ايام معدوده البارت الثاني

2316 Words

ايام معدوده البارت الثاني اول لارا ما دخلت المطبخ حست انها دايخه جدا وعينيها مزغلله ومش شايفه حاجه قدامها كانت هتقع من طولها لكن لحقت نفسها وقعدت على كرسي ... مسكت التليفون واتصلت ب كريم وقالت له الحقني يا كريم انا تعبانه قوي وحاسه اني هقع من طولي جايه اقف في المطبخ حسيت اني هاقع و لحقت نفسي تعال لى دلوقت حالا انا شكلي في حاجه ..... ربع ساعه وكريم كان عندها وجرى عليها وقال لها في ايه مالك يا لارا طمنيني عليكي ايه اللي حصل لك قالت له انا كنت واقفه في المطبخ بعمل شويه اكل عشان تيجي تلاقي حاجه تتغدى بيها مش كل يوم هتاكل اكل جاهز من بره يعني فجاه لقيت نفسي وقعت من طولي ومش قادره اقف خالص كريم هو انا طلبت منك تعملي لي اكل انا باقول لك اقعدي ارتاحي انا مش عاوز اكل ولا اشرب اهم حاجه انك تكوني كويسه لارا : انا بقيت حاسه اني عبء عليك يا كريم انا عاوزه اريحك شويه اتجوز يا كريم انا كده كده هاموت كريم : مش هتجوز يا لارا وعمري ما هاسيبك ولا اتخلى عنك انا عايش عشانك انت لو جرى لك حاجه انا ممكن اموت فيها انا بدعي ربنا كل يوم ان يومي بيبقى قبل يومك عشان انا مش هاقدر استحمل لو حصل لك حاجه ريحي انتي دلوقت يا حبيبتي وانا هاقوم اعمل الاكل اللي كنت عاوزه تاكليه انتي كنتي بتعملي ايه بقى وانا هاعمل لك كل اللي نفسك فيه لارا : مش عارفه اقول لك ايه يا كريم ربنا يخليك ليا يا رب وما يحرمنيش منك ابدا انت بجد ونعم السند والضهر ... كريم : عملتي ايه مع مايا صحيح اتصلت بك ثاني ولا لسه ما كلمتهاش لارا : بصراحه في حاجه حصلت كده وانا ما رضيتش احكي لك عشان ما تضايقش كريم : حاجه حاجه ايه اللي حصل قولي لي في حد ضايقك او زعلك لارا : بصراحه جوز مايا اتصل بيا وهددني اني لو ما بعدتش عنها هيأذيني جامد كريم : ايه اللي انتي بتقوليه ده وازاي ما تقوليش حاجه زي كده الحيوان ده ما يقدرش يعمل لك حاجه طول ما انا عايش عرفيني بس هو ساكن فين او مين ده وانا هتشوفي هاعمل فيه ايه هو فاكر نفسه مين هو ما يعرفش انا مين ولا ايه لارا : انا بقى ما كنتش عاوزه اقول لك عشان العصبيه اللي انت فيها دي انا مش عاوزه اسبب اي مشاكل لصاحبتي مايا عشان هو لو عرف اني باكلمها هيعمل لها مشكله كبيره قوي وانا مش عاوزه اعمل لها مشاكل انا مش جايه عشان اخرب حياتها انا بس عاوزه اساعدها واخليها تتخطى المشكله اللي هي فيها لانها عايشه مع واحد حيوان مش بني ادم ومش عارفه تسيبه عشان خايفه على اهلها بسبب سلطات ونفوذه انا ان شاء الله هاجي لها بكره الصبح وها فهم منها في ايه بالضبط و هابقى اقول لك كريم : بس مش هينفع تقبليها لوحدك انا هابقى اجي معاكي واقف بعيد عشان لو حصل اي مشكله انا عمري ما امن لك انك تقبليها لوحدك احسن جوزها يكون بيراقبها ويعمل لك انتي مشكله لارا : عندك حق فعلا يا كريم انا لازم اخدك معيا عشان لو حصل اي مشكله تكون جنبي عشان انت عارفني ما بعرفش اتصرف في المشاكل اللي زي دي ماشي اتفقنا كريم : انا هدخل دلوقت اعمل الاكل عشان انا جعان وانتي كمان شكلك جعانه هتاكلي احلى باستا كلتيها في حياتك مش انتي برده كنتي بتعملي باستا لارا : ايوه كنت باعمل باستا معلش يا حبيبي هتعبك معيا بس ما اعرفش لقيت نفسي دخت كده فجاه كان نفسي تاكل من يدي بقالي كثير مش بطبخ في البيت وانت مستحمل وشايلني كريم : انا هشيلك طول العمر هافضل عايش تحت رجليك