ايام معدوده

ايام معدوده البارت الاول الساعة ٧ صباحآ والدنيا كلها سكوت مفيش فالشارع غير ولد و بنت صغيريين ماسكين ايد بعض رايحيين عالمدرسة و لارا بتراقبهم من البلكونه و هي بتبتسم و ماسكه مج النيسكافيه بتاعها وحاطة جنبها الراديو بتسمع اغنية ل فيروز ... شافت منظرهم و كانت بتشتاق ل ايام زمان ايام لمتها مع اصحابها كانت كلها فرحة و سعادة .... دلوقتي كل واحد اتجوز و شاف حياته دول حتي ميعرفوش حاجه عن بعض ولا ارقام بعض كل حاجه راحت مع الايام و مرور الزمن زي مهي ملامحها اتغيرت و اتبدلت بسبب محاربتها ل مرض السرطان لارا كانت بنت جميلة اوي مكنش فيه حد من اصحابها مبيحبهاش كانت نقية و طيبه عشان كده ربنا حطها في الاختبار الصعب ده و مأردش ان يبقي عندها اطفال .... لكن رزقها ب كريم جوزها بيتمني رضاها و بيموت فالتراب الي بتمشي عليه و عايش عشانها و بس كريم مش همه ولا عيال ولا حد كل الي عاوزه ان لارا تخف و تبقي كويسه .... بيحارب معاها المرض و نفسه تبقي بخير و موديها عند اشطر دكاترة في البلد .... لورا كانت قاعده سرحانه بتفكر في اصحابها بتوع زمان كان عندها ثلاثه اصحاب ما كانوش بيفترقوا ابدا عن بعض ما كانش فاضل منهم غير صوره واحده معها بتجمعهم كانت نفسها تشوفهم حتى لو كان هيبقى اخر يوم في عمرها لكن ما كانتش تعرف ازاي اصلا .. اليوم ده الصبح بالصدفه كانت فاتحه فيسبوك و بتقلب فيه لقيت على جروب واحده حاطه صورتها هي و واحده صاحبتها و بتدور عليها بتسال حد يعرفها عشان احنا كنا اصحاب زمان واختفت وانقطعت اخبارها لقيت كومنتات كثير بيدعم وها وكله عمال يدور على صاحبتها لحد بعد يومين عملت تعديل للبوست وقالت فيه انها اخيرا لقيتها وبتشكر الجروب كله فكرت انها تعمل كده هي كمان صورت صوره هي واصحابها ونزلت الصوره على نفس الجروب وقالت لهم انا كنت متابعه من يومين البنت اللي بتدور على صاحبتها وفرحت جدا انكم لقيتوها انا نفسي الاقي اصحابي دول ايه ومايا وساندي اصحابي من 15 سنه بقى لي كثير قوي ما اعرفش حاجه عنهم كل واحده اتجوزت مش عارفه في اللي سافر وفي اللي انقطعت اخباره حتى ارقام تليفوناتهم مش معي نفسي الاقيهم جدا عشان انا بمر ب*روف صعبه و هابقى فرحانه قوي لو لقيتهم جنبي لقت الدعم كبير على البوست بتاعها نفس الدعم اللي كان على البوست القديم كان عندها امل كبير جدا ان حد فيهم يظهر قعدت ثلاث ايام الكومنتات تظهر وصلوا لي 7000 كومنت لحد ما لقيت واحده بتكلمها على الخاص وتقول لها : انا اعرف ايه دي جارتي ردت عليها وقالت لها : بجد يعني هتوصليني لها ... _ ايوه هوصلك ليها طبعا هاتي رقمك وانا هاكلمك وهخليكي تكلميها ... بدون تردد اديتها رقمها وهي ما تعرفش هي مين اصلا ولا اتاكدت بنفسها حتى ما دخلتش على الاكونت بتاعها ولا عرفت هو واحد ولا واحده اصلا كان كل همها