البارت 6
1364 Words
البارت السادس
o ادم / هو حضرتك هتدخلى نور الحضانه
o مدام حكمت / ليه
o ادم / عشان هى عايزة تتعلم
o مدام حكمت بابتسامة / اه يا حبيبى انا قدمتلها من يومين وهتروح معاكوا نفس المدرسة وعايزاك تخلى بالك منها
o ادم بفرحة / حاضر يا ابلة
o مدام حكمت مررت ايديها على شعره وقالتله يالا باة روحوا العبوا وعلى فكرة النهاردة فى حفلة كبيرة وفى ناس جاية عشان هيلعبوا معاكوا ويعلموكوا الرسم والموسيقى وحاجات تانية كتير
o ادم بضيق / حاضر
o فريدة / انت لية مش عايزنا نحضر الحفلة يا ادم
o ادم / انا ما قولتش كدة
o ليلى / فعلا يا فريدة ادم ما قالش كدة هو قال خينا نتف*ج ونتعلم منهم من بعيد ومش عايزينهم يختلطوا بينا
o فريدة / لية ما هى ماما حكمت اصلا جايباهم عشان يلعبوا معانا
o ادم / بصى انا عايز اننا نلعب ونتبسط ونتعلم منهم كل اللى هيعملوه لكن عايزكوا تبقوا بعيد عنهم عشان دول بيبقوا جايين وجايبين معاهم كاميرات تليفزيون عشان يصورونا ويذيعوها عالتليفزيون ويتفشخروا انهم بيعملوا خير وانا مش بحب اننا نظهر على اننا ناس يتيمة وضعيفة ومحتاجة شفقة وعشان كدة قولت نلعب معاهم ونتعلم منهم من غير ما نقرب منهم اوى عشان ما نتصورش
o ليلى / وانا كمان موافقة على كدة وهكون معاك والعب من بعيد
o فريدة / خلاص وانا كمان معاكوا
o بعد حوال تلات ساعات حضر المتطوعين وبداوا يلعبوا مع الاطفال ويوزعوا لهم الهدايا والملابس بينما ابتعد الاربعة عند تقديم المساعدات
o اقترب احد المتطوعين الشباب من نور لانه عجبه شكلها وبرائتها واحس ناحيتها بالعطف فامسك لعبة واقترب منها ومد لها يده باللعبة
o ونور فى الوقت دة كانت ماسكة ايد ادم اللى تقريبا مش بتسيبها اصلا ولسة هتمد ايديها وتقبل الهدية
o جذبها ادم للخلف وشد على ايديها وبضيق قال للمتطوع شكرا احنا مش محتاجين حاجة ومعانا فلوس نشترى اللى نفسنا فيه
o نظر المتطوع لادم بغرابه وقاله / طيب انت زعلان لية اوى كدة وبعدين يا سيدة انا حبيت البنوتة دى وعايز العلب معاها شوية ممكن
o ادم / لا
o المتطوع / نعم ؟
o ادم / بقول لحضرتك لا نور مش بتلعب ما حد متعرفهوش
o المتطوع / طيب يا سيدى ممكن تسيبنا نتعرف وبعدين انا زى اخوها الكبير او حتى باباها يعنى متخافش منى وبعدين انا جاى النهاردة عشان العب مع كل الاطفال هنا انت باة لية مش عايزها تلعب
o ادم / حضرتك ممكن تلعب مع كل الاطفال الا نور
o المتطوع باستغراب من كلامه السابق لسنه / انت غريب اوى وتركه ورحل
o المتطوع راح لمدام حكمت وحكى لها عالى حصل
o مدام حكمت / متزعلش من ادم اصل نفسه عفيفة ومش بيحب حد يحسسه انه يتيم وبعدين هو بيخاف على نور زى اخته الصغيرة وعشان كدة مش بيرضى يخليها تبعد عنه
o المتطوع / وانا على فكرة احترمت رايه عشان حسيت فيه بعزة النفس لكن اللى استغربتله هو تحكمه فى الطفلة وهى كمان مستسلماله ومش بتنطق
o مدام حكمت / لا هو مش بيتحكم فيها هو بيخاف عليها
o نور / بس انا كنت عايزةاخد العروسة اللى معاه
o ادم / لا يا نور مش هناخد من حد حاجة وانا هجيبلك اللى انتى عايزاه
ـــــــــــــــــــــــــــــــــــــــــــــ
o مرت سنة كاملة ودخلت نور الحضانه وادم كان هو اللى مسئول عنها فى كل شىء حتى فى مذاكرتها ورسمها حتى لعبها
o ليلى / ادم انا كنت عايزاك تشرحلى مسالة ممكن
o ادم / حاضر تعالى
o نور / طيب انا هروح العب شوية مع فريدة
o ادم / ماشى بس متبعديش
o نور / حاضر
ـــــــــــــــــــــــــــــــــــــــــــــ
فى ايطاليا
o الحاج على / الو .... ازيك يا مدام حكمت
o مدام حكمت / الحمد لله يا حاج
o الحاج على / طمنينى على نور
o مدام حكمت / تمام وكبرت سنة اهى ودخلت الحضانة
o الحاج على / طيب ممكن تصوريهالى
o مدام حكمت طيب ايه رايك تكلمها مكالمة فيديو احسن عشان تكون مطمن
o الحاج على / طيب بس صوريهالى دلوقتى وانا هكلمك تانى شوية كدة لما اولادى يرجعوا عشان هما كمان عايزين يشوفوها
o مدام حكمت / خلاص تمام
