KISS
MAG-ISANG umuwi si Farrah sa condo niya, nag-commute na lang siya at hindi niya na rin nagawang hintayin si July nang magpasya siyang mauna na lang.
Gusto niya na rin muna magpahinga, pagkatapos nang kinainisan niyang pangyayari parang nawalan na siya ng gana ng tuluyan sa araw na 'yon.
Nag-text na lang siya kay July at alam niyang maiintindihan siya ng kaibigan niya.
Gabi na rin kasi at hindi rin magugustuhan ni Paulo kapag malaman nitong late na siya uuwing mag-isa.
Pero bakit niya pa nga ba iniisip ang lalaking 'yon?
Hindi ba, hindi man lang ito nag-aalala sa kaniya? Ni hindi nga ito nagtangkang tawagan siya.
Siguro masaya ito sa piling ni Marissa, galit na sigaw ni Farrah sa sarili.
Hindi niya man lang nagawang iwaglit niya sa isip niya ang nangyari. Nandoon ang inis, gali
