Nakakagalit bawat narinig ko na nga salita sa bibig ni Calvin. Ngunit wala akong magawa kundi ang magpanggap na wala akong alam tungkol sa nangyari.
Sa loob ng tatlong araw na nasa Isla kami ni Calvin kasama ang Mommy niya. Mas lalo lang nadagdagan ang galit ko sa mag-ina. Marami rin akong na pagtanto ngayon. Malaki ang sinira ng pamilya ni Calvin kay Daddy at Mommy, pati na rin ang normal kong buhay.
"Iha, napansin ko na parang ayaw mo sa akin. May problema ka ba sa akin?"
Natigil ako sa pagtanaw sa karagatan nang marinig ko ang boses ng Mommy ni Calvin dito sa dalampasigan.
Nang balingan ko ang ginang pansin ko ang blangko niyang titig sa akin. Suminghap ako at sinubukan kong ngumiti rito.
"Po? Bakit niyo naman nasabi ‘yun?"
Naglakad ang ginang palapit sa kinauupuan ko rito s
