البارت 5
1696 Words
البارت الخامس
o عا** لسة بيفكر فى نور وقلقان عليها وقرر انه لازم يتكلم مع والده
o الحاج على فى مكتبه سمع طرقات عالباب
o الحاج على / ادخل
o عا** دخل لوالده ومش عارف يبدا الكلام ازاى
o والده حس بتوتره وفهم بفراسة الوالد ابنه عايز يتكلم فى ايه فبادر هو بالكلام وقاله / متقلقش هى كويسة
o عا** بلهفة / بجد يا بابا هى كويسة
o ضحك الحاج على على تلقائية ابنه وقاله طيب انت عرفت الاول انا بقول كويسة على مين
o عا** وجهه احمر بشكل طفولى وقال / ما انا عارف ان حضرتك بتتكلم على نور
o الحاج على وهو يبتسم بخبث / وايه الى مخليك متاكد انى بتكلم عن نور
o عا** وقف متوتر ومعرفش يرد
o الحاج على قام من خلف مكتبه وراح ناحية ابنه عا** واجلسه باشارة من يده على الكرسى المقابل لمكتبه وجلس هو كمان عالكرسى التانى وبتسم لابنه وقاله / على فكرة يا عا** انا مبسوط منك اوى انك بتخاف على بنت عمك وعايزك كدة على طول تفضل خايف عليها عشان هى ملهاش غرك انت واخوك واياك الحياه هنا تنسيك بنت عمك وانها مسئولة منكوا
o ورجع لورا واعتدل بجلسته وتن*د بحزن وقاله وعايزك تعرف كمان ان والدها شريكى فى شغلى بس الاهم من دة انا عايز افهمك حاجة وتحطها حلقة فى ودنك ....عادل اخويا ابو نور ما كانش شريكى فى الاول بس لما اتوفى وعملت اعلام وراثة طبعا نور كان ليها النص بس لانها بنت وانا كان ليه باقى التركة وبقيت انا الوصى عليها فانا خليت فلوس نصيبها زى ما هو لان المحكمة حجبتهولها ودة مينفعش انا اتصرف فيه وهى بس اللى هتستلمه لما تكبر وتتم 21 سنة لكن نصيبى انا دخلته فى مشاريعى عشان يكبر بس كتبته باسمك انت عشان تعرف تفرقه لما تكبر عن تركتى وتديه لنور لانه حقها وانا مش عايز من فلوس ابوها حاجة انا بس حبيت اكبرلها الفلوس
o ومهما والدتك حاولت تاثر عليك انك ما تديهش حاجة ما تطاوعهاش وخليك عا** الراجل الامين اللى هموت وانا مطمن على فلوس بنت اخويا انها معاه وعايزك تفضل سند ليها انت واخوك وتحاولوا تعوضوها عن الامان اللى هى افتقدته من صغرها واوعى فى يوم تهينوها او ت**روها
o عا** / يا بابا انت بتقولى الكلام دة كله ليه ربنا يديم على حضرتك الصحة ويخليك لينا انا و سام ونور
o ربت الحاج على على كتف ابنه وقاله برافو عليك يا عا** انك جمعت اسم نور باسمك انت واخوك وعايزك تجمعها كدة بيكوا على طول
o هز عا** راسه بمعنى حاضر
o الحاج على مكملا كلمه / وعا......
