ايام معدوده البارت العاشر

2423 Words

ايام معدوده البارت العاشر لارا : انا هحاول اقنع ايه اننا نخرج من هنا بكره او بعده بالكثير لازم نتجمع ثاني كلنا زي زمان ... وقفوا جنبي في رحله العلاج بتاعتي ... انتم هتعملوا ايه دلوقت هتاخدي ليان وتروحي على فين ... = مايا : هنروح عندي على البيت طبعا .. ليان دى خلاص بقت اختي وكل حاجه ليا ... حتى لما ترجعي هاخدها تقعد معي برده ... دي مأنساني جدا ... = لارا : لا طبعا ما ينفعش تقعد معاكي في البيت اكثر من كده عشان احمد جوزك ما يضايقش منها خليها تروح على بيت ماما .. وانتي اقعدي معها او سيبيها يوم لحد ما ارجع لها ... _ ليان : خلاص بقى يا لارا انا هقعد اليومين دول مع مايا عشان هي كمان بتذاكرلي بقيت المواد بتاعه الجامعه بتاعتي .. = لارا ؛ خلاص يا ليان زي ما تحبي بس لما احمد جوزها يرجع من الشغل ابقى ادخلي اوضه واقعدي فيها عشان ما تزعجهمش ... = ليان : حاضر يا لارا انا باعمل كده اصلا من غير ما تقولي لي اول ما استاذ احمد بيجي بدخل الاوضه و بقفل على نفسي ... خرجت مايا وليان روحوا على بيت مايا ... ووقفوا يعملوا الاكل ..و ليان كانت مبسوطه جدا وهي واقفه بتعمل الاكل مع مايا وطلبت منها انها تعمل لها بيتزا لان ليان البيتزا بتاعتها حلوه جدا .. وقالت لها انا اللي هاعمل البيتزا دي هتعجبك جدا انا أتعلمتها من واحده صاحبتي ... وقفت ليان عملت البيتزا و كانت طالعه حلوه قوي ... وهي واقفه في المطبخ احمد دخل من باب الشقه .. ليان قالت له ازيك يا عمو احمد انا كنت باعمل بيتزا هتاكل معنا اخلصها وادخل على الاوضه على طول ... عشان ما اعملش ليكم ازعاج ... = احمد : ولا ازعاج ولا حاجه يا ليان خذي راحتك أعتبري البيت بيتك ... ايوه هاكل معاكم بيتزا انا باحبها جدا وراحتها كمان جميله قوي شكلك شاطره واكلك حلو قوي .. ليان ايوه انا باعرف اعمل بيتزا حلو قوي ... بس باعمل بيتزا بس .. لكن ما ليش في اي حاجه ثانيه و قعدت تضحك معه ويهزروا .. مايا كانت في الحمام وخرجت شافتهم وهم واقفين بيهزروا مع بعض ويضحكوا الغيره قتلتها ... لان احمد مش من النوع اللي بيهزر مع اي احد كده ويضحك معاه بس شافته مبتسم قوي لليان واقف يتكلم معها .. _ مايا : حمد لله على السلامه يا حبيبي انا مجهز لك الحمام ومطلعه لك الهدوم بتاعتك وها جهز الاكل واحطه ناكل مع بعض احمد ايوه انا عرفت انكم عاملين بيتزا وليان قالت لي انها اللي عاملاها شكلها حلو وراحتها جميله .. _مايا ؛ ايوه فعلا ليان شكلها شاطره قوي في البيتزا ... هنغرف الاكل انا وهي ونحطه على السفره ونقعد ناكل مع بعض ...واقفه يا تحط الاكل ليان قالت لي مايا على فكره جوزك شكله طيب قوي وبيحبك كمان ... وكمان دم خفيف انا اول مره اتكلم معاه لكن حاسه اني اعرفه من زمان ضحكتلها مايا وما رضيتش تعلق على كلامها ... بس كانت بتقول في سرها هو مين ده اللي طيب ودمه خفيف ... ده موريني الوان العذاب بقى له كام سنه ده هو لسه متغير ما بقالوش اسبوع ولا اسبوعين ... قبل كده كان ما يعلم بيه الا ربنا جهزوا الاكل وحاطه الاكل على السفره واحمد قاعد ياكل البيتزا وكان مبسوط قوي ... وقال لي ليان تسلم يدك يا ليان بجد البيتزا جميله قوي ... اول مره ادوق بيتزا في البيت بالطعم ده .. ليان اصل انا واخذ الطريقه من واحده صاحبتي باباها شغال شيف بيتزا في مطعم كبير قوي ... اسهل طريقه دي بتظبط معايا على طول قعدوا يتكلموا ... ومايا كانها مش موجوده خالص في البيت خلصوا أكل ومايا قالت لي ليان انا اغسل الاطباق دي وأدخل انت كملي