o مدم حكمت صورت نور وبعتتله الصورة وما ان راها الا وسقطت الدموع من عينيه وقال لنفسه سامحينى يا نور اوعى فى يوم تكرهينى
o عا** دخل على والده وشاف اثار دموعه فقاله / مالك يا بابا فى حاجة حصلت
o الحاج على فين اخوك
o عا** / اهه جاى ورايا
o دخل حسام هو الاخر على والده
o الحاج على / والدتكوا فين
o حسام / لسة قاعدة مع صحباتها
o الحاج على / احسن تعالوا هوريكوا مفاجاة
o عا** بلهفة / اكيد عن نور
o الحاج على بابتسامة / ايوة يا سى عا** وفتح موبايله ووراهم الصورة
o حسام / يااااه يا نور وحشتينى اوى
o عا** سرح فى الصورة وما اتكلمش
o الحاج على / اية رايكوا تكلموها فيديو
o عا** بلهفة / يا ريت يا بابا
o اتصل الحاج على بمدام حكمت وقالها عايزين نكلم نور بس الاول ياريت تصوريهالنا فيديو من غير ما تحس عشان نشوف لعبها وحركتها بتلقائية
o مدام حكمت حاضر
o وبالفعل فتحت الكاميرا وبدات فى بث فيديو مباشر لنور
o وكان المشهد لنور وهى راكبة مرجيحة وادم هو اللى بيهزها وفجاة سقطت توكة شعرها الناعم فاوقفها ادم ونزلها وسرح لها شعرها
o كل هذا المشهد والحاج على متابع تصرفات ادم باستغراب على اهتمامه بيها وفى ذات الوقت كان مبسوط انها لقيت حد يعوضها عن حنان عا** بينما تجهم وجه عا** لما شاف نور سعيدة مع ادم وخاصة انه هو اللى باه يقوم بكل ما كان عا** يقوم بيه معها
o مدام حكمت بصوت مسموع / نور ... نور .. تعالى كلمى عموا على
o نور جريت عليها وهى ماسكة ايد ادم وبتجذبه معها
o نور بصوت طفولى / الو ازيك يا عمو انت مش بتيجى ليه عشان تلعب معايا انا وادم
o الحاج على / انا هاجى يا حبيبتى بس انا عايز اقولك انك وحشتينى اوى
o نور / طيب فين عا**
o عا** بسرعة قرب الكاميرا له وبلهفة على فرحة لاحساسه انها لسة فاكراه / ايوة يا نور انا اهه انتى وحشتينى
o نور / انا زعلانه منك عشان انت سيبتنى
o عا** وقد ملات عينه الدموع / معلش يا نور انا هجيلك قريب بس عايزك تخلى بالك من نفسك
o نور / متخافش ادم بيخلى باله منى وبيلعب معايا
o حسام اخد دوره امام الكاميرا وشاور لنور وقالها / ازيك يا نور اوعى تكونى نستينى
o نور / لا انا فاكراك ومش نسيتك
o حسام / طيب ....
o قاطعه عا** وقرب الكاميرا منه هو وقالها يا نور ممكن اكلم ادم
o استغرب الحاج على من سؤال ابنه
o نور / حاضر هو معايا اهه
o ادم / اهلا ازيك يا عا**
o عا** / خلى بالك من نور يا ادم وكل شوية جس جسمها عشان بتسخن ومش بتعرف تقول وخلى بالك من الوعد اللى اتواعدناه
o ادم / لا مش ناسى
o وانتهت المكالمة والحاج على مستغرب من ابنه ولهفته على نور وساله وعد ايه اللى انت اتواعدته مع ادم
o عا** / اا اتواعدت معاه انه يخلى باله مها وانه ميخليش حد يض*بها وانى لما ارجع هتجوزها عشان احميها عشان هى ملهاش حد
o الحاج على اتفاجىء من كلام ابنه ومعرفش يرد عليه وفى نفس الوقت خرج حسام وعا** من امامه من غير ما يحس بيهم لانه سرح فى كلام عا**
o الحاج على لنفسه / اد كدة انت بتحبها يا عا** بس الظاهر ان حبك دة مش حب مراهقة ولا حاجة دة حب حقيقى لانك اصلا سابق سنك
o فى الخارج حسام / مالك يا عا** انت متضايق ليه من ساعة ما شوفت نور مع ادم مش انت اللى موصيه عليها
o عا** / اه انا اللى موصيه بس انا حاسس انها اصلا هتنسانى قريب لان هو القريب ليها وانا اللى بعيد عنها انت مشوفتهاش مبقيتش خايفة وهى معاه ليه ودى اول مرة تكون مش خايفة وانا مش جنبها وبعدين انت شوفت بنفسك ادم هو اللى بيعمل لها كل حاجة حتى تسريح شعرها وباه هو البديل عنى
o حسام / يا سيدى متخافش مش هتنساك ولا حاجة زى ما انت مش بتنساها
o عا** بشرود الله يسامحك يا ماما
كيف جعلتنى احبك الى هذا الحد
كيف خلقت اللهفة فى عينى وكيانى
نعم جعلتنى اجن عندما اتذكرك
اتخيلك فى كل شىء
اتخيل وجهك فى كل مكان
اسمع صوتك ف كل لحظة
اشعر بقربك فى كل مكان
اشعر بحرارة انفاسك
اتذكر ان بينى وبين رؤيتك ملايين الحواجز
الا انى اعشق هذا الحب واعيش على امل اللقاء
ـــــــــــــــــــــــــــــــــــــــــــــ
- Writer
