ايام معدوده البارت التاسع

2091 Words

ايام معدوده البارت التاسع فجاه ايه بصيت لها وقعدت تعيط وتقول لها ما تقوليش كده يا لارا انا عارفاكي كويس جدا انت صاحبه عمري وحضنتها وقالت لها انت كمان تعبانه زيي بالضبط ايه اللي جابك هنا يا لارا اخر واحده كنت اتوقع انك تجيء مستشفى زي دي هي انت حصل لك ايه في حياتك يا حبيبتي خلاك توصلي للمرحله دي .... لارا : امي يا ايه ماتت وسابتني في الدنيا لوحدي انا كنت عايشه عشانها وبتعالج عشانها ماتت بدون اي مقدمات حتى اختي ما كنتش قائله لي انها تعبانه ولا انها محتاجاني ماتت فجاه من غير ما اشبع منها ولا اكون جنبها في اخر ايامها مش عارفه اسامح اختي انها ما قالتليش بس هي كانت خايفه على من الصدمه خصوصا اني بتعالج و با اخذ الكيماوي لو تعرفي انا بقى لي قد ايه بادور عليك انت ومايا ساندي مش هتصدقي يا ايه انا نفسي تقف وكلكم جنبي في المحنه اللي انا فيها دي وعلاج اللي مش بيخلص بقيت محتاجه انكم كلكم تقفوا جنبي في علاجي و تواسوني في موت امي انا محتاجه لك قوي يا ايه وانت اكيد محتاجه لنا كلنا زي ما انا محتاجه لكم عايزين نتجمع مع بعض زي زمان انا قدرت اوصل لي مايا والحمد لله قدرت اوصل لك انت كمان بس حاجه غريبه جدا اننا نتقابل في مستشفى للامراض النفسيه ممكن يكون قدري خلاني اجي هنا عشان اشوفك مع اني ما كنتش عاوزه اجي المستشفى دي خالص ولا اخطيها برجلي مايا اللي قعدت تقنعني وتضغط عليا لحد ما وافقت والحمدلله اني وافقت عشان شفتك يا ايه كنت وحشاني قوي كنت كل يوم بنام و باحلم الاقيكم كلكم ونتجمع على خير .... ايه كانت بتسمع الكلام ده كله وبتبتسم والدكتور كان بيراقب من بعيد وما كانش مصدق ان ايه اخيرا بعد سنتين من العلاج اخيرا ابتسمت وشاف ضحكتها منوره وشها بعد ما فقد الامل انها خلاص مش هتتعالج من الاكتئاب .... آية : مش انت لوحدك يا لارا اللي محتاجه اني انا كمان محتاجه لك اكثر منك انا يا لارا الاكتئاب دمرني ودمرلي حياتي ابني الوحيد ضاع مني في لحظه كان ماشي جنبي وكنت باصحى من النوم ابص في وشه واجهز له الفطار اللي بيحبه واوديه بيدي المدرسه بس بعد كل ده ما بقاش موجود كل حاجه راحت في لحظه عارفه اللي تاعبني واللي واجع قلبي يا لارا اني ما عرفتش حتى اخذ حقه من اللي عمل فيه كده واخذ قتل خطا وما اتحبس يوم واحد حتى بعد ما موت ملاك صغير لسه ما دخلش الدنيا ..... لارا كانت بتسمع الكلام ده ومش قادره تمسك دموعها حزينه على صاحبتها واللي جرى لها في الدنيا وما كانش في اي احد جنبها لان ايه كان حياتها صعبه من زمان باباها ومامتها كانو منفصلين وكانت عايشه مع جدتها وطول عمرها حياتها صعبه وحاسه انها اقل واحده في اصحابها كلهم طول عمرها عايشه حياتي كلها ظلم وقسوه باباها ومامتها رموها هم الاثنين وكل واحد شاف حياته وتجوز وخلف وما حدش كان بيسال عنها حتى لما جددتها توفت ما حدش فيهم رضى ياخدها وعاشت مع عمها اللي كان بيعملها معامله قاسيه وبيفضل عياله عنها ... لورا قالت لها تعالى نطلع نقعد فوق في اوضتي او اوضتك عشان نعرف نتكلم براحتنا وتحكي لي واحكي لك انت وحشاني