مذاكره وانا هاجي اراجع معك باقي المواد ... دخلت ليان اوضتها تذاكر شويه وهي قاعده لقيت صرصار كبير في الاوضه .. قعدت تصوت .. واحمد دخل على صوتها يجري في ايه يا ليان ايه اللي حصل .. ليان في صرصار كبير قوي في الاوضه وانا باخاف منهم جدا .. احمد طب اهدى انا هقتله يعني ما فيش حاجه .. دخل احمد وقتل الصرصار ومايا كانت واقفه في المطبخ بتغسل المواعين وما سمعتش ان ليان صوت عشان في صرصار في الاوضه بتاعتها .. خلصت المواعين وخرجت من المطبخ لقيت احمد في الاوضه مع ليان مستغربه جدا وكان باين على وجهها انها متضايقه .. وقالت له هو في ايه انت جيت هنا ليه قال لها سمعت صوت ليان عماله تصوت عشان في صرصار خايفه من الصرصار ما اعرفش انا اول مره اشوف احد بيخاف من الصراصير ... ليان انا والله باخاف منهم جدا يمكن اكثر حاجه باخاف منها في الدنيا كلها عندي فوبيا منهم من وانا صغيره .. احمد بس انتى كبرتى دلوقتي وما ينفعش واحده كبيره كده تخاف من صرصار صغير ... = مايا : خلاص يا احمد اخرج انت دلوقت عشان انا هقعد مع ليان اذاكر لها شويه قعدت مايا مع ليان يذاكروا شويه .. _ مايا : كان كل كلامها عن احمد وقالت لها هو عمو احمد بيشتغل ايه مايا بيشتغل ضابط في الاسم اللي جنبنا هنا ده ... = ليان : بجد عم احمد ضابط انا ما كنتش اعرف خالص انه بيشتغل ظابط مش باين عليه حتى طريقه كلامه مش طريقه كلام ضباط لان كلامهم بيبقى ناشف قوي ودمهم مش خفيف كده ... _ مايا : احنا هنفضل طول درس نتكلم على عمو احمد و بيشتغل ايه وبيعمل ايه مش هنذاكر بقى ولا ايه ... انت هنا أمانه معايا وانا قايله لاختك اني واخداك عشان اذاكر لك لان الامتحانات قربت جدا .. وانت ما ذاكرتيش اي حاجه من اول السنه امال كنت بتروح الجامعه تعملي ايه .. ليان كنت بروح اقعد مع اصحابي شويه نخرج كنت بحضر محاضرات بس قليله جدا ... وكنت معتمده على الملازم اللي باجيبها قبل الامتحان الملازم صحيح هتنزل بكره انا هانزل الصبح بدري اجيب الملازم عشان اذاكر منها ... وهي بيجي منها الامتحانات كلها ... _ مايا : بس الملازم دي بيبقى موجود فيها اسئله صغير صغيره مش كثيره اللي بيجيبها بيبقى عاوز ينجح بس مش ينجح بتقدير حاولي تجيبي الكتب احسن عشان نذاكرها كلها وتنجحي بالتقدير ... الكتب اللي انت جايباها دي كبيره قوي حاولي تجيبي ملخص الكتب لان انا عاوزه انجح وخلاص كفايه اللي انا فيه ... هامشي بكره الصبح واروح اجيب الملازم .. _ مايا : خلاص هاسيبك انا دلوقت تنامي عشان بتقولي هتمشي الصبح بدري يلا تصبحي على خير ... خرجت مايا من الاوضه وقفلت وراها الباب على ليان ... وراحت الاوضه بتاعتها كان احمد قاعد على السرير وماسك تليفونه ... = مايا : بتكلم حد ولا ايه .. _ احمد : لا ده انا كنت قاعد شويه على فيسبوك باشوف اخر الاخبار مش اكثر .. _ مايا : طيب ماشي انا هنام عاوز حاجه تصبح على خير .. = احمد: ليه هتنامي بدري كده ليه وبعدين انت بتكلميني بالطريقه دي ليه مالك في ايه هو انا عملت لك حاجه .. _ مايا : انا شايفك مهتم زياده عن اللزوم بى ليان انت مش واخذ بالك من الموضوع ده .. واقف عمال تهزر معها وتتكلم معها على اكل ولا كاني موجوده وسطكم .. انا على فكره أتضايقت منك جدا بس مش عايزه ابين قدامها عشان ما تزعلش مننا .. = احمد : ايه الهبل اللي انت بتقوليه ده ليان دي عيله بالنسبه لي صغيره انا باكلمها كانها اختي الصغيره انت بقى مخك في حاجات ثانيه دي حاجه ترجع لك وبعدين هو انا اللي قلت لك هاتيها هنا ولا انت اللي طلبت مني وانا وافقت عشان