه آمنة ..

- هالخطى السعيد .. محمد ساكك نسيتو كيفاش تدربت ؟

تلفت لآمنة ..

- امونة برا بدل دبشك و اغسل يد*ك للفطور و ايجا ..

عاود تلفتلي بعد ما الطفلة مشات..

- امي ايجا تو نحكيو ..

قعدنا دايرين بالطاولة ..

- امي اليوم يوفا الكونترا.. و ما جددهوليش..

- يعني وليت بطال ؟؟

- امي عندي 5 سنين نخدم فيه الفريق.. و تو يحبو على جوارات جدد .. كلمني الرئيس وانا مروح قلي فما شكون من دولة احنبية بش يكلمني بعد الفطور

- ريت ولدي .. فرصة تمشي و فرصة تجي .. هذا اكيد فريق اخر يحب عليك ..هيا تو اغسل يد*ك و شوف شنوا طيبتلك..

- عيشلي عيشوشة

- قريب تنسى اسمي من كثر ما تناديلي عيشة ههه

- تو نجي ..

محمد:

مشيت لبيتي .. حليت القارد روب .. الكلو دبش صبور.. دبش الخرجة يتعدو بالصوابع .. برشا مايووات متع الفريق .. خرجتهم و حطيتهم فوق الفرش.. الفريق بديت نلعب فيه بعد ما تدربت 3 سنين .. عشت معاه تجربة خيالية.. هو الي كوني .. و تو وفا الغرام.. كان مفماش فريق اخر يحب عليا تو نبقى بطال كيما تقول امي.. و الجمهور ينساني .. الخبر هبط و الميساجات كثرو .. زربت ماشي نفطر بش كيف تجي المكالمة نكون فاضي ..

ألينا تدور في الانستقرام وقت الريكري متاعها .. و تلقا logo فريقها المفضل .. "عدم تجديد ال*قد للمدافع التونسي محمد" تعدات الخبر خاتر موش بش يغير مسار الفريق .. و رجعت دخلت للصال وقت جاها ايمايل ..

سعيد مروح بشاسي كحلة في يدو .. و درجين جاو زوز ولاد صحابو .. دخلو للدار و جبدو الشقفات .. لا حشمة و لا احترام للمرا الي بش تنضف .. الشقف ورا خوه فارغ و مطيش في القاعة .. الشمس بدات تغرب و الاولاد خرجو .. سعيد راقد فوق الكانابي .. ساق في القاعة و ساق ممدودة ..

دورت المفتاح في الكوبة الخايخة كي قلبي.. و حليت الباب.. دوب ما حليتو عرضني وهج فيه ريحة قوية.. ريحة تغد.. خليت الباب محلول و حليت الشبابك .. المنظر يخوف.. انا خوفني .. نتخيل فيه قايم بش يض*بني .. بديت نلم فالبلار الم**ر و في الشقفات الصحاح .. مغير ما نعمل صوت صففتهم فوق الطاولة .. تعديت نسكر في الباب و شعلت الضو .. بدا يحل في عينيه الي كيف الجمر .. قربتلو شوي بش نعاونو .. اما ويين .. سعيد راو .. دزني طيحني .. قمت و بقيت واقفة لين هو يقوم .. بخطواتو الرزان دخل للبيت و دخلت وراه .. و كيما الوحش بدا ينهش فالي مزال صحيح من بدني ..

…..

محمد:

قاعد في الصالة و بحذايا آمنة .. نستنا فالمكالمة على احر من الجمر .. و اخيرا نوقز التليفون .. هزيت ..

- Alo

- Alo, c’est mohammed ?

- Oui bonjour, c’est moi

- السلام عليكم محمد.. معاك مدرب المنتخب التونسي

- و عليكم السلام

- مذابيا كان تهبط لتونس نحكيو وجه لوجه.. عرض مهم ليك و لينا .. و لتونس ..

-….

- كيما تعرف محمد.. تونس شهر اخر و تبدا تلعب في بطولة افريقيا لكرة القدم .. يشرفنا انك تنظم للمنتخب.. كان موافق نستناك قبل نهاية الاسبوع..

- نجم نهبط لتونس بعد ثلاثة ايام ..

- و انا في الانتظار

علقت عليه و مخي باقي يخمم .. زعما انا قد المسؤولية ؟..

- عيشوووشة

- ابابا

- ايجا لحضة

آمنة:- و انا ما تقليش ؟

- تو نقلكم الزوز مع بعضكم مونة ..

جات امي و قعدت بيناتنا الي خلى امنة تتغشش اما مغير ما تبين..

- امي.. امنة.. كلمني المدرب متع المنتخب التونسي.. يحبني نلعب في بطولة افريقيا ..

- ونت شقتلو وليدي ؟

- قتلو ثلاثة ايام و نهبط لتونس..

- وه .. ياوليدي هاو تو تو ثلاثة ايام.. و احنا بش تخلينا ؟

- هيا ايجاو معايا .. امنة عمرها ما مشات لتونس.. منها تراها و منها انتي تسترجع ذكرياتك..

-Emna on va y aller en tunisie cette semaine

ما جاوبتنيش.. لتو مغششة كيفاه امي تقعد بيناتنا ..

يتبع..

ألينا:

اليوم كملت قراية بكري.. كيف شديت الطريق جبدت التليفون .. و نلقى ايمايل عندو ساعتين معلق .. حليت عينيا و سكرتهم.. برعشة يديا حليتو و بديت نقراا .. كيفاه بش نقول هالخبر لماتيو .. موش بش يوافق .. تي هو مغير ما يسمعني جابلي الكتب و قلي نهار الاثنين تبدى تقرا فالفاك .. معندي حتى حل كان نحطو تحت الامر الواقع .. التمثيل بش يدخلي فلوس و مجرد فكرة الي بش نولي مشهورة تخليني ندخل لعالم اخر .. روحت للدار و ماتيو شوي و يجي .. مديت فاليز و حطيت فيها شوي دبش بش ميشكش .. و حطيتها تحت الفرش .. كلمت صاحبتي ..

- coucou ma belle

- salut alina tu vas bien

- ça va et toi

- ça va.. est-ce que tu peux demander à ton frère s’il peut me prêter 300€.. je te promets je les rendrai le plus vite possible ..

بعد ما قتلي صاحبتي الي هي بش تشوف خوها كان ينجم يسلفني فلوس بش نقص الbillet ..

دخل ماتيو للدار في يدو ساشي غلة.. خليتو يدخل و مشيت للكوجينة .. هزيت كعبة ياغرط و رجعت لبيتي .. سكرت الباب و عاودت كلمت صاحبتي ..