Almira POV
Parang panaginip lang ang lahat.
Ang mga bulaklak sa gilid ng simbahan, ang puting gown na suot ko, at ang mga matang nakatingin sa amin habang naglalakad ako sa aisle pero sa totoo lang, para akong hindi humihinga.
Ramdam ko ang kabog ng dibdib ko habang papalapit ako sa altar kung saan nakatayo si Drew.
Ang suot niyang itim na tuxedo, simple pero halatang mamahalin. Gwapo siya, oo, pero mas lalo lang akong naiinis kasi alam kong likod ng mga ngiting ‘yon, may lihim kaming tinatago.
Kunwari lang ‘to, Almira, bulong ko sa sarili ko. Walang totoo. Isang taon lang.
Paglapit ko, bahagya niyang tinaas ang tingin niya. Nagtagpo ang mga mata namin. Ilang segundo lang pero parang ang tagal.
“Ready ka?” mahina niyang tanong.
Tumango ako, kahit gusto kong sumigaw ng hindi.
Nags
