أصبحتِ هدفي

الحلقة 2:

Alina viens manger -

- j’arrive papa

بدلت دبشي و تعديت ديراكت للكوجينة بش ناكل مع بابا.. وصلت لقيتو مطيب شربة طماطم .. يحبها برشا.. اما انا نكره الطماطم ..

- papa tu sais que j’aime pas les tomates !

- ألينا اذاكا الموجود

- bonne appétit

- ايجا كول

- الحمدلله.. كليت donuts في الستاد

- اوك bonne nuit ma puce

- bonne nuit متنساش دواك..

رجعت لبيتي .. اكثر حاجة تغششني في هالدار كيف منتعشاش و نرقد وانا لا فطور لا عشاء.. حضرت ساك الفاك لغدوة و لبستي .. عملت تصاور للسطوري و ركزت نظري للسقف و سلمت جسمي للفرش فماش ما يتنحى تعب اليوم ..

….

تونس:

سعيد:

ملي خرجت مالدار وانا ندور من زنقة لزنقة و من شارع لشارع.. علاه يا دنياا عا**تيني ملي تخلقت ؟ لا قريت و تقثفت كالعباد لا خدمت و **بت كالرجال .. م**بي شوي قوة في الفرش و على مرتي.. نخاف لا نهار تستعار بياا .. مذابيا نعيشو كوبل كيما العرايس الكل.. مذابيا نخرجها تحوس.. حتى كان لا هي تحبني لا انا نحبهاا ربي وصانا على حسن التعامل معاها.. هذا الكل نعرفو.. اما الله غالب.. حاجة فيا اقوى مني.. طاح الليل و روحت للدار.. الدار نضيفة و الريحة مسك تحل الشاهية.. الماكلة العسل و لا عمري سمعت كلمة لا .. الشي الي خلاني نكمل فلي نعمل فيه.. مهيش موجودة.. اكيد راقدة.. العشاء محطوط فوق الطاولة.. ماعيني في ماكلة.. دخلت للبيت و غير صباطي ما نحيت شي .. دخلت معاها تحت الغطا و عطيتها بظهري و رقدت ..

….

محمد:

دخلت لبيتها.. نرا فيها راقدة في فرشها الوردي الصغير.. كيف تحزن ترقد.. قدمتلها و وصلت لوين فرشها و حطيت يدي على شعرها الذهبي الي وارثتو من امها.. دوب ما يدي لمست شعرها تململت و شوافرها بداو يتفرقو بش عيونها العسلية تبان و تغزرلي .. ضحكة ترسمت على شفايفها الصغار تبين فرحتها بشوفتي .. قامت فيسع كالملسوعة و فجأة قعدت.. كتفت يديها و هبطت راسها بغش ..

- حبيبة عمها هي شبيها مغششة؟

-…

- مم و ماتحبش تحكي.. و موش بش تفرح لعمو خاتر ربح اليوم ؟

هزت راسها و عيونها المدمعة قابلو عيوني و ملامحي الي فيسع تكبست ..

- آمنة الي يبكيك شنعملو انا ؟

-تكرهو

- نحبني نكره روحي ؟

بروحها و تصرفاتها العفوية.. مسحت دموعها بكفوف يديها و ترمات عليا..

- تغششت خاتر نهار كامل ما ريتكش.. و مامي موش لاهية زيدا

- اي هاني جيت انا تو .. نخرجو و نتعشاو مع ا****عة ؟

- اوك

..

وفا الاحتفال و الكل رقدو .. كان عيشوشة في الكوجينة و حاطة راسها بين يديها .. مشا محمد قعد مقا**ها و بيناتهم كاس فارغ ..

- شبيك لتو لا رقدت يا بابا

- امي قلي شفما ..فاش تخمم

- شي ابابا برا رتح فخار ربي غدوة الصباح عندك تدريب

- سولاف يا غالية لا ينحيك عليا.. كان فما حاجة ايجاني متترددش حتى لحضة ..