قوي ومش هتتخيل لي لما مايا تعرف اني لقيتك هتفرح ازاي ... ايه : تعالى نطلع فوق في اي اوضه ونتكلم براحتنا ... طلع فوق في اوضه لارا والدكتور كان بيراقب من بعيد ومش مصدق ان ايه بعد سنتين من العلاج لقيت صاحبتها وكمان طالعه معها الاوضه وبتتكلم وبتضحك كان فرحان قوي بها لانه جرب معها جميع انواع العلاج ما كنتش جايبه نتيجه ما عدا العلاج ده و اسمه الصداقه .... قاعده في الاوضه لارا عملت لهم شاي زي زمان كانوا بيحبوا يشربوا شاي مع بعض ... لارا : لسه زي ما انت يا ايه بتشربي خمس معالق سكر كانك بتشربي عسل نحل ... ايه : انا ما بقتش اشرب سكر خالص يا لارا انا جاء لي السكر وجاء لي كل الامراض من بعد موت ابني الله يرحمه جاء لي سكر وضغط وقلب وكل حاجه ... لارا : ليه كده بس يا حبيبتي زعلتيني عليك والله ما فيش احد فينا سليم خالص كنت بادور عليكم عشان انتم اللي تهونوا على التعب اللي انا فيه شكلي انا اللي ههون عليكم اللي انتم فيه ... آية : تعب ايه الي عندك يا لارا انا فعلا حاسة ان شكلك مش طبيعي خالص انت مالك تعبانة ولا ايه ... لارا : بقالي سنتين بتعالج من الكانسر والمرض هدني و دمرني ... كنت عايشه بحس امي في الدنيا هي كمان راحت و سابتني في الدنيا لوحدي و مبقتش عارفه اعمل ايه من غيرها .... آية : يا حبيبتي ربنا يشفيكي يارب انتي لازم تتعالجي و تبقي كويسه فيه ناس محتاجينك جنبهم و لو جرالك حاجه حياتهم هتقف و مش هيقدروا يكملوا ... انما انا بقي جوزي من بعد موت ابني مقدرش يستحمل اكتئابي و كان بيقولي اني لازم افوق ل نفسي و ارجع زي زمان لكن انا الزمان وقف بيا فاليوم الي مات فيه ابني ... جابني اتعالج هنا و كان عنده امل اني ارجع زي الاول ولم افقد الامل دي هنا وطلقني بعد خمس شهور من العلاج ومن ساعتها ما شفتش وشه ولا عاوزه اشوفه طلقني واكيد راح تتجوز وعايش حياته ولا كان اللي مات ده ابنه الوحيد انا ما اعرفش البني ادم ده ما بيحسش ولا ايه .... انا عمري ما هارجع زي الاول لان اللي راح مني عمره ما هيرجع ها اقضي بقيه حياتي في المصحه دي انا متعوده عليها ومش ممكن ارجع ثاني زي الاول واعيش في بيت لوحدي وامارس حياتي الطبيعيه بس بصراحه بالصدفه اللي حصلت النهارده كان بقى لي كثير جدا ما ضحكتش ولا تكلمت مع اي احد انت بجد فكرتينى بايام زمان يا لارا ايام لما كان بالنا رايق كنا عايشين حياتنا بالطول والعرض وما كناش عارفين ايه اللي مستنينا في الدنيا دي ..... لارا : هترجعي زي الاول يا ايه و هتعيشي حياتك وهتقابل الشخص المناسب لك كمان الدنيا مش بتقف على احد وهتجيبي احلى ابن في الدنيا وتسميه على نفسي اسم ابنك الله يرحمه اوعى يا ايه تدفني نفسك بالحياه انت لسه صغيره و العمر قدامك الكبير ... آية : لسه صغيره ايه بس يا لارا ده انا بالامراض اللي عندي دي كلها ولا كاني عندي ٦٠ سنه انا خلاص حياتي وقفت واتدمرت .... لارا : ما فيش حاجه وقفت ولا تدمرت يا ايه انت هتطلعي معي من هنا وهناك جمع زي زمان ونرجع نتكلم زي زمان انا وانت ومايا لحد ما نلاقى ساندي ... انا محتاجاكم كلكم تقفوا جنبي في الازمه اللي انا