SAGLIT munang pumunta si Light sa chapel na nasa loob ng ospital para magdasal na sana ay maging succesful ang magiging operasyon ng asawa niya.
Lumuhod siya sa harap ng altar at taimtim siyang nanalangin.
"Panginoon, alam ko pong hindi ako perpektong tao, hindi perpektong asawa. Marami po akong pagkukulang pero mabuti po akong tao," pag-uumpisa ni Light. "Panginoon kayo na po ang bahala sa mag-ina ko. Bigyan niyo po sila ng lakas para lumaban. Bigyan niyo po sila ng pagkakataon na mabuhay sa mundo at makasama pa kami ng m-matagal..." pagpapatuloy niya sa pagdadasal, hindi na din niya napigilan ang paggaralgal ng boses sa sandaling iyon. "H-huwag niyo pa po sila kukunin sa akin, ipahiram niyo pa po sila," dasal niya, sa pagkakataong iyon ay pumatak ang luha sa kanyang mga mata. Para iy
