"Mabuhay ang bagong kasal!"
Hindi na nakuha pang makaangal ni Reign ng siilin siya ng halik ni Wryle. Aba, wala itong kasawaan! Panay ito halik sa kanya sa tuwing mayroon itong pagkakataon at s'yempre, siya naman ay hindi tumatanggi. Ano siya? Hilo? Gusto niyang matawa sa naisip. Gayunman, alam niyang iyon mismo ang hiling ng puso niya dahil kusa iyong tumutugon sa mga paglalambing nito.
Matapos silang magkaayos ni Wryle ay agad nitong itinawag iyon sa mga magulang nito at agad na namanhikan. Nang makita niya ang ama ni Wryle ay doon niya napagtanto kung kanino nito namana ang kaguwapuhan. Aba'y parang pinagbiyak na bunga ang mga ito. Maging ang tindig at tikas ng katawan ay kuha nito sa ama.
Kapwa na sila nagkapatawarang lahat at wala na siyang mahihiling pa. Tuluyan na nilang kinalimu
