MALALIM na buntong-hininga ang pinakawalan niya sa ere pagkuwa’y kinuha niya ang libro na ibinigay sa kaniya ng mama niya kanina bago sila naghiwalay. Nakapatong iyon sa gilid ng higaan na gawa sa kawayan. Umupo rin siya roon at inilagay sa kandungan niya ang libro. Saglit niya iyong pinakatitigan.
“Ano kaya ang nakasulat dito?” tanong niya sa kaniyang sarili.
Dahil curious na rin siya kung ano ang ibig sabihin sa kaniya ng mama niya kanina... binuksan niya iyon. Unang tumambad sa paningin niya ay ang lumang larawan. Although, colored na iyon... pero halatang lumang-luma na iyon. Nangunot pa ang kaniyang noo nang kunin niya iyon at pinakatitigan niya ng mataman. Kung hindi siya nagkakamali, ang mama niya ito noong bata pa ito. And she was with... Señor Salvador? She thinks. Kasi parang
