"Siguro naman hindi ganyan ang upo mo mamaya sa party ha, Yzebelle." Narinig kong saad mula sa front door ng bahay namin.
Si Badong. Nakasuot siya ng light blue long sleeves with printed neck tie, black slacks at leather shoes. As usual, gwapo na naman siya sa paningin ko.
Dinatnan kasi ako ni Badong na nakaupo sa sala namin na nakacrossed legs at nakapamewang ang isang kamay ko habang binabasa ang text ni Aileen sa akin. Medyo nakalilis ang suot kong bestida kaya kita ang tuhod ko. Si Aileen ay ang kaibigan ko sa university. Tinuruan nya akong maglagay ng slight make up at kung paano aayusin ang buhok ko na parang si Audrey Hepburn noong isang araw na wala ang professor namin sa isang subject. Nakasuot ako ng red na bestida na knee length na binili namin ni Nanay noong isang araw at sti
