ايام معدوده

ايام معدوده البارت السادس

[ ] ايام معدوده

البارت السادس

مايا : لا مشوفتهاش من وراك بس لارا انا عرفاها من زمان اوي من قبل ما اعرفك بكثير كانت معايا في المدرسه من ايام زمان خالص ... وبعدين هو احنا مش اتفقنا اننا هنفتح صفحه جديده مع بعض وانك هتتغير .. و مش هتعمل اللي كنت بتعمله ده ثاني ..

= احمد : انا وعدتك ان شاء الله مش هخلف بوعدي خدي حتى التليفون بتاعك عشان تطمئني اني هتغير فعلا ...

بس انا محتاج شويه وقت عشان اقدر اني اتأقلم على الوضع الجديد ..

باقول لك ايه يا مايا قومي البسي دلوقت وتعالي ننزل نزور اهلك ..

عشان انت بقى لك كثير قوي ما رحتيش هناك ..

_مايا : بجد انت بتتكلم بجد هتخليني ازور اهلي انا هاقوم البس بسرعه .. و هاجي معاك ربنا يخليك لي يا احمد يا رب ويكملك بعقلك ...

دخلت مايا وهي الفرحه مش سيعاها هي مش مصدقه ان احمد اخيرا فتحلها قلبه وخلاص هيتغير ...

و ابعت رساله على فيسبوك لي لارا اطمنها ان الوضع خلاص بدا يتحسن ... وانها هتشوفها قريب قوي ... واحمد يتعرف على كريم وانها فرحانه قوي قوي ..

شافت لارا الرساله وكانت الفرحه مش سيعاها وقالت لي كريم على المفأجاه الحلوه دي في التليفون ...

لكن الحلو ما بيكملش ومامتها حالتها بدأت تدهور ونقلوها عالمستشفي وحالتها بقت حرجه جدا ...

مايا ما كانتش تعرف الحاله اللي لارا بتمر بها وكانت ملهيه في التغيير بتاع جوزها .. كانت حابه انها تروح معاه عند الدكتور النفسي .. وتفهموا حالته بالضبط بدأت علاقتهم تتحسن يوم بعد يوم لكن بعد اسبوع كانت ماسكه تليفونه ..

لانه كان بيرن وهو كان نائم فتحته تشوف مين اللي بيتصل به وهنا كانت الصدمه احمد طلع بيحب يبتز البنات بس صورهم ..

لانه شغال ظابط ولقيت عنده علاقات كثير ع** ما هو كان بيقول ل مايا كان بيقول لها انه بيكره الستات كلهم ومش عايز يبص في وشهم لكن طلع عنده علاقات كثيره جدا .. ما كنتش تعرف ان مرضه النفسي هو اللي كان بيعمل فيه كده بيخلي البنات تتعلق به وابعثه له صورهم بعد كده يبداء مرحله الاستبزاز لحد ما البنت تكره نفسها وتبقى بتفكر في الانتحار بعد ما بيعلق به البنات بنسبهم .. وبيبتزهم بالصور عشان يرضي ال*قد النفسيه اللي هو كان فيها زمان ..

مايا ما كانتش عارفه توجه ولا تعمل ايه بالضبط هتقول له ايه وهم بتاعته صفحه جديده مع بعض وكل الكلام ده قديم ما فيش اي حاجه جديده من ساعه ما اتفق معها انه هيتغير كانت موجوده بس هي كانت عاوزه تشوف حل عشان البنات دول مايبقوش عايشين في رعب كده ..

قررت انها لازم توجهه وصحته من النوم قالتله انها عاوزاه في موضوع ضروري ...

= احمد : خير يا مايا في ايه ..

_ مايا : تليفونك كان بيرن دلوقت وانا شفته بالصدفه ما كانش قصدي اني اقلب فيه لكن انا فتحت وعرفت كل اللي عليه .. يا احمد انت ازاي تعمل حاجه زي دي ازاي تعلق بك ناس وفي الاخر تخلي بيهم وتهددهم كمان لي ...

احمد البنات دي تلاقيهم عايشين في رعب بسبب اللي عملته فيهم انت لازم تصلح كل الغلطات دي وتبتدي من جديد مش ده اللي انت وعدتني ليه لازم يا احمد تنسى كل الماضي بتاعك ..

ولازم ابدا حياه جديده ..

= احمد : عندك حق فعلا يا مايا انا غلطت غلط كبير ومحتاج انك تسامحينى وكل اللي انا أذتهم في حياتهم محتاجهم يسامحوني بس مش عارف ازاى .. هاحاول اخليهم يسامحوني وانتي هتساعديني اتخطى كل المشاكل دي صح ...

