"Gusto mong mobalik?"
Napatingin si Azora kay Robert. Humakbang ito palapit sa kaniya at tumayo sa gilid niya. Pareho nilang tiningnan ang tv screen.
Bumuntong-hinga si Azora. "No. I don't want, but my conscience says otherwise."
Nakita niya sa gilid ng mata ang pagsulyap ni Robert sa kaniya. "Ano bang dahilan at nagdesisyon kang umalis sa poder ng ama mo?"
Buo na ang tiwala ni Azora kay Robert kaya bumuntong-hinga siya at kinuwento ang tungkol kay Simmy, kung paano siya nito nilason habang nakakulong siya sa kuwarto. Pero hindi niya kinuwento sa lalaki ang tungkol sa kamatayan ni Anthony Clasiso.
Pagkatapos niyang ikuwento ang dahilan, ilang minuto silang natahimik ni Robert. Tapos, inaya siya nitong maupo sa upuan. Ito na mismo ang nagsalang ng DVD sa player at hindi nagtagal ay