فيها انا ما بقتش عايزه اعيش في الدنيا دي زهقت من الكيماوي ومن العلاج اللي بيحرق في عروقي كل لما اروح اخذ الجلسه انت لازم تخرجي من هنا عشان تقفي جنبي جنب صاحبه عمرك ولا انت هت**فيني ومش عاوزه تقفي جنبي في محنتي انت عارفه يا ايه احنا كنا بالنسبه لبعض ايه احنا كنا اكثر من الاخوات وهنفضل كده طول حياتنا .... فجأه ايه قعدت تعيط وتقولها ... اية : عمري ما توقعت بعد السنين دي اني اخرج من المكان ده انا قلت اني هاعيش هنا وهاموت هنا لكن ما جاش في بالي ابدا اني هاخرج ثاني واشوف الدنيا اللي بره انا خلاص اقلمت حياتي على المكان ده تيجي انت تقولي لي دلوقت نخرج انا وانت من هنا خلاص خليك انت اللي قاعده هنا معي وهنبقى جنب بعض برده ... فجاه الباب خبط والدكتور دخل و لقيتهم قاعدين لسه مع بعض في اوضه لارا ... الدكتور : لو تعرفي مدى ساعدتي يا ايه انك رجعتي تتكلمي وتضحكي من ثاني مش هتصدقيها يا ريتك جيتي من زمان يا لارا انت كنت فين من زمان انا بقى لي سنتين بحاول بس اتكلم معها واضحكها ما كانتش بتستجيب وانت جيتي في ساعه و قلبتي حالها من حال لحال ثاني خالص ... انتي تخليكي قاعدة معانا هنا بقي عشان آية تتعالج و تبقي كويسه ... لارا : وليه يا دكتور ما تقولش انها هي اللي تتخرج معي من هنا مش كفايه عليها قاعده بقى لها سنتين في المكان ده ايه كويسه وما عندهاش اي مرض نفسي هي بس محتاجه ان اصحابها يبقى جنبها وهتبقى زي الفل انا هقعد هنا كم يوم وبعد كده هاخذ ايه وهخرج من المستشفى دي عشان هي محتاجه تطلع بره وتشوفي الدنيا هي قاعده هنا بتموت بالبطيء انا مش عاوزه حضرتك تزعل من كلامي بس القاعده في المستشفى هنا تخنق جدا وتجيب اكتئاب اكثر من الاكتئاب اللي احنا فيه .... الدكتور سمع كلامها وقعد يضحك ويقول لها تصدقي فعلا يا لارا عندك حق قعده المستشفى تخنق ولو ايه حابه انها تخرج من المستشفى انا ما عنديش اي مانع ده حقها وهي من حقها تخرج وتعيش حياتها .... ايه كان تسمع الكلام وكان عاجبها وفي نفس الوقت خايفه تخرج بره وما تعرفش تتاقلم مع الدنيا اللي بره ردت على الدكتور ولارا وقالت لهم ... آية : مين بقى اللي قال لك يا دكتور اني اخرج من هنا انا مش عاوزه اخرج واسيب المستشفى لارا بتضغط علي لكن انا مش عاوزه اسيب المكان هنا انا خلاص اتأقلمت مع المكان ده ومش عاوزه اسيبك يا دكتور وامشي .... الدكتور : والله يا ايه دي حاجه ترجع لك بس انا شايف ان لارا كلامها صح انت بقى لك كثير قوي عندنا هنا في المستشفى وما فيش اي تحسن عمري ما شفتك بتضحكي غير لما لارا كلمتك يعني انت مش محتاجه تتعالج هنا في المستشفى انت محتاجه تتعالجي وسط ناس بتحبهم وبيحبوك وهيفضلو هما حواليكي ... فانا من راى له عاوزه تاخذي بنصيحتي اخرجي يا ايه وشوف الدنيا و تعاملي مع الناس واصحابي كل اللي بيحبوك هيكونوا حواليك انا مش من مصلحتي انك تمشي لكن انا عشان متابع حالتك من زمان وشايفك باقول لك امشي وعيشي حياتك انت هنا هتدفني نفسك بالحياه .... لارا : شفت بقى يا ايه في الدكتور كلامه صح و رأيه من رايي احنا هنقعد هنا مع بعض كم يوم بعد كده هنجهز