مش هانسى وقفتك جنبي ايام زمان لما كنتي بصحتك كنتي بتشتغلي وتساعديني وتحطي كل فلوسك في البيت ده جزء صغير من جمايلك عليا انتي اللي زيك يتشال في العين وفوق الراس يا لارا يلا بقى متعطلنيش عشان ادخل اعمل الاكل وانتي ريحي شويه وادخلي اغسلي وشك وهتلاقي الاكل جاهز في نصف ساعه مش هتاخذ وقت لارا : ماشي يا حبيبي انا مستنيه ..... دخلت لارا تغسل وشها وسرحت شعرها لقيت رساله جايه لها على فيسبوك من مايا بتقول لها( على ميعادنا يا لارا ان شاء الله) ردت عليها وقالت لها اتفقنا بكره حقابلك مايا انا اسفه على المكالمه اللي الحيوان اكلمها لك والله انا اتخنقت معاه وقلت له انت ازاي تعمل كده بس هو ده اسلوبه مع اهلي حتى كان لسه مكلم امي عشان عرف اني كلمتها وعمل مشكله كبيره منه لله ربنا ياخذه انا اسفه اوعي تكوني زعلتي والله العظيم مش ب ايدي لارا : انا عارفه يا حبيبتي انه مش بيد*ك انا حتى ما رضيتش احكي لك عشان ما تزعليش ان شاء الله اقابلك وكل المشاكل دي هتتحل متتاخريش و لما تنزلي بكره كلميني لاني مش هعرف اكلمك عشان ما اعملكيش مشكله مايا : ماشي يا حبيبتي اتفقنا انا لازم اقفل دلوقت عشان ما يشوفنيش باكلم مين و همسح الرسائل ما بينا.. لارا : ماشي يا حبيبتي اتفقنا جاب كريم الاكل و عصير وجابوا ل لارا لحد السرير قعدوا كلوا مع بعض وبعد ما اخلص شال الاطباق وغسل المواعين وجه قعد يرتاح عشان هو جاي من الشغل تعبان وعمل الاكل وهو قاعد مع لارا النوم غلبه بسبب التعب .... لارا كانت بتبص له وهي بتعيط وتقول له بصوت واطي انا اسفه والله انا مبهدلاك معايا انت عايش كانك متجوز ومش متجوز وشايل البيت كله فوق دماغك مصاريف واكل وشرب غير مصاريف مرضي ربنا يعينك ويقويك على الحمل اللي انت شايله وراحت نايمه جنبوه ....... صحيت الصبح بدري على صوت رساله من مايا بتقول لها انها نازله دلوقت كان الوقت بدري اوي اتصلت بيها وقالت لها خلاص يا مايا انا هلبس دلوقت عشان اقابلك بس مش شايفه ان الوقت بدري اوي مايا : معلش يا لارا هو ده اءمن وقت ببقى متاكده انه في الشغل فيه ومستحيل يجي في الوقت ده لكن اي وقت في اليوم ممكن يجي في نصف اليوم يجي بعد كده عشان خايفه هيحصل لي مشكله معلش لارا : لا ولا يهمك يا حبيبتي انا ما عنديش مشكله هاقوم البس وبسرعه و هانزل وهاجي لك على العنوان اللي بعتتيه ليا قفلت معها وكريم صحي على صوت المكالمه قالت له ان مايا نزلت من البيت قال لها مش بدري قوي كده لارا : لا مش بدري عشان ما يحصلهاش مشكله هي قالتلي ان دايما وقت تقابلني فيه بيكون جوزها في الشغل ومستحيل يرجع على البيت كريم : طيب ماشي ما فيش مشكله هاقوم ما انا كمان اغسل وشي و اغير هدومي عشان زي ما اتفقنا هاجي معاكي لارا : لو تعبان خلاص خليك وهاروح انا قبلها وان شاء الله مش هيحصل حاجه انت شكلك تعبان وعاوز تنام شويه خليك نايم كريم : لا انا مش تعبان انا مش هاسيبك تروحي لوحدك المشوار ده هاكون خايف عليكي ومش هعرف انام اصلا انا جاي معاكي لارا : ماشي يا حبيبي زي ما تحب لو ده اللي هيريحك تعالا خلصوا لبس ونزلوا ركبوا العربيه ........ وصلوا عند المكان و بعتت رساله لمايا قالت لها انها وصلت واول ما شافت مايا عرفتها على طول جريت عليها وحضنتها وقعدت تعيط وتقول لها وحشتيني اوي يا مايا بقى لي سنين ما شفتكيش كده نبعد عن بعض و نتفرق كلنا رحتم فين كلكم انتم وحشتوني قوي مايا : وانتي كمان يا لارا وحشتيني قوي قوي وانا والله ما اعرف حاجه عن احد خالص من اصحابنا زي ما انتي شايفه كده كفايه عليا المشاكل اللي انا فيها والقرف لارا : اعرفك كريم جوزي ربنا يخليهولي هو اللي واقف معيا في تعبي ومرضى هو جاي معيا النهارده بس عشان خاطر كان قلقانه عليا لما سمع جوزك وهو بيكلمني قلق يخليني اقابلك لوحدي احسن يحصل اي مشكله بس هو ما تقلقيش خالص هيقعد بعيد عننا يستناني وهنقعد براحتنا نتكلم مايا : تشرفنا يا استاذ كريم انت معاك واحده كل الناس كانت بتحبها و بتشهد باخلاقها ربنا يخليكم لبعض ويحميكم كريم : اهلا يا استاذه مايا مش عاوز اقول لك لارا فرحانه ازاي من ساعه ما لقيتك وهتموت و تقابلك يلا هاسيبكوا انا دلوقت تقعدوا مع بعض وهاروح اشرب حاجه ... لارا ومايا قعدوا على طرابيزه بعيد مش مكشوفه اوي عشان لو حد من اصحاب جوزها شافها ممكن يروح يقول له مايا : ما لك يا لارا انتي خسيتي اوي ملامحك اتبدلت خالص ايه اللي حصل لك انت تعبانه ما لك عندك ايه لارا : الحمد لله على كل حال ربنا لما بيحبنا بيختبرنا انتي مثلا ربنا اختبرك في جوزك والمعامله اللي بيعملها لك انا الحمد لله جوزي كويس لكن ربنا يختبرني بالمرض الخبيث مايا : مرض خبيث بجد يا حبيبتي انت تعبانه بقى لك قد ايه لارا : بقالي حوالي سنه بس خلاص ما فيش امل المرض بدا ياكل في جسمي كله وبتعالج عشان خاطر كريم عاوز كده لكن انا لو على مش عاوزه تعالج ولا اعملها كده كده خلاص الدكتور قال احنا محتاجين معجزه يعني كده كده هاموت عشان كده انا بدات ادور عليكوا وكان نفسي اشوفكم قبل ما اموت مايا قعدت تعيط مقدرتش تمسك نفسها وتقول لها بعد الشر عليكي يا حبيبتي تموتي ايه بس انتي هتبقى كويسه وهاتتغلبي على المرض اللي انتي فيه ده كله وابقى قولي مايا قالت طيب هو المرض عندك فين بالضبط لارا : انا عندي لوكيميا سرطان الدم وده بيبقى نسبه علاجه ضعيفه جدا مش اي احد بيخف منه 90 في المئه من اللي بيجي لهم لوكيميا بيموتوا مايا : اوعي تقولي كده تاني يا لارا انا ما صدقت لقيتك انت لو جرى لك حاجه انا ممكن اموت فيها ما صدقت لقيت صاحبه من زمان تقف جنبي واحكي لها وتحكي لي انا ما بقتش عارفه حد من الناس خالص حتى اهلي بعدني عنهم منه لله لارا : انتي اتعرفتي عليه فين اصلا وقعتي عليه منين المصيبه ده مايا : اتخرجت من الجامعه وكنت مبسوطه قوي راجعه في الطريق وقف*ني لجنه كنت لسه متعلمه السواقه جديد وما طلعتش رخصه وكنت بالف بالعربيه بتاعه بابا اتدرب عليها وهو وقفني وطلب مني الرخص وانا مش معايا الرخصه قعدت اعيط زي الهبله وصعبت عليه واخذ رقمي بحجه انه عاوز يتاكد اني رايحه اطلع الرخصه ومن هنا بدانا نتكلم لارا : وانتي ما خدتيش عليه ايام الخطوبه خالص انه بيعاملك وحش او بيعامل اهلك وحش قوي انه مريض نفسي مثلا مايا : كان زي الملاك ايام الخطوبه كان بيتمنالي الرضا اتحول بعد الجواز ما بقاش هو خالص ايام الخطوبه كان بيقول لي انا ها عيشك اسعد واحده في الدنيا واخليكي مش عاوزه اي حاجه خالص اللي انا كنت بلاحظه ايام الخطوبه انه كان بيغير على بزياده يعني مثلا لما يلاقي واحده صاحبتي بتتصل بي يقول لي خليكي معايا شويه سيبك من اصحابك انا اللي باقي لك بس انا ما جاش في دماغي انه هيقطع اني من الناس كلها بالطريقه دي عمري ما كنت اتخيل اني ما اعرفش اكلم اهلي بالايام والشهور كمان يادوبك الصبح بدري باكلم امي من وراه وامسح الرقم بسرعه ولو هو