مزعلكيش عايزه تمشيها مشيها انت حره لكن ما تجيش تقولي لي انت مهتم بيها وانت بتكلمها بالطريقه دي ليه انا ما باعتبرهاش غير اختي الصغيره مش اكثر بطلي الكلام التافه ده بتاعك ده انت واحده كبيره .. _ مايا : انا مش قصدي والله بس انا اول مره اشوفك بتهزر كده مع حد ومهتم به غيرت عليك يا احمد ولا مش من حقي اني اغير على جوزي حبيبي .. = احمد : من حقك طبعا بس تغيري من حد تاني مش من واحده قد عيالي مايا ما انا خايفه منك احسن تبص لها اصل الرجاله دي عينيها فارغه وبتبص لاي واحده .. ماشيه على الارض وقلبت الموضوع بهزار معاه عشان ما ينكدش عليها .. لكن هي من جواها كانت متضايقه جدا من اسلوبه معها .. واحمد كان من جواه احساس غريب اتجاه ليان لان ليان بنت جميله جدا جدا والف واحد يتمناها ناس كثير في الجامعه بتاعتها بتطلب منها ترتبط بيهم لكن هي ما بتوافقش لانها حاطه مواصفات للانسان اللي هتكمل معاه حياتها والمواصفات دي صعبه جدا ومش موجوده اصلا ناموا كلهم والصبح بدري ليان جهزت نفسها ولبست هدومها وخرجت من الاوضه وقفت على باب الشقه في نفس الوقت احمد كان رايح الشغل وخارج من الاوضه بتاعته .. ومايا كانت نائمه قاعدتها لانها ما بتصحاش الصبح بدري كده .. _ ليان : صباح الخير يا انكل احمد .. = احمد : صباح النور يا ليان رايحه فين على الصبح كده ده لسه بدري جدا .. _ ليان : انا رايحه الجامعه بتاعتي اجيب بقيه الملازم والمحاضرات عشان الامتحانات قربت بقى حضرتك عارف .. = احمد : الجامعه بتاعتك دي فين ؟؟ _ ليان : الجامعه بتاعتي بعيده شويه هاخذ اي تا**ي واروح على هناك يا رب الاقي تا**ي بس والحق عشان الملازم بتخلص بسرعه بعد اذنك .. = احمد : خرج وهو وليان من باب الشقه وقفل الباب وقال لها خليك انا هاوصلك لحد الجامعه .. _ ليان : لا والله انا كده هعطلك عن شغلك انا هاخذ اي تا**ي ما انا على طول بروح وباخد تا**ي وباكون هناك في ميعادي .. ما تقلقش حضرتك روح شغلك وانا هاروح على الجامعه .. = احمد : لا مش هتمشي لوحدك في الشارع كده انت ضيفه عندنا ... وبعدين ممكن اي احد يشوفك ويضايقك خصوصا انك حلوه جدا .. انا مش بعا** بس انا باقول لك رايي .. اركبي معايا العربيه وانا هاوصلك لحد الجامعه .. _ ليان : يعني بجد مش هابقى معطل حضرتك عن الشغل عشان ما يبقاش ضميري ما نبني بس انا ممكن اخذ تا**ي واروح بسرعه .. = احمد : هتركبي معايا غصب عنك مش هتروحي الجامعه لوحدك وتركبى تا**ى مع واحد غريب وانا موجود هو انت مش بتعتبريني اخوك الكبير ولا ايه .. _ ليان : اه طبعا بعتبر حضرتك اخويا الكبير انا كان نفسي يكون لي اخ ولد جدا .. بس ربنا ما ارادش وانا ولارا كنا وحيدين من غير ظهر وسند ... = احمد : طب يلا بقى اركبي العربيه عشان اوصلك فتحت الباب وركبت جنبه وصلوا على الجامعه وقالت له انا تعبت حضرتك جدا واحتمال هتاخر جوه حضرتك روح على شغلك وانا هارجع لوحدي .. هياخد تا**ي .. = قال لها انا هستناكي هنا حتى لو تاخرت بالليل مش مهم الشغل النهارده مش هاسيبك في الجامعه دي لوحدك شايفه الشباب هنا منظرهم عامل ازاي ممكن اي حد يضايقك او يقول لك كلمه تزعلك انا هاستنى في العربيه ولو في اي حد ضايقك رني لي بس .. _ ليان : بس انا مش معايا رقمك عشان ارن لك و كانت ماسكه التليفون في يديها اخذ منها التليفون من يديها وكتب لها رقمه ورن على نفسه وقال لها كده بقى معاكي رقمي وانا معايا رقمك ... ضحكت له وأخذت التليفون وراحت عشان تجيب الملازم والدنيا كانت زحمه جدا اتاخرت 10 دقائق وكان لسه وقت كبير على دورها قفل