ايام معدوده البارت السابع

2384 Words

ايام معدوده البارت السابع وصلت مايا على المستشفى وكانت سامعه صوت سريخ جامد قوي ما كانتش عارفه هو جاي منين لما بدات تركز في الصوت حاسه انه صوت لارا ... الصوت جاي من المستشفى من فوق طلعت تجري زي المجنونه واحمد طلع يجري وراها اول ما وصلت الدور الثاني ... لارا قاعده على الارض و عماله تصوت وتلطم على وشها وتقول امي ... ازاي يا امي تمشي وتسيبيني انا قلت انك اللي هات غسليني بنفسك لما اموت تمشي وتسيبيني وت**رى ظهري كده لي امي ليه ده انا كنت عايشه عشانك وعايشه في حسك في الدنيا .. مايا طلعت تجري عليها وقعدت معها على الارض وقعدت تحضنها وتقول لها ايه ده يا لارا انا جنبك ايه ده ايه اللي حصل بصت لمايا وقالت لها ... امي ياما يا امي اللي انا عايش عشانها راحت وسابتني .. ماتت وسابتني لوحدي في الدنيا هاعمل ايه من غيرها دلوقت واختي هتعيش ازاي لوحدها في البيت احنا مالناش حد غير بعض وامي ماتت وسابتني وضهرنا ات**ر ... وقعدت تعيط وتصوت في قلب المستشفى .. _ مايا قعدت تحضنها جامد وتهديها و قومتها من الارض و قعدتها على كرسي وجابت لها كوبايه ميه وحاولت تشربها لانها حست ان وشها اصفر وهتقع من طولها .. احمد كان بيراقب مايا من بعيد وشاف قد ايه هي بتحب صاحبتها اللي اسمها لارا دي .. وهو كان عاوز يبعدهم عن بعض وكان شايف انه غلطان وما كانش لي حق انه يعمل كده .. وكريم كان واقف جنب لارا وعمال يهديها ويهدي اختها احمد ساعتها عارف انه جوز لورا .. وهو اللي قرب منه وبدا انه عاوز يتعرف عليه .. = احمد : ممكن لو سمحت انا عاوزك في كلمه على جنب . _ كريم : اتفضل حضرتك تبقى مين انا اول مره اشوفك انت تعرفني .. = احمد : الصراحه احنا اول مره نتقابل انا النقيب احمد زوج مايا صاحبه لارا مراتك .. كان نفسي اتعرف عليكم في ظروف احسن من دي بس يلا ان شاء الله اللي جاي كله هيبقى احسن .. انا كان نفسي اقعد معاك انت من مراتك بس ربنا قدر ان الظروف دي نتحط فيها كلنا و نتعرف فيها .. _ كريم : انا تشرفت بمعرفتك انا كمان ... وشكرا على وقفه مايا جنب لارا في اللي هي فيه ده .. استاذنك هاروح اخلص تص**ح الدفن عشان نشوف هنعمل ايه بعد كده .. = احمد : لا سيب لي موضوع تص**ح الدفن ده انا اخلص لكم كل الاوراق وانتم قاعدين انا عارف الناس اللي هنا كلهم وهيعملوا لنا كل حاجه بسرعه .. _ كريم : والله انا هابقى شاكر لك جدا لاني كنت عاوزه افضل جنب لارا في الظروف اللي هي فيها دي وحضرتك هتخلص لي الورق في شكرا لحضرتك بجد انت انسان محترم جدا ... راح احمد عشان يخلص الاوراق المطلوبه ومايا كانت قاعده جنب لارا تواسيها وتحاول تهديها وتقول لها انها هيتقا**ها في الجنه ان شاء الله .. احمد خلص الاوراق ورجع لهم وقال لي كريم ان كل الاوراق دي جاهزه ويقدروا يستلم الجثه عشان يدفنوها قبل ما الليل يليل ... وده اللي احسن لها راحوا على المقابر ودفنوها .. ومايا استاذنت من احمد انها تاخذ لارا عندهم في البيت عشان تهديها واكيد هي مش هتقدر تقعد في بيتها بعد اللي حصل ده .. = مايا : معلش يا احمد احنا لازم نقف جنب هم في الظروف اللي هم فيها دي دلوقت .. _ احمد : عندك حق فعلا يا مايا لازم تبقى في جنب الناس اللي بتحبهم وانا مش هاقف في طريقك ثاني في اي حاجه تقوليها لي اللي انت شايفاه صح اعمليه = مايا : طيب