توصل لايه باي طريقه حتى متاكدتش اللي كلمها ده واحد ولا واحده اديته رقمها وخلاص وكانت قاعده مستنيه احد يكلمها عشان توصل لايه صاحبتها جه كريم من الشغل وكان حاسس انها مبسوطه جدا موبايلها مش بيبطل اشعارات بسبب كثر الكومنتات اللي على البوست قال لها كريم : حاسس انك النهارده مبسوطه قوي يا لارا ممكن اعرف ايه اللي باستك كده لارا : اصل انا قربت الاقي صحابي اللي كل يوم باحكي لك عنهم وبس ... جاءت لي فكره اني انزل بوست على فيسبوك واخلي الناس تدور معي عليهم واكيد احدها يلاقيهم والناس دعمتني وفي واحده كلمتني قالت لي انها تعرف واحده منهم و اخذت رقمي وقالت لي انها هتكلمني و هتخليني اكلم ايه ممكن الاقي بقيت اصحابي عن طريق ايه ... كريم : ربنا يسعدك يا حبيبتي كمان وكمان وتلاقيهم كلهم وتتلمو من ثاني ... لارا : انت عامل ايه يا حبيبي النهارده في الشغل عملت ايه ... كريم : انا كويس الحمد لله معلش تاخرت عليك شويه عديت جبت غداء من بره عشان عارف انك تعبانه ومش هتقدري تعملي اكل جايب لك كل الاكل اللي بتحبيه يا حبيبتي عشان ما يبقاش نفسك في اي حاجه ولو نفسك في اي حاجه اوعى تترددي وقولي لي على طول لارا : انا مش عارفه اقول لك ايه يا كريم انت مستحملني بقى لك كثير قوي انا باقول لك اتجوز واخلص من الهم ده والله انا مش هازعل انا عذراك انت عايش معايا بقى لك سنين متجوز ومش متجوز عايش في ايام كلها تعب واعباء شايل الهم كله فوق كتافك ومطلع عيلتي من الموضوع خالص ... كريم : انا طول ما فيا النفس هافضل عايش عشانك يا لارا اوعى تفتكري اني باعمل كده غصب عني انا باعمل كده وانا مبسوط ونفسي تكوني سعيده ونفسي اقدم لك اي حاجه تفرحك بدعي ربنا انك تلاقي اصحابك عشان احس انك سعيده و مبسوطه ... فجاه لارا تليفونها رن برقم غريب ... لارا : ده اكيد البنت اللي قالت لي انها تعرف ايه انا هارد بسرعه ردت وصوتها كله فرحه : الو لقت واحد بيرد عليها : الو استاذه لارا ... لارا : مين حضرتك وجبت رقمي منين ... انا الرقم ده انت اللي اديته لي على فيسبوك مش حضرتك بتدوري على صاحبتك اللي اسمها ايه ... لارا : اه بادور عليها هو حضرتك تبقى مين _ انا ابن عمها و عارفها كويس تقدري تقابليني واوصلك بها ... لارا : طب وتوصلني ليه ما تديني رقمها وانا اكلمها بنفسي ... _ اصل مش هينفع اد*كي رقمها لانها عندها ظروف خاصه جدا انا بس عاوزك تقابليني وانا هاوصلك بها على طول .... لارا : انا مش هينفع اقابل حد انا معرفوش حضرتك لو عاوز توصلني بها اديني رقمها وانا هكلمها ونتفق انا وهي نتقابل انت مين اصلا عشان اجي اقابلك _ والله حضرتك حره بقى مش عايزه تعرفي صاحبتك فين ولا تشوفيها انت حره ما تقبلنيش ... = طيب انا ممكن اخلي جوزي يقابل حضرتك و افهم منك ايه الموضوع .... فجاه السكه قفلت ولا الخط قطع وجاءت تتصل