البارت الثالث ( 3 )
1512 Words
البارت الثالث
o بصتله نور دون ان تتكلم ولكنها لقيت فيع نفس حنية عا** عليها فبتلقائية ابتسمتله وببراءة سالته انت اسمك عا**
o ادم ابتسم باستغراب وقالها لا انا اسمى ادم بس انتى ليه افتكرتى ان اسمى عا**
o نور / عشان انت شكل عا**
ـــــــــــــــــــــــــــــــــــــــــــــ
o فى نفس اللحظات كان عا** وحسام والحاج على واقفين خارج سور الدار وبالقرب من نور لا يفصلهم سوى السور ولكنهم واقفين من ظهرها حتى لا تراهم وترجع تتالم من فراقهم مرة تانية وققف عا** وحسام ماسكين السور بايديهم وبينظروا لنور اللى رافضة الكلام مع اى طفل رافضة كمان الاكل وبكوا كثيرا عليها الا انهم عندما شاهدوا ادم يقترب منها دبت بهم الغيرة على بنت عمهم واستمعوا لحديث نور مع ادم وما ان سمع عا** لحوارها وانها ما اتكلمتش مع ادم الا لكونه شبيه لعا** فلم يستطيع الوقوف بعيد عنها اكثر من ذلك فلغى اى اتفاق مع والده بان نور مش لازم تشوفهم وجرى ودخل الدار بسرعة ووراه حسام بنفس اللهفة وتوقف الحاج على مستغرب من اللى سمعه وشافه من نور وانها لم تطمان لادم الا لانها شافته زى عا** فاحترق قلبه على ابنة اخيه وابنه فنزلت دموعه ولم يستطيع اخفاءها ومنع نفسه من الدخول وفضل انه يفضل من الخارج ليتابع تصرفات اولاده وخوفهم على نور
o عا** اول ما دخل من بوابة الدار مسكه رجل الامن ونهره الا انه فجاة انفجرت فيه قوة لا يعرف مص*رها الا انه من الواضح ان خوفه على نور هو سبب قوته فصاح برجل الامن هو وحسام لعله يتركهم يدخلون لنور
o سمعتهم مدام حكمت اللى كانت خارجة بناء على اتصال بالحاج على لها وشرح لها الموقف سريعا وطلب منها اها تسمح لعا** وحسام بالدخول لتوديع نور
o مدام حكمت / سيبهم يا عم احمد خليهم يدخلوا يشوفوا بنت عمهم
o جرى عا** وحسام على نور
o حسام زاح ادم بعيد عن نور وقاله انت مالك ومالها
o ادم / انا معملتلهاش حاجة انا كنت عايزها تاكل عشان هى مش عايزة تاكل خالص
o عا** جرى على نور وحضنها التى كانت لا تقل عنه سعادة برؤيتها ليه
o نور / انت وحشتنى اوى يا عا**
o عا** وهى بيبكى ربت على ضهرها بحركة طفوليه تثبت مدى خوفه عليها وبهدوء قالها انتى مش عايزة تاكلى ليه يا نور
o نور / انت جاى تاخدنى معاك
o عا** مش عارف يرد عليها
o حسام راح الكانتين الخاص بالدار واشترى لنور حلويات وعصاير من فلوسه اللى محوشها ورجعلها جرى واعطاها العصير وقالها انا عارف انك بتحبى عصير الاناناس
o مدت نور ايديها ولاول مرة منذ الصباح تبتسم وضكت لحسام وقالتله انا هاجى معاكوا مش هقعد هنا لوحدى تانى
o نظر حسام لعا** ومعرفوش يقولولها ايه
o عا** بهدوء / بصى يا نور احنا هنمشى دلوقتى وهنرجعلك تانى بس اهم حاجة انا عايزك تاكلى كويس عشان مش ازعل منك واوعدك انى هاجى ازورك كتير
o حسام قرب منها هو كمان وقالها انتى هتوحشينا اوى يا نور
o نور واقفة بين الاتنين مش قادرة تفهم معظم كلامهم لانها من الاساس مش عارفة هى فى الدار ليه وليه عا** وحسام هيسيبوها تانى ويمشوا
o ادم واقف بالقرب منهم بيتابع كلامهم ولا يزال السندوتش اللى كان ناوى يعطيه لنور بايده