تعريف:

سولاف: ام محمد.. جاتها فرصة بش تمشي لبلجيكا و تخدم خياطة .. و جابت ولادها الزوز.. واحد عرس و جاب طفلة و في نهار مات هو و مرتو و خلاو البنية عندها و عند محمد خوه..

ماتيو: رجل بلجيكي.. مصلح سياراة.. تعرف على مرا تونسية حارقة.. و جابو بنية "ألينا".. و نهارة الي خدات الاوراق هزت ألينا و رجعت لتونس.. اما بعد سنين نجم يجيبها منها و يعيشها معاه ..

يتبع..

الشمس طلعت و نورت البلاد.. كل واحد و همو

ألينا في الbus و محمد خارج من باركينغ روضة آمنة .. صالحة طيب فالفطور و سعيد راقد.. ماتيو يحل فالgarage و سولاف غاطسة بين آيات القرآن الكريم الي بين يديها تقرا فيهم..

محمد:

اليوم معنديش تدريب الصباح.. اما عندي اجتماع.. يا اما يتم تجديد الكونترا متاعي مع الفريق.. يا اما يتفسخ.. و تو بش نشوفو الفريق الي بش يشري محمد .. هذا غرامي و هذي الدنيا الي حبيت نعيشها.. انا اخترتها و شايخ فيها.. الفلوس برشاا و الاحلام اكثر..

وصلت للقاعة و بدون تردد دخلت .. المدرب موجود.. ورئيس الفريق زيدا موجود .. فما طاولة و 3 كراسي .. مديتلهم يدي مع بسمات متبادلة و قعدت فالكرسي الفارغ..

____

العشاء كيما حطيتو لقيتو .. حتى بش يحطو في الفريجيدار لاا ! .. الخيرات السبعة موجودة فوق الطاولة .. وقت ما يقوم خلي يقوم و ياكل .. غسلت ماعون البارح و حطيت الدبش في الماكينة .. نسمع ف صوت يشبه للشخير.. اما هو يتثاوب .. قام و بريحة النوم جا و قعد .. صبحت عليه و مشيت للبيت

- صباح الخير

- صباح الخير

بدلت الفراشات و هويت الدار .. و رجعت للصالة قاتلتني الفدة ..

سعيد:

نهرب في عينيا اما حاجة كيما الفضول بش منقولش اهتمام تخليني نركز هي فاش تعمل .. خرجت من فمي جملة ما كنتش حاسبلها حساب ..

- اسمعني.. كان تحب اليوم برا حذا داركم

كايني ض*بتها بالضو.. قفزت جات حذايا

- بالحق تحكي ؟

- اي .. اما مفماش مبات تعدي نهار و تروحي قبل المغرب

- حاضر.. الله يباركلك

ما خممتش لا في بدنها الازرق لا في وجهاا التاعب.. شهر.. ملي عرست و دارهم ما شافتهمش.. و منها انا نجيب كعبات نشربوها انا و الاولاد.. كملت فطوري و نلقاها مسفسرة بش تخرج ..

- نهارك زين

مجاوبتهاش و خرجت قبلها..

ألينا كانت تخمم في حاضرها قبل مستقبلها.. القرايا الي تقرا فيها بشنوا بش تنفعها و هي تحب حاجة اخرى.. جبدت التليفون على نيتها تلوج في كاستينغ.. و من فرحتها قريب تصيح..

ألينا:

الحمدلله ياا ربي .. كان طلبت مليار راو جاني .. دخلت نلوج في كاستينغ متع فيلم في تونس .. و لقيت 3.. بش نبعث ايمايل لل3 و نشوف اناهو الي يقبلني .. بزيني هذا الكل يقبلوني .. هذا الخبر الي بش نعدي نهاري بيه ..

ركب في كرهبتو مروح.. وجهو ملامحو جامدة.. قبل ما يديماري تليفونو نوقز.. رئيس الفريق يطلب فيه .. علم منو انو فما شكون حب يتحصل عليه من دولة اخرى و الرئيس عطاه نومروه ..