به ثاني راح لقيت التليفون مقفول الشك بدا يراودها وجوزها كمان كان معها في الكلام قال لها ان واحد بيعا** وبيستهبل وهو ولا يعرف ايه ولا حاجه هو بس حب يكلمك لما لقيت واحده وعاوز كمان يقابلك كده انا اروح اقتله والله ما تزعليش نفسك يا حبيبتي وان شاء الله هتلاقيهم عن قريب ... لارا : انا مش زعلانه والله انا بس كان عندي امل اني اشوفهم وهلاقيهم منه لله ضيعلي الامل في ثواني كريم طب يلا يا حبيبتي بقى عشان ناكل مع بعض وبعد كده ورانا دكتور معلش انا عارف انك اليومين اللي فاتو دول تعبتي قوي بس ان شاء الله عندنا امل كبير انك تتحسني وتبقي كويسه خالص .... لارا وكريم راحوا يتغدوا كانت لارا قاعده حزينه عشان الموقف اللي حصل معها وكريم كان بيهون عليها ويقول لها هتلاقيهم يعني هيروحوا فين اكيد هتلاقي احد منهم حتى لو ملقتهمش كلهم في احد منهم هيظهر .. لارا : يا رب يا كريم الاقي احد منهم انت ما تعرفش لو لقيت حد نفسيتي هتتحسن ازاي نفسي الاقيهم قوي كريم : طب يلا انا هشيل الاكل وقومي البسي هدومك عشان ما نتاخرش على ميعاد الدكتور .. دخلت لارا تلبس هدومها وكل تفكيرها في اصحابها اللي مش لاقياهم ماسكه التليفون علشان تتابع الكومنتات لقيت كومنت بيتكرر كثير واحده بتقول لها يا لارا انا مايا كلميني على الاكونت ده وحاطين لينك ... جريت بسرعه فتحت اللينك ولقيت فعلا صور مايا صاحبتها وكانت الفرحه مش سايعاها دخلت كلمتها بسرعه وقالت لها يا مايا انتي بجد انا مش مصدقه اخيرا لقيت حد من اصحابي سيبي لي رقمك عاوزه اكلمك ضروري انت فين يا مايا انت هنا ولا سافرتي ولا رحت فين بالضبط ردت عليها مايا وقالت لها : انا موجوده جنبك لو احتاجتيني في اي وقت وده رقمي وسايبه رقمها ... من غير تفكير اتصلت لارا بالرقم ولقيت واحده بترد عليها الو انت مايا بجد مايا ... _ ازيك يا لارا بجد والله وحشتيني جدا انت فين يا بنتي كلنا اختفينا كده من بعض ما بقاش حد عارف يكلم الثاني ما تعرفيش انا فرحت قد ايه لما لقيتك بتسالي علينا انا متابعه الجروب ده من زمان وكان نفسي الاقيكم جدا الحمد لله اننا تجمعنا من ثاني لارا : انت اللي ما تعرفيش انا فرحانه ازاي اني اخيرا لقيتك انتي فين من زمان انا نفسيتي تعبانه جدا يا مايا و محتاجاكم كلكم جنبي عاوزين نوصل لباقي اصحابنا ايه وساندي هتساعديني نلاقيهم ونتجمع من ثاني مايا : طيب انا دلوقت عاوز اقابلك هو انت ساكنه فين انت صحيح اتجوزتي ولا لسه ... لارا : ايوه يا بنتي اتجوزت من زمان وهبعت لك العنوان بتاعي بس انا دلوقتي نازله و رايحه للدكتور هارجع وهاكلمك على طول ... مايا : دكتور دكتور ايه قلقتيني عليك انت تعبانه ولا ايه لارا : بصراحه يا مايا اه انا تعبانه قوي هابقى احكي لك بعدين هاروح دلوقت للدكتور واكلمك نتقابل النهارده او بكره محتاجه اتكلم معاكي شويه ... مايا : هاستنى تليفون منك يا لارا اوعي تنسي تكلميني لو تاخرت هاتصل بك انا ... لارا : ماشي يا حبيبتي هارجع وهاكلمك على طول ... خرجت لارا من الاوضه وهي الفرحه مش سيعاها بتحضن كريم وتقول له لقيتهم لقيت واحده منهم خلاص يا كريم انا كنت عماله ادعي الاقي واحده من اصحابي والحمد لله لقيتها مايا ظهرت وان شاء الله الباقي هيظهر وقريب كمان .