o قاطعهم فى الكلام صوت خبط طرقات طفولية اخرى عالباب
o ابتسم الحاج على وقال كويس اخوك هو كمان جة اهه .... ادخل
o دخل حسام وقال / ازى حضرتك يا بابا انا اصل كنت بدو على عا** عشان يلعب معايا ولما ملقيتهوش قولت اكيد عند حضرتك
o الحاج على وابتسم ابتسامة ماكرة وضيق عينيه وقاله وانت ايه اللى خلاك تتوقع انه هيكون معايا اشمعنا مش مع والدتك ولا انت عارف اصلا هو جاى يطمن على ايه واشار بيده لابنه انه يقترب
o اقترب حسام من ابيه ووقف فى المنتصف بين والده واخوه
o الحاج على بص يا كابتن حسام انا عارف انك كنت متاكد ان عا** هييجى ويسال على نور عشان يطمن عليها وعارف ان انت كمان عايز تطمن عليها وعشان كدة هعيد عليك الكلام اللى قولته لاخوك عشان تفهمه
o وخلال لحظات اعاد الحاج على نفس الكلام على حسام
o الحاج على / المهم دلوقتى لازم تعرفوا انى ناوى ابعت لاختكوا نور مبلغ شهرى يساعدها فى المعيشة وفى تعليمها لما تدخل المدرسة ولو جرالى حاجة قبل ما نرجع القاهرة اوعوا فى يوم تقطعوا عنها المبلغ دة لانها ملهاش مص*ر تانى غيره عالاقل دلوقتى لحد ما تبلغ 21 سنة وحتى لما تبلغ السن دة مش هتقدر تستلم فلوسها اللى المجلس الحسبى حاجبهولها لان كل الاوراق الرسمية واعلام الوراثة كله معايا دة اولا اما ثانيا بكل بساطة هى متعرفش انها عندها فلوس لانها طبعا طفلة ومش هتفهم حاجة وبصراحة انا مش ناوى اقولها الا لما تكبر واحس انها عاقلة بدل ما واحد يضحك عليها وياخد فلوسها
o خلاص اتفقنا يا ولاد وفهمتوا كل اللى قولته
o عا** وحسام / ايوة يا بابا
o الحاج على / بس لسة ناقص حاجة
o عا** باستفهام / اية هى
o الحاج على / انكوا تتفقوامعايا اتفاق رجالة انكوا متقولوش لوالدتكوا على كلامنا ده اى حاجة تمام يا ولاد
o حسام / امرك يا بابا
o الحاج على / فى حاجة اخيرة باه بس ايه هتفرحكوا
o عا** وحسام بلهفة / ايه هى يا بابا
o الحاج على فتح اللاب توب بتاعه واتفاجىء عا** وحسام بانها فيديوهات قصيرة لنور وهى بتلعب مع ادم وفريدة وليلى وفيديو اخر لادم وهو بيسرح لنور شعرها
o فرح عا** وحسام جدا بنور وبفرحتها الا ان ابتسامتهم تلاشت لما لقوها فى كل الصور والفيديوهات ماسكة فى ادم ومش عايزة تسيبه وغاروا من هذا الادم اللى باه هو القريب من بنت عمهم نور
o الحاج على حس بغيرتهم فابتسم وقالهم / واضح اوى ان نور مش عايزة تسيب ادم عشان هى شايفاه زى عا**
o قام عا** من غير ما ينطق واستاذن من ووالده وطلع اوضته وكذلك فعل حسام
o وفى الاعلى فكر حسام انه يدخل يهدى من اخيه لانه متاكد انه غيران لما شاف نور مع ادم انما قرر انه هيسيبه لوحده شوية ويرجعله تانى
القلب ينبض بحبك
والعين تدمع لبعدك
ولا حبيب لى سواء
رفقا يا حبيبى بقلب يهواك
ـــــــــــــــــــــــــــــــــــــــــــــ
o ادم / يالا يا نور بطلى لعب وتعالى عشان ميعاد الغدا
o نور / بس انا شبعانه ومش عايزة اكل
o ادم / لا لازم تاكلى تعالى معايا اغسلى ايد*ك
o استجابت له نور وراحت معاه وهو مسك ايديها وغسلهالها وبعدها قعدوا كلهم على ترابيزة طويلة والدادات وضعت امامهم اطباق الاكل وبداو ياكلوا وجلس ادم بجوار نور
o ادم / لاحظ ان نور مش عارفة تاكل ومعظم الاكل بيقع منها والقليل هو اللى بيوصل لفمها فقام ناحيته ومسك منها المل*قة وبدا هو ياكلها بنفسه
o ابتسمت مدام حكمت على فعله وقربت منه وبهدوء قالتله سيبها انت يا ادم يا حبيبى وانا هخلى الدادة تاكلها بنفسها انا بس كنت عايزاها تعتمد على نفسها
o ادم / اصلها لسة صغيرة ومش عارفة تاكل وانا قولت ااكلها بدل ما اكلها كله يقع فى الارض ومش هتشبع
o مدام حكمت / طيب يا حبيبى روح انت كمل اكلك عشان هيبرد وانا هخلى الدادة تاكلها ولا اقولك انا هاكلها بنفسى يا سيدى عشان تكون مطمن
o ادم / معلش يا ابلة حكمت انا هاكلها بنفسى
