Akala ko, madali lang makalapit sa matandang Donya. Pero napakahirap pala. Dalawang linggo halos. Ilang tao pa ang kinausap namin para lang makipag-transaction dito at malapitan ko mismo.
“Oh? Gideon my darling. What brought you here?” tanong ng matandang babae na nakasuot ng kulay pula na gown. May sumbrero itong malaki at may sigarilyo na nakasipit sa kanyang dalawang daliri.
“I need your help. Hindi na ako magpapaligoy pa. Nawawala ang asawa ko at natagpuan ko sa bahay ang sobre. Dalawang sobre! Hindi ba at may malaking tattoo ka niyan sa likod mo?” tuloy-tuloy na sabi ko sa matandang babae na biglang nawala ang ngiti sa kanyang labi. Dahil inabot ko ang sobre sa kanya.
“Chill, kadarating ko pa lang darling. Galing akong Europe at ganito ang eksena na sumalubong sa akin. Two weeks