كريم : بجد يعني كلمتيها وتاكدت انها هي ولا مقلب زي المره اللي فاتت لارا لا هي يا كريم انا كلمتها بنفسي والله هي مايا صاحبه عمري يا رب الاقي بقيتهم انا اتفقت انا وهي اننا نتقابل بس بعد ما اجي من عند الدكتور قا**ها النهارده ولو تاخرت شويه هقا**ها بكره ان شاء الله .. كريم : طيب يا حبيبتى ربنا يسهل يلا خلصي نفسك انتي وانا هستناكي تحت.. لارا : حاضر يا حبيبي انا هاروح البس بسرعه واجي عشان ما تتاخرش على الدكتور نزلت لارا وهي كلها سعاده غير اي يوم اول مره تكون بتضحك وهي رايحه للدكتور وكريم كان فرحان قوي انها سعيده... راحوا عند الدكتور واخذت جلسه الكيماوي وكانت عاوزه تخلص بسرعه عشان تلحق تقابل صاحبتها كريم : طمني يادكتور في تحسن رد عليه الدكتور وقال له ان شاء الله في تحسن ما فيش حاجه بعيده عن ربنا ممكن تصحى الصبح تلاقي نفسها المرض راح من عندها خالص بس انت ادعي وقول يا رب وما فيش حاجه هتبقى بعيده عن ربنا ... كريم : يا رب يا دكتور عشان هي تعبت اوي من كتر جلسات الكيماوي ونفسيتها بدات تتعب... ان شاء الله يبقى في تحسن قريب خرجت لورا من عند الدكتور هي وكريم وهي مش قادره تصدق انها خلاص هتشوف مايا لكن جايه تتصل بها تليفونها كان مقفول حاسس الدقيقه وفتحت النت تبعتلها على الاكونت بتاعها لقيتها قافله النت كمان روحت البيت وهي زعلانه وعماله طول الطريق حاول تتصل بها لكن تليفونها للاسف كان مقفول كريم : طبطب عليها وقال لها هتكلمك بكره يعني هي هتروح فين ما تخافيش خليكي وراها هتظهر من تاني و هتكلمك اكيد تليفونها فصل شحن او ما فيش شبكه انت مش بتقولي انك كلمتيها بنفسك واتاكدتي انها صاحبتك مايا اه والله كلمتها وتاكدت انها صاحبتي بس مش عارفه في ايه قفلت تليفونها ليه وهي عارفه اني هاتصل بها وقلت لها انا عاوزاكي ضروري كريم : لعل المانع خير يا لارا ما تقلقيش هتفتح تليفونها وهترجع تكلمك من ثاني.. روحوا على البيت ولارا ما سبتش التليفون من ايديها كانت بصه عليه مستنيه صاحبتها تليفون هيتفتح نامت وهي مش حاسه بنفسها و على الفجر كده تبعث لها رساله ان تليفون صاحبتها تفتح قامت بسرعه من النوم اتصلت بها وقالت لها كده يا مايا تقفلي تليفونك انتي قلقتيني عليكي اوي انتي فين كل ده.... لقت واحد بيرد عليها وبيقول لها انتي مين اصلا وعايزه مني ايه.. قالتله هو مش ده تليفون مايا.. قال لها اه هو تليفون الست مويه انت عايزاها في