o ابتسمت مدام حكمت وربتت على ظهره وقالتله ربنا يخليك للست نور يا استاذ ادم
o ادم ابتسم لها ببراءة ومعلقش
o اما مدام حكمت ابتعدت عنهم ولا تزال الابتسامة على وجهها واستغربت عن مدى ارتباط كلا من نور وادم ببعضهما وقالت لنفسها سبحان الله وسبحان مجمع القلوب
o بدات فعلا نور تاكل من ايد ادم وبعد ما شبعت بدا هو ياكل اكله اللى كان برد ولكنه فضلها على نفسه
ـــــــــــــــــــــــــــــــــــــــــــــ
o بعد كام شهر سارت الايام فيهم روتينيه الاحداث الا ان ادم اصبح لنور هو الحياه واصبحت فريدة وليلى هما اصدقاءها المقربين
o كما ان كل من فى الدار عرف ان ادم هو تقريبا المسئول الاول عن نور وبقت الاطفال الصغيرة تخاف تقترب من نور او تعا**ها كلعب كل الاطفال لانهم كانوا عارفين ان ادم هو اللى هيقف لهم وهيدافع عنها
o كما ان ادم عرف وفهم كل تصرفات نور حتى انه اصبح عارف اية ه اهم الاكلات اللى بتحبها وايه اللى مش بتحبه وكذلك هى عرفت طباعه وبدات تفهمه على قدر سنها
o بينما عا** وحسام بداوا يتعرفوا على اصدقاء جدد منهم مصريين ومنهم ايطاليين ولكنهم لم ينسوا ابدا نور
ـــــــــــــــــــــــــــــــــــــــــــــ
o هناك فى حجرة طويلة شبيهه بالعنبر توجد جرة نوم البنات ومثلها فى الناحية المجاورة حجرة نوم الاواد
o ليلى / صباح الخير يا نور
o نور / صباح النور
o ليلى / قومى يالا عشان هنفطر
o نور / حاضر
o فريدة / انتوا صحيتوا انا لسة كنت جاية اصحيكوا
o فريدة ساعدت ليلى انها تنزل من عالسرير
o خرج التلاتة بعد ما غسلوا وشهم واتوجهوا نحو مكان الفطار
o والمكان المعد لاى وجبة اكل كان عبارة عن صالة طويلة بها ترابيزات طويلة محاطة بكراسى
o ادم / صباح الخير يا نور
o نور صباح الخير
o ادم موجه كلامه لفريدة وليلى / صباح الخير
o فريدة وليلى / صباح النور
o جلس كل الاطفال حول الطعام
o ادم مد ايده وعمل سندوتش لنور وقالها كلى دة على ما اعملك غيره
o نور / بس انا مش جعانه
o ادم / لا لازم تفطرى كويس المستر قالنا ان وجبة الفطار دى اهم وجبة فى اليوم
o نور / هو انت فى مدرسة
o ادم / اه انا فى سنة اولى اعدادى وعلى فكرة فريدة وليلى هما كمان فى المدرسة وفى سنة تالتة ابتدائى
o نور / طيب انا عايزة اروح معاك المدرسة
o ادم / ما انا كنت ناوى اكلم ابلة حكمت عشان تقدملك فى الحضانه
o نور / يعنى هكون معاك
o ادم / لا يا حبيبتى انتى لسة صغيرة هتروحى الحضانه
o نور / لا انا عايزة اكون معاك
o فريدة وليلى ضحكوا على نور وقالولها يا ستى بكرة تكبرى وتروحى معاه
o بعد الفطار خرج الاطفال للجنينة وقعدوا يلعبوا وادم اخد نور وراحوا الكانتين واشتر لنور شيكولاته وعلبة الوان وكراسة
o نور / شكرا يا ادم بس انت جيبت الفلوس منين
o ادم / انا عمى محمود بيسيبلى مصروفى وانا لما بحتاج حاجة بجيبها
o نور / طيب انا كمان عايزة يكون معايا مصروف زى ما بابا كان بيدينى
o ادم / اللى انتى عايزاه بقى اطلبيه منى وانا اجيبهولك
o نور / حاضر
o مدام حكمت قابلتهم وابتسمت لهم وقالتلهم / الله يا نور مين الى جابلك الشيكولاتة دى واية الالوان الجميلة دى
o نور / ادم جابهولى عشان ارسم
o مدام حكمت بابتسامة / ادم يا حبيبى انت جبتهم برده من مصروفك
o ادم / اه
o مدام حكمت ربتت على كتف ادم وقالتله برافو عليك يا ادم بس يا حبيبى انا عايزة اقولك على حاجة نور كمان ليها مصروف بس مش ينفع اديهولها عشان هى هتضيعه لكن اللى هى عايزاه انا هجيبهولها وبلاش انت تصرف مصروفك عليها
o ادم / مفيش مشكلة يا ابلة حكمت انا مبسوط اصلا انى جيبتلها الحاجات دى
o مدام حكمت / طول عمرك راجل يا ادم
o نور واقفة تستمع لهم وهى ماسكة ايد ادم وبتاكل بايده التانية الشيكولاته
o ادم / لو سمحت يا ابلة حكمت كنت عايز اسل حضرتك على حاجة
o مدام حكمت / اتفضل يا حبيبى
o ادم / هو حضرتك هتدخلى نور الحضانه
- Writer
