SINULYAPAN ni Georgette ang anak habang nakapila siya sa counter ng Jollibee. Hindi niya napigilan ang mapangiti nang makitang kumaway ito sa kanya nang makitang sumulyap siya dito.
She waved back, too. Pagkatapos ay inalis na niya ang tingin dito at humarap na sa counter. At hinintay na siya na ang o-order. Medyo madami kasing customer sa araw na iyon. Nasa Jollibee silang mag-ina. Nag-request kasi ang anak na pumunta do'n kaya pinaunlakan naman niya.
Mayamaya ay naramdaman ni Georgette ang isang presensiya mula sa likod niya. Hindi na lang niya iyon pinansin dahil baka customer lang din iyon na kagaya niya na pumila. Hindi naman nagtagal ay siya na ang o-order. Binati siya ng cashier at tinanong kung ano ang order niya.
Sinabi naman niya dito ang gusto nilang order-in. "Hmm.. padag