ايه بقى وتطلعي مين انتي.. انا صاحبتها لارا كنت باكلمها الصبح... لارا لارا مين اول مره اسمع عنك يعني لارا : قالتله هو حضرتك منين بالضبط و بترد على تليفونها ليه اصلا قال لها: هو ايه اللي انا حضرته مين انا جوزها هاكون مين يعني وبعدين في احد يتصل بحد في الوقت ده.. لارا : اسفه والله ما اعرفش اصلا انها متجوزه وبعدين انا كنت باكلمها الصبح وقلقت عليها لقيت تليفونها اتقفل فتره كبيره قال لها : ايوه ما انا اللي كنت قافله اصل انا كده باحب اخذ منها التليفون كل شويه واقفله كيفي كده بقى عايزه ايه انتي لارا : انا عاوزه اكلمها ضروري.. رد عليها وقال لها : عاوزه تكلميها في ايه انا مانعها اصلا تكلم اي احد من اصحابها.. انتي بقى طلعتيلنا منين عاوزه تخربي بيت صاحبتك كلميها عايزاها تبقى كويسه سيبينا في حالنا انا مانع انها تكلم اي اصحاب او تختلط بجيرانها او حتى تكلم اهلها ... لارا اول ما سمعت الكلام ده اتنرفزت عليه وقالت له يعني ايه مانعها انها تكلم اصحابها وجيرانها حتى اهلها مانعهم عنها انت لا يمكن تكون راجل سوي انت شكلك مجنون تقريبا او عندك حاله نفسيه اديني مايا احسن لك .. رد عليها وقال لها مش هاديها لك وانت ان اتكلمتي مع مايا دي ثاني انا باقول لك اهو التليفون ده هي مش هاتاخده عشان تبقى تحرم تكلم حد ثاني من ورايا.. لارا : انا اللي كلمتها والله هي ما كلمتنيش احنا اصحاب من زمان اوي ارجوك انا ما صدقت لقيتها ارجوك ماتمنع ناس عن بعض انا عاوزاها ضروري وعاوزه اكلمها انا عندي ظروف صحيه خاصه وكنت محتاجاها تكون جنبي هي وباقي اصحابنا .. رد عليها وقال لها انا قلت لك انسى مايا دي خالص انا مانعها عن الناس كلها مايا هتعيش عشاني انا وبس وراح قفل السكه في وشها.. قاعدت تعيط وجوزها قام على صوتها اتخض .... وقال لها في ايه يا لارا في ايه مالك ايه اللي حصل في حد زعلك ولا ايه لارا : الحيوان اللي متجوز مايا واخذ منها التليفون ومنعها عني وقال لي انها مش هتكلمني ثاني انا ما صدقت لقيتها يا كريم بقى بعد كل ده هتضيع مني من ثاني واخذ تليفونها وقال لي انه مش هيديه ليها حتى اهلها منعها عنهم هي ازاي ما حكيتليش حاجه زي دي .. اكيد عشان انا قفلت معها في الكلام عشان يوم عياده الدكتور.. كريم : اهدي بس يا حبيبتي وهي لما يمشي اكيد هتكلمك وتفهمك على كل حاجه اكيد دي حاجه غصب عنها في ناس مريضه نفسيا كده مش بتعوز ان مراتتهم يكلم واحد خالص او يختلطوا بحد عشان يبقى حياتهم ليهم وبس اكيد بكره لما ينزل من البيت هتكلمك زي ما ردت عليكي النهارده وبعتتلك رقمها ما تضايقيش نفسك بالله عليكي يا لارا عشان انتي تعبانه وكل حاجه هتبقى كويسه وتتصلح .... لارا .. دخلت تنام من غير ولا كلمه وكانت حاسه انها م**وره بعد الكلام اللي جوز مايا قالها نامت وماحستش بنفسها غير تاني يوم الصبح