شنطنا وهنخرج من المستشفى دي بعد اذن الدكتور طبعا .... لازم تبتدي حياتك من جديد .... و نقف جنب بعض كلنا ... فجاه الباب خبط ومايا و ليان دخلو .... جريت لارا على مايا وقالت لها غمضي عينك دلوقت يا مايا ... مايا استغربت جدا وقالت لها في ايه يا لارا انت يوم واحد في المستشفى وحصل لك كل ده اتعديتى من الناس اللي حواليك ولا ايه و قعدت تضحك لارا : باقول لك غمضي عينك دلوقت حالا عامله لك مفاجاه عمرك ما كنت تتخيليها وقعدت تشاور لايه انها تدور وشها ... غمضت مايا عليها وقالت لها لما نشوف ايه اخرتها معك مفجاه ايه اللي عاملها لي في مستشفى المجانين دي .... لارا مسكت يد مايا وقعدت تقول لها قربي وبعد كده قالت لها فتحي عينيك وخلت ايه تبص لها .... مايا ما كنتش مصدقه عينيها ولا اللي هي شايفاه وقالت لها انت ايه بجد انت جئت المكان ده ازاي وقعدت تحضنها جامد وايه كانت فرحانه جدا انها اخيرا شافت مايا ولارا .... مايا قعدت تقول بقى يا دكتور تبقى بيتعالج جوزي بقى لك سنين وصاحبتي عندك هنا في المستشفى وانا كل ده ما اعرفش اي حاجه ايه الصدفه الحلوه دي كويس يا لارا انك وافقتي تدخلي المستشفى عشان لو ما كنتيش دخلت ما كناش عمرنا عرفنا طريق ايه .... شفتي ربنا بقى كان مخبي لنا ايه في المستشفى .... لارا : اه والله فعلا عندك حق يا مايا انا امبارح كانت دماغي ناشفه وما كنتش عاوزه ادخل المستشفى خالص والنهارده زي ما انت شايفه الفرحه مش سيعاني بعد ما شفت ايه وقابلتها هنا و اخيرا اتجمعنا من تاني كده مفيش حد ناقص غير ساندي بس نفسي نلاقيها و فرحتنا تكمل ببعض من تاني .... اقنعي آية بقي يا مايا انها تخرج معايا من هنا عشان مش مقتنعه و مش عاوزه تمشي من هنا و انا محتجاها جنبي و هي كمان محتجانا جنبها .... مايا : اكيد يا ايه مش هنسيبك في المستشفى هنا لوحدك احنا هناخذك معانا و هتقعدي معنا كم يوم كده لارا نفسيتها تتحسن وهنخرج كلنا من المستشفى دي ما تخافيش كلنا هنبقى جنبك ومش هتحسى انك لوحدك انت صحيح دخلت هنا ليه وازاي انت تجوزتي ولا لا ... لارا : مش وقت الكلام ده دلوقت يا مايا خلينا في المهم احنا عاوزين نقنع ايه انها تيجي تقعد معنا وتخرج من المستشفى دي بقى لها سنتين قاعده هنا و مش بتخرج خالص لازم تقنعيها معايا ونضغط عليها تيجي معانا ... اه صحيح عملت ايه مع ليان امبارح هي باتت لوحدها ولا انت كنت بايته معها اوعي تكوني سبتيها لوحدها يا مايا عشان ليان بتخاف تقعد لوحدها ... مايا : عيب عليكي طبعا يا لارا بقي انا برضو هسيب ليان لوحدها في البيت لا طبعا انا خدتها تقعد معايا في بيتي و اهو اذاكرلها بالمره .... لارا : قاعدة عندك في بيتك ازاي يعني عيب طبعا جوزك يقول علينا ايه بس خليها تروح و اقعدي معاها ... مايا : ملكيش دعوة احمد الي قالي اجيبها عندنا البيت و بعدين احمد طول اليوم في الشغل و هي قاعده معايا مونساني .... المهم دلوقتي هتخرجوا امتي من المستشفي انا مبسوطه اوي اننا اخيرا هنتجمع من تاني يتبع

Free reading for new users

Scan code to download app

App Store Google Play

Facebookexpand_more