بقى اتصل بي ولقي تليفوني مشغول بيبقى يومي اسود لارا : طب هو ايه اللي خلاه يقطعك من اهلك هم عملوا له حاجه مثلا مايا : والله ماما بتعملوا احسن معامله واخواتي وبابا هو بعد الفرح مباشره لما تقفل علينا باب قال لي اوعى تفتكري ان الخطوبه زي الجواز قلت له يعني ايه يعني مش فاهمه قال لي يعني انتي هتبقى ليا انا وبس ولا تقولي لي ماما ولا بابا ولا اخواتي ولا اصحابي هتبقى تحت رجلي جوزك وبيتك لارا : ده كده يبقى مريض نفسي يا مايا شكله بيحبك قوي مايا : هو فعلا بيحبني قوي لكن بردو خلاني اكره ومش طايقه ابص في وشه ومش عارفه اعمل ايه وبيهددنى بيقول لي لو سبتيني في يوم من الايام انا ها حبس اخوك وابوك وامك وها لبسلكم قضيه كلكم وانا مش عارفه اعمل ايه لارا : يعني ايه البلد دى فيها قانون والمفروض حد يوقف له مش معنى ان ظابط انك تخافي منه انا اوعدك اني هاقف جنبك واخلصي من الق*ف اللي انت فيه ده مايا : بجد يا لارا والله انا م**وفه منك انت بتكلميني عشان نقف جنبك في مرضك وفي الاخر انت اللي هتقفي جنبنا كمان انا والله م**وفه منك قوي ربنا يخليك لي يا رب لارا : ما تقوليش كده يا مايا احنا اخوات قبل ما نكون اصحاب الحمد لله ان احنا لقينا بعض عشان نكون سند لبعض بس اوعديني انك هتدوري معايا على ايه وساندي لازم نلاقيهم كمان و نعرف ايه اللي حصل لهم واختفوا ليه فجاه كده لازم نلاقي بعض دي امنيه حياتي انا نتجمع كلنا قبل ما اموت مايا : ما تقعديش تجيبي سيره الموت كل شويه قلبي بيوجعني عليكي قوي على عيني والله كان نفسي اروح معك في كل حته بس للاسف مش هاعرف اقابلك غير في الوقت ده الصبح بدري لارا : طيب ايه رايك اخلي كريم جوزي يتكلم معاه يمكن يعقل ويبقى كويس انا كريم بيعرف يتكلم كويس جدا ويقنع اللي قدامه بحاجه ينفع يتكلم معاه ولا ممكن يحصل لك مشكله مايا : هيتكلم معي ازاي بس يا لارا ده لو عرف ان انا نزلت من البيت ممكن يموتني فيها انا مش ناقصه مشاكل ده بيض*بني و بيبهدلنى وما بقاش عارفه اعمل له ايه لارا : خلاص خلينا زي ما احنا لحد ما افكر في حل لاقيه طيب انتي عاوزه تطلقي يعني ولا تعملي ايه مايا : والله ما كنت اتمنى انها توصل للطلاق خالص بس هو انسان مجنون وانا زهقت منه يا ريت اتطلق انا مش شايفه انه ممكن يتغير خالص ده انسان مريض نفسي يروح يتعالج الاول وبعد كده يبقى يتجوز او يكمل لكن انا مش هاقدر اكمل معه بالطريقه دي والحمد لله اني مانعه الحمل اصلا عشان مش هجيب عيال ابهدل هم معيا وباخد حبوب من وراه ده لو عرف كمان الموضوع ده ممكن يموتني فيها لارا : انت بتفكري صح هتجيبي عيال تعملي فيهم ايه مش كفايه اللي انت فيه ازاي يعني تجيبي عيال تبهدليهم معاكي ما ينفعش طبعا يا مايا العيال ما لهمش ذنب ان ابوه يبقى مريض نفسي اوعى تفكري تخلفي منه اصلا مايا ؛ ما انا قلت كده فعلا المهم انتي طمنيني عملت ايه امبارح عند الدكتور لارا : والله يا مايا انا تعبانه جدا اخذت جلسه الكيماوي زي كل اسبوع والحمد لله على كل حال انا كويسه او باحب ابين اني اكون كويسه عشان خاطر كريم ما لوش اي ذنب في اللي بيحصل له شايل البيت كله اكل وشرب وشغل ومصاريف غير مصاريف علاج اللي بالافات يلا الحمد لله على كل حال هو اختبار من ربنا بس الحمد لله فجاه كريم قام من مكانه وقرب منهم و قالهم يتبع

Free reading for new users

Scan code to download app

App Store Google Play

Facebookexpand_more