وتليفونها بيرن رقم مايا بيتصل بها..... وكانت عماله تعيط وتقول لها حقك عليا يا لارا والله العظيم انا كنت عاوزه احكيلك بس انتي قفلتي معايا بسرعه انا عايشه في الجحيم ده بقالي سنتين قاطعني من اهلي ومن الناس اللي بحبهم كلهم حقك عليا يا حبيبتي انا عاوزه اقابلك عشان احكي لك كل ده بس لازم تقابليني في الوقت ده الصبح بدري عشان خاطر هو بيبقي في الشغل لانه ما بينزلنيش خالص انا بتحجج وبقول انا نازله رايحه اجيب طلبات او اي حاجه وبقابل اهلي واي احد عاوزه اقبلهم لارا : وانتي ايه اللي جابرك على كل ده ما تتطلقي و تسيبيه زي الكلب.. مايا : مش هينفع يا لارا ده ضابط ولو اتطلقت منه هيبهدل اهلي ويسجنهم ويودينا 60 داهيه انا راضيه بكل ده عشان خايفه على اهلي مش هينفع اسيبه بكل الاحوال انا بابا نفذ له اللي هو عاوزه عشان يبعد عن اهلي بشره وكل اللي باقوله حسبي الله ونعم الوكيل فيه ربنا ياخذه يا شيخه ويخلصني منهم انا مش هاخلص منه غير في حاله واحده بس انه يموت... لارا : هدى نفسك يا مايا انا جنبك ومعاكي وانا هعرف اساعدك ازاي واقف جنبك انا وكريم جوزي ما تقلقيش يا حبيبتي طيب انا نفسي اشوفك قوي هنتقابل امتى بقى .. مايا : هقابلك بكره بس الصبح بدري عشان يكون نازل الشغل هابعتلك العنوان اللي اقابلك فيه بس اوعي يا لارا تتصلي بيا على مدار اليوم خالص احسن يعمل لي مشكله زي امبارح انا اخذت منه التليفون باعجوبه بعد ما قلت له اني مش هاكلمك ثاني ولا هاكلم احد خالص مش عاوزاه ياخذ مني التليفون ثاني لارا حاضر يا حبيبتي مستحيل اتصل بك في اي وقت من اليوم حتى الصبح بدري انا هستناكي انتي بتكلميني انا مش هاتصل بيكي خالص مايا : ماشي يا لارا اتفقنا.. دخلت لارا الاوضه وكريم كان سماعها بتتكلم في التليفون قال لها بتكلمي مين الصبح بدري كده يا لارا لارا : دي مايا هي اتصلت بيا تعتذري على اللي حصل واللي جوزها قالهولي دي طلعت عايشه حياه صعبه قوي يا كريم الله يكون في عونها جوزها مخليها مقاطعه اهلها واصحابها وما بتكلمش حد خالص بس هي اتفقت معي ان انا هنتقابل بكره الصبح بدري تحكي لي على كل اللي حصل معها بس هتقابلني من وراه انا قلقانه عليها قوي احسن يعمل لها مشكله انها قابلتني مش عاوزه اعمل لها مشاكل خالص عشان احسن يعمل فيها حاجه كريم : هي لو مش واثقه انه مش هيحصل حاجه ما كانتش قابلتك في الوقت ده اكيد هي عارفه انه مش هيبقى موجود ولو انتي قلقانه انا هاجي معك واقف من بعيد احسن يحصل اي حاجه وانتي مش هتعرفي تتصرفي لارا : مش للدرجه دي يا كريم اهم حاجه دلوقتي انا عاوزه نقف جنب مايا في الازمه اللي هي فيها بتقول لي ان جوزها ضابط وهيعمل لهم مشاكل كبيره قوي ومش عارفه اعملها ايه انت تعرف حد يقدر يوقفه عند حده كريم : انا اعرف ناس كثير جدا بس الاول نعرف طبيعي في المشاكل اللي بينهم