Tama ba ang naging desisyon kong pakinggan muna si Melvin gayong ito pala ang magiging paliwanag niya? O dapat sana ay inuna ko na lang ang galit ko, nang sa ganoon ay wala akong rason na masaktan ngayon?
Sana pala ay nagalit na lang muna ako sa katotohanang nangyari kaninang umaga, para kahit papaano ay walang puwang sa puso ko ang sakit na nararamdaman ko ngayon. Nagmistulang lang akong pinagbagsakan ng langit at lupa.
Hindi ako nakagalaw, o maski ang nakaimik. Kung bumuka man ang labi ko, iyon ay para lumanghap ng sariwang hangin dahil ramdam ko ang paninikip ng dibdib ko. Ramdam ko ang pagkabigo ko sa sinabing iyon ni Melvin.
Ramdam ko ang tila punyal na paulit nagsusumiksik sa dibdib ko, damang-dama ko iyong pagkawasak ng puso ko. Nakakatawa lang din, kung sino pa iyong nakagawa ng