_ مايا :والله ما عارفه هازعل منك ولا افرح بك ...

انا جوايا جرح كبير منك بعد اللي شوفته ده يعني انت كنت كل ده بتضحك على .. وبتكلم كل البنات دي من ورايا .. ومفهمني انك بتحبني انا وبس ما انت بتقول لهم بتحبهم وبتقول لهم نفس الكلام اللي كنت بتقوله لي انا مش عارفه اصدقك ولا اصدق مين بالضبط ..

= احمد : والله العظيم ما بحب حد غيرك وكل اللي انا باعمله ده كان عشان ارضي ال*قده النفسيه اللي انا فيها من زمان .. مش انا حكيت لك كل اللي في قلبي لازم تصدقيني يا مايا .. و تعرفي اني مش كذاب ..

_ مايا : خلاص يا احمد احنا من النهارده هنبقى كل حاجه لبعض و هنفتح صفحه جديده .. ومش هنخبي حاجه ثاني على بعض ممكن بقى هاروح اكلم اللي لاار عشان بقى لي كثير جدا ما كلمتهاش وانت وعدتني اني هارجع اكلمها ثاني و هنتقابل كلنا ونتعرف على بعض ..

= احمد : ماشي يا ستي روحي كلميها براحتك انا موافق وحددي كمان معها ميعاد عشان تيجلنا هنا البيت هي وجوزها عشان نتعرف على بعض ونبقى اصحاب .. _ مايا : بتتكلم بجد يا احمد انا فرحانه قوي انك اتغيرت بالطريقه دي .. و فرحانه قوي اني هرجع اكلم لارا ثاني صديقه عمري والله لما تعرفها هتحبها جدا وهي بنت محترمه وما فيش زيها خالص ..

= احمد : طيب روحي كلمي صاحبتك وانا هاقوم اخذ دش عشان عندي شغل كمان شويه ..

راحت مايا عشان تكلم لارا وماسكه التليفون اتصلت بيها ..

_ مايا ة الو ازيك يا لارا عامله ايه وحشتيني جدا جدا =لارا : ازيك يا مايا انت كمان وحشتيني قوي ..

_مايا : مال صوتك يا لارا انا حاسه انك متضايقه جدا هو في حد زعلك ولا ايه ..

= لارا : لا ابدا بس ماما تعبانه جدا ومحجوزه بقى لها اسبوع في المستشفى ومش عارفه اعمل ايه انا خايفه احسن يجري لها حاجه انا من غير ماما مسواش اي حاجه والدكتور مش مطمئنا خالص وبيقول ان الحاله حرجه جدا ربنا يستر بقى عشان انا حاسه ان ماما هيجرى لها حاجه ..

_ مايا : ما تقوليش كده يا لارا ان شاء الله هتتحسن وهتبقى كويسه وزي الفل طب انت فين دلوقتي ..

= لارا : انا قاعده معها في المستشفى مش هاقدر اسيبها يا مايا لانها تعبانه جدا ..

_مايا : طيب و بتاخذي علاجك والجلسات بتاعتك ازاي وانت قاعده في المستشفى اوعى تهملي في نفسك عشان الاهمال يسبب مضاعفات في المرض ده ابعتي لي عنوان المستشفى عشان عايزه اجي اشوفك واطمن على مامتك ..

= لارا : ما تتعبيش نفسك يا مايا انا هابقى اكلمك لما اللي انا فيه ده يخلص و هنبقى نتقابل مش عايزه اتعبك هاجيب لك على المستشفى ...

_ مايا : ما تقوليش كده احنا اخوات ابعتيلي بس عنوان المستشفى وانا هابقى اجي اشوفك انت اصلا وحشاني قوي وعايزه ابقى اشوفك ..

قفلت معها ويقول لارا بعتت لها عنوان المستشفى .. راحت مايا ليه احمد عشان تستاذنوا انها تنزل معه لان مامت لارا حالتها حرجه جدا ولازم تشوفها وتطمئن عليها..

احمد : هتنزلي بدري كده معايا طيب ما تستني وتنزلي بعدين ازاي هتروحي فالوقت ده كده ...

مايا : مانا قولت انزل معاك بقي بالمرة بدل ما انزل لوحدي .....

احمد : طيب خلاص البسي يلا وهننزل مع بعض و انا هوصلك لحد باب المستشفي بنفسي ...

مايا : ربنا يخليك ليا يا حبيبي يارب ...

لبست مايا عشان تروح تطمن علي صاحبتها و مامتها و اول ما وصلت علي باب المستشفي سمعت صريخ جامد و قلبها انقبض جدا عشان حست ان الصوت الي سمعاه ده صوت لارا ....

يتبع