بعد كده نبقى نتصرف عشان احنا مش عاوزين نتصرف من دماغنا ونعمل لها مشكله روحي قبليها الاول واعرفي منها ايه اللي حصل وبعد كده نبقى نقرر هنعمل ايه وبعدين هو انتي في ايه ولا في ايه يا ريت يا لارا تفكري في نفسك وفي صحتك شويه انت مهمله جدا في صحتك انا خايف عليكي والله انتي لو حصل معاكي لا قدر الله اي حاجه انا ممكن اموت فيها لارا : ما تقلقش يا كريم انا هابقى كويسه لما اشوف مايا واتكلم معها اعتبر ده جزء من علاجي هابقى فرحانه قوي لو ساعدنا ها كريم : زي ما تحبي يا حبيبتي بدل ما دي راحتك اعملي اللي انت عاوزاه لارا : طيب انا هدخل انام دلوقت عشان تعبانه جدا وما نمتش طول الليل انا كده كده مش هاتصل بمايا ثاني هي قالت لي بلاش اتصل بيها وهي هتبقى تتصل هي عشان ما يحصلهاش مشاكل مع جوزها وبعد كده هاستنى منها تليفون عشان احنا هننزل نتقابل بكره الصبح بدري كريم : ماشي يا حبيبتي ان شاء الله انا دلوقت هانزل اروح الشغل عشان ما تتاخرش ولو في اي حاجه اتصلي بيا على طول ولو احتاجتي حاجه كلميني لارا : ربنا يخليك ليا يا كريم انا كل يوم ما اتاكد ان فعلا اختياري ليك كان صح وانك غير اي احد كل المشاكل اللي بتحصل حواليا حتى صحابي عايشين حياتهم في مشاكل فعلا ربنا ما بيديش الواحد كل حاجه كل واحد واحد رزقه 24 قيراط في واخده وبصحه وفي واخذه في سند زيك كده انا ما بقاش عندي صحه لكن عندي سند وظهر بالدنيا كلها عمرك ما زعلتني ربنا يخليك ليا يا رب... دخلت لارا تنام عشان كانت تعبانه جدا وما نمتش طول الليل حاطه راسها على المخده وما حسيتش بنفسها اول ما نامت لقيت تليفونها بيرن قامت مفزوعه من النوم كان في رقم غريب بيتصل بها الو مين معايا لاقت نفس صوت جوز مايا بس بيتصل من رقم ثاني ايوه انا عادل ابقى جوز مايا اللي كلمتك امبارح انا بس باكلمك اكد عليكي واحذرك اني لو عرفت انك اتصلتي ب مايا ثاني ما تعرفيش انا ممكن اعمل فيكي ايه عشان انتي ما تعرفيش انا مين ولا ابن مين ابقى عدي على الميه احسن لك لارا : استنى استنى انت بتتكلم معايا كده ليه اصلا انت تعرفني منين _ انتي اللي ابعدي عني وما لكيش دعوه بي مايا انا قعدت اضغط على مايا تقول لي انتي مين و ساكنه فين بس هي رفضت عشان مش عاوزه تأذيكي لكن انا لو عرفت انك كلمتيها ثاني هاعرف انتي مين وهعرف اءزيكي ازاي ... احسنلك تبعدي عنها خالص ماشي يا حلوه.. وراح قافل السكه في وشها لارا : متعصبه جدا وفي نفس الوقت ما رضيتش تتصل ب مايا تحكي لها على اللي حصل عشان ما يحصلش لمايا مشاكل وتعرف تشوفها ولما تبقي تقا**ها تبقى تحتكلها على اللي حصل قفلت التليفون وما عدتش تنام خالص وقعدت بتدعي عليه عشان نكتب عليها وما رضيتش تتكلم كريم تقول له على المكالمه دي عشان ما يتضايقش و يزعل عليها دخلت تحضر الاكل في المطبخ واول مادخلت حست ان .. يتبع