“SINO ang nag-utos sa ’yo Diego para patayin si Uran?” mariing tanong ni Sebas kay Diego habang nasa kulungan na ang huli. Kung sana wala lamang nakaharang na rehas sa pagitan ng dalawa, sigurado si Sebas na kanina pa nakatikim ng malalakas na suntok itong si Diego. Hindi ito tatantanan ni Sebas hanggang hindi nagsasabi kung sino ang nag-uutos dito para patayin ang kapatid nito.
Isang ngisi naman ang pinakalan ni Diego habang nakatingin ito kay Sebas. Umiling pa ito at nagpakawala nang malalim na buntong-hininga habang nakaupo sa maliit na higaang naroon sa sulok. “Sebas, kahit pigain mo pa ako rito... wala kang makukuhang sagot mula sa akin.” Saad nito.
Mariing nagtiim-bagang ang binata at naikuyom ang mga kamao nito.
“Nahuli n’yo man ako at ibinalik sa punyetang kulungan na ito, I’m