العربيه وراح لها وقال لها في ايه يا ليان أنتي أتأخرتي كده ليه .. _ ليان : أتاخرت ايه ده انا لسه قدامي ولا ساعتين انا قلت لحضرتك روح انت الشغل وانا هابقى اجي لوحدي لان على ما اجيب الملازم هيكون الدنيا ليل و حضرتك كده هتتاخر على الشغل .. = احمد : هاتي اسامي الملازم اللي انتي عاوزاها دلوقتي حالا .. _ ليان : ليه هتعمل بيهم ايه احمد هاتي بس وما لكيش دعوه هم اللي في الورقه اللي في يدك دول .. _ ليان : ايوه هم دول اخذ احمد الورقه من يد ليان ودخل وسط الناس وقال لي اللي واقفه هناك انا عاوز الملازم دي كلها دلوقت حالا اللي واقفه هناك قالت له مش هينفع بيبقى في دور يا استاذ خذ دور واقعد استنى .. طلعلها الكارنيه اللي في انه نقيب شرطه وقال لها انا مش فاضي ورايا شغل كثير اديني الملازم دي دلوقت حالا .. لما شافت الكارنيه خافت منه واديته الملازم كلها وقالت له اتفضل يا حضره الضابط ... جبلها الملازم في ساعتها وهو خارج لقي واحد واقف مع ليان عمال يتكلم معها .. اخذ ليان وقال لها اهي الملازم بتاعتك يلا بينا الولد اللي كان واقف معها أتضايق جدا منه وقال له وانت تبقى مين بقى ان شاء الله وبعدين هو انت مش شايفني واقف باتكلم معها بتاخدها ومن يديها بصفتك مين ؟؟ ليان واقفه معايا ومش هتروح دلوقتي .. احمد قال له ابعد عني دلوقت يا بابا عشان انا مستعجل يلا يا ليان .. ليان قالت للولد خلاص انا هاروح دلوقتي يا ادم و هبقى اكلمك بعدين .. ادم رد عليها وقال لها هو ايه اللي هتكلميني بعدين وبعدين مين ده يا ليان اللي انت مروحه معاه ؟؟ ليان ده واحد قريبنا قلت لك هبقى اكلمك بعدين .. ادم مش هتمشي دلوقت .. ولا هتسبيني انا عاوز اتكلم معاكي شويه !! احمد زقو جامد وقال له ما هي قالت لك انها هتروح دلوقت ابعد عن طريقنا بقى عشان ما ض*بكش .. ادم قاموا زقه احمد وقال له تض*ب مين انت مين اصلا عشان تض*بني انا ممكن اموتك دلوقت احمد ما استحملش الكلمه دي ومسكه كان هياخدوا معاه ويحبسه .. لكن ليان قعدة تترجاه وتقول له والله هو ما يعرفكش ومسكت ادم وقالت له ابعد عنه ده ظابط انت هتودي نفسك في داهيه كده ... ادم بعد عنه وهي ركبت مع احمد العربيه واخذها عشان يوصلها وكانت ساكته طول الطريق !! احمد مالك يا ليان هو انت تضايقت مني عشان انا تكلمت مع الولد ده بالطريقه دي؟؟ _ ليان : لا والله ابدا انا بس متضايق عشان انا اخرت حضرتك عن الشغل وانت ما لكش ذنب في كل ده احمد هو انت بتحبي الولد ده يا ليان ولا كنتي واقفه معاه ليه ؟؟ _ ليان : لا ده مجرد زميلي عادي بس انت اتعصبت عليه جامد قوي وهو يعني ما عملش حاجه كل الموضوع انه كان بيتكلم معايا في حاجه في الدراسه وانت دخلت فجاه كده اتعصبت عليه وهو ده كان رد فعل منه طبيعي لانه ما يعرفش انت مين وجئت اخذتني من يدي وهو اول مره يشوفك .. = احمد : اصل بصراحه مش عاوزك تقفي مع الاشكال دي هم مش شبهك ولا انت شبهم ... ما اعرفش انت ليه واقفه معاه اصلا ... _ ليان : بس انت بقى قل لي جبت الملازم دي في ثانيه كده ازاي احمد انا ليا طريقتي الخاصه في المواضيع دي .. _ ليان : بعد كده بقى مادام ليك طريقه خاصه هابقى اخذك معايا كل مره اجيب فيها الملازم عشان انا بتبهدل هنا وبدل على ماخذ الملازم بتاعتي بقف بالساعتين لحد ما يجي دوري شكرا لحضرتك يا انكل احمد .. انت ساعدتني بجد النهارده احمد بلاش انكل دي انا مش كبير قوي كده ممكن تقولي لي يا احمد بس ... يتبع

Free reading for new users

Scan code to download app

App Store Google Play

Facebookexpand_more