o عا** قرب من ادم واخد منه السندوتش ورجع خطوتين واعطاه لنور اللى اخدته منه بكل سهوله
o عا** اقترب مرة اخرى من ادم ومسك ايده وقربه من نور وقاله انت اسمك ايه
o ادم / انا اسمى ادم
o عا** / عندك كام سنة
o ادم / انا عندى 14 سنة
o عا** / طيب ممكن اطلب منك طلب
o ادم / ماشى
o عا** / نور دى بنت عمى وزى اختى ولما اكبر انا هتجوزها عشان احميها عشان هى مش عندها حد لان باباها ومامتها ماتوا وهى مش عندها اخوات غيرى انا وحسام واحنا هنسافر وهنبأه نرجع تانى بس عايزك تخلى بالك منها ومتخليش حد يض*بها
o ادم / حاضر هخلى بالى منها متخافش
o عا** / بص هى لما بتتعب مش بتتكلم ولا بتقول لحد انت كل شوية حط ايدك على وشها ولو لقيتها سخنة خلى الدادة تديها الدوا عشان هى على طول زورها بيوجعها وبتسخن بس هى مش بتقول وانا اللى كنت بكتشف دة فخلى بالك منها
o ادم / طيب اسم الدوا ايه
o عا** / مش عارف انا كنت بقول للدادة وهى اللى بتديها فانت كمان ممكن تقول للدادة وهى اكيد
o عارفة اسمه
o ادم / حاضر
o نور واقفة بينهم مش بتتكلم لكنها فرحانه بوجودهم معاها وابتسامتها اترسمت على وشها من تانى
o عا** وحسام حضنوا نور وقبلوا راسها
o عا** مال عليها وقالها ابقى اسمعى كلام ادم يا نور وهو هيخلى الدادة تجيبلك الدوا لو تعبتى
o نور اومات براسها بمعنى حاضر ولكن اختفت ابتسامتها البريئة اول ما حست انهم خلاص هيسيبوها تانى
o حسام / اوعى تزعلى يا نور احنا هنيجى نزورك كتير
o نور دموعها نزلت ب**ت
o عا** مد ايده ومسح دموعه وقالها صدقينى احنا مش هنتاخر عليكى يا نور
o حسام تعالى يا نور اقفى وسطنا عشان ناخد صورة واحنا مع بعض
o نور ببراءة الاطفال وقفت وهى ماسكة عروستها بين عا** حسام وبتلقائية قالتلهم خلى ادم يتصور معانا وبالفعل انضم ادم للصورة واتصوروا صورة سيلفى من موبايل حسام جمعتهم هما الاربعة
ـــــــــــــــــــــــــــــــــــــــــــــ
o خرجت مدام حكمت للحاج على خارج الدار فور ان تحدث معها فى بداية مجيئهم ووقفت بجواره وب**ت تابعوا الموقف والحوار من بدايته لنهايته
o مدام حكمت باستغراب على براءة الاطفال الاربعة وحنان عا** وحسام على بنت عمهم وبتعجب قالت سبحان الله اولادك بيحبوها جدا يا حاج على ونور ما ابتسمتش الا لما هما جم
o الحاج على وهو يبكى على حال بنت اخيه واولاده وقالها صدقينى انا كمان عمرى ما كنت اتخيل انهم مرتبطين ببعض كدة ولا اعرف ان عا** هو الى بيعرف امتى نوربتكون تعبانة بس اظاهر ان هما احن عليها منى
o مدام حكمت وهى بتحاول تهدى الحاج على / متقولش كدة يا حاج على كل الحكاية انهم عشان اكيد كانوا بيلعبوا مع بعض فعرفوا طباع بنت عمهم وعموما ادم طفل مؤدب كدة وانا حاسة انه فى تشابه كبير بين طباع ادم وعا** وعشان كدة هو الوحيد اللى نور اتكلمت معاه وده كويس انها لقت حد يخرجها من حالة الوحدة اللى هى كانت فيها
o الحاج على / وهو ادم دة حكايته ايه
o مدام حكمت وهى لا تزال تقف مع الحاج على خارج الدار بجوار السور الحديدى ويقف امامهم ولكن بداخل الدار الاطفال الاربعة عا** وحسام ونور وادم / ادم دة والده ووالدته متوفين واللى جابه هنا هو اللواء محمود وده كان صاحب والده جد ا
o ووالد ادم وصاه على ابنه وكمان هو سا**ه ثروة كويسة واللواء محمود بيجى كل شهر يطمن على ادم ويسيبله مبلغ بيتحط فى الامانات كمصروف شهرى ليه وفى الحقيقة هو حنين جدا على ادم وبيعامله زى ابنه ومتفق معايا انه اول ما ادم يخلص المرحلة الثانوية هيدخله شرطة كرد جميل لصاحب عمره اللى هو والد ادم
o الحاج على / فعلا مش كل اللى فى الملاجىء اولاد شوارع
o مدام حكمت / اكيد بس برده الناس مش قادرة تغير تفكيرها عن طبيعة اطفال الملاجىء يعنى على سبيل المثال انا هنا عندى طفلة اكبر من نور بحاجة بسيطة وامها هى اللى جايباها هنا
o الحاج على بدهشة / بتقولى والدتها هى اللى جابتها لهنا ازاى يعنى وازاى قدرت تفرط فى ضناها كدة
o ابتسمت مدام حكمت وقالت / انت كمان حكمت عليها من غير ماتسمع مبرراتها واحنا لسة بنتكلم على اراء الناس فى اطفال الملاجىء وانهم بيظلموهم باراءهم ز ما فى حد تانى لو عرف ان نورلها عم مبسوط ماديا وعنده اولاد بيحبوها هيقولوا ازاى ساب لحمه
o الحاج على معتذرا ووجه احمر من سرعته فى الحكم
o مدام حكمت مكملة / البنت دى اسمها فريدة ووالدتها كانت متجوزة باباها بس من غي رضى اهل جوزها لانهم من الصعيد الجوانى وهما عندهم ان الولد لازم يتجوز بنت عمه ولما ابوها رفض بنت عمه لانه ببساطة كان بيحب والدة فريدة فاضطر انه يقاطع اهله ويتجوزها بس للاسف اتوفى ووالدة فريدة ملهاش حد ولما تعبت وحسيت انها ممكن تموت فى لحظة وتسيب بنتها جابتها عندنا ووصيتنا عليها انها اول ما تكمل 21 سنة نساعدها انها تروح لاهل ابوها عشان ليها ميراث هناك يساعدها فى المعيش وفعلا زى ما يكون كانت حاسة بعد ما جابتها لهنا باسبوع ماتت
o الحاج على متاثرا / الله يرحمها
o مدام حكمت / انا عندى امثلة هنا كتير اوى غير فريدة حكمت عليهم الظروف انهم يتربوا فى دار ايتام واهلهم موجودين
o الحاج على / فعلا اللى يشوف بلوة غيره تهون عليه بلوته
o مدام حكمت / انا هدخل باه عشان انا شايفة اولادك اهم خارجين
o الحاج على / م السلامة يا مدام حكمت ومش هوصيكى على نور
ـــــــــــــــــــــــــــــــــــــــــــــ
o خرج عا** وحسام وواضح عليهم الحزن والالم عشان خلاص سابوا نور
o الحاج على / اوعوا تكون شافتكوا وانتوا خارجين عشان ما تتاثرش بيكوا
o حسام / متخافش يا بابا احنا خلينا ادم يلهيها لحد ما مشينا
o الحاج على / ادم دة يبقى اللى كان واقف معاكوا
o حسام / ايوة
o الحاج على / باين عليه ولد مؤدب
o حسام بضيق / اه
o لاحظ الحاج على ان عا** مش بيرد خالص فساله / مالك يا عا**
o عا** بقلق / انا خايف على نور اوى
o الحاج على بابتسامة خبث وهومضيق عنيه / متقلقش عليها يا عا** اهه ربنا عوضها بادم يخلى باله منها
o عا** نظر لابيه بجمود وقاله / انا لا يمكن اسامح ماما على رايها دة
o الحاج على اتاكد من اسلوب عا** فى الكلام انه فعلا بيحب نور بس يا ترى الحب دة حب مراهقة ولا حب هيديم ويكبر معاه
o الحاج على فى نفسه / يا ريت يا عا** يكون حبك دة مش مجرد مراهقة وتكبر وتقدر تحافظ على بنت عمك
ـــــــــــــــــــــــــــــــــــــــــــــ
- Writer