يا احمد انا هاخدها هي واختها كمان مش هينفع نسيب اختها لوحدها يقعدوا معنا في البيت ... فعشان حالتهم النفسيه وحشه جدا .. _ احمد ؛ بس هم ممكن مايردوش ويقولوا لك مش هنسيب بيت ماما مقفول انت لو حابه انك تروحي تقعدي معاهم او تروحي وتيجي عليهم انا ما عنديش مشكله عاوزاهم ييجوا يقعدوا معنا برده ما عنديش مشكله... شوفي اللي انت شايفاه صح اعمليه .. _ مايا : نفسي فعلا التغيير اللي انت بقيت فيه ده يكون نابع من جواك ما يكونش كلام وخلاص لو فضلت كده بالطريقه دي انا بجد هاقول اني اخترت صح ومش هندم يوم اني اتجوزتك يا احمد ... مايا كانت فرحانه جدا بالتغيير المفاجئ اللي حصل لاحمد وفي نفس الوقت زعلانه على اللي حصل ليه لارا وقعدت معها عشان تحاول تواسيها وتتكلم معها شويه = مايا : لارا انا عاوزاك تبقى مؤمنه بقضاء ربنا كلنا هنموت يا لارا ما حدش عارف دوره جاي امتى انا بطلب منك انك تيجى انتي واختك تقعدوا معانا في البيت عشان حالتكم النفسيه صعبه قوي بالله عليك يا لارا تعالي اقعدي معانا في البيت مش احنا اخوات ... انا هابقى حابه انك تجيء لي وتقعدي معايا ... _ لارا : مش هينفع يا مايا نجيء لك البيت مش هنقدر نسيب بيت ماما دلوقتي خالص وفي ناس هتيجي تعزي وبعدين هو انت جوزك اصلا هيرضى بحاجه زي دي .. = مايا : ايوه والله هيرضى احمد اتغير خالص يا لارا ما بقاش زي الاول .. وزي ما انت فاكره احمد اتغير خالص والفضل لكل ده بعد ربنا يرجع لك انت يا لارا انت اللي فوقتيه بكلامك اللي قعدت تقولي له ده وديتله قلم على وشه مش هينساه بداته هو بنفسه قال لي صاحبتك قالت لي كلام جامد قوي ... وانا راجعت نفسي فيه هو حاسس انه غلطان في حقك من اول جوازنا وبعدك عن الناس كلها انا مش عارفه اشكرك ازاي يا لارا انت حليت لي مشكله حياتي ... اللي كنت بعاني منها بقالي سنين انت بجد ما فيش زيك انت اقرب صاحبه واقرب اخت لي خلتيه تغير بمكالمه واحده منك ... بس يا رب فعلا يكون تغير وتعلم من غلطه ده انا بدعي ربنا يفضل هو بالاسلوب ده عشان اقدر اكمل حياتي معاه لارا على قد ما انا حزينه على موت ماما على قد ما فرحتيني الكلامك ده قوي انا كان نفسي انه حاله يتصلح عشان حسيت من طريقه كلامك انك بقى عليه وبتحبيه ... وعاوزه تكملي معاه لكن ما كنتش متوقعه انه حاله يتصلح بالسرعه دي .. وبقى مكالمه واحده منى ... ان شاء الله لما افوق من اللي انا فيه ده هاقعد معه وهبقى كويسه واعلموا ازاي اتعامل معاكي لانك يا مايا ما فيش حد زيك وفي طيبه قلبك انا عارفاك بقى لي سنين كبيره قوي عمرنا ما اختلفنا او زعلنا من بعض لانك واحده قلبك ابيض ... وما بتساليش من حد خالص شفت برغم كل العذاب اللي عذبوه لك السنين اللي فاتت دي انت صالحتيه بكلمه واحده منه ... هو ده اللي كان بيعجبني فيك من زمان قوي .. = مايا : طب قولتي ايه مش هتيجي معايا البيت عشان تقعدي معايا كام يوم انا نفسي قوي تيجي معايا البيت انت واختك تونسوني .. انا عمري ما حد زارني في البيت وما صدقت ان احمد مرحب قوي بالموضوع .. _ لارا : اوعدك يا مايا لما اعدي اللي انا فيه ده هاجي ازورك في البيت وانت تزوريني وكل حاجه هتبقى كويسه لكن اليومين دول مش هاقدر اروح عند احد خالص ولا انا ولا اختي .. طلبت مايا من احمد انها تروح تقضي معهم اليوم ده لانه هيكون صعب جدا وناس هتبقى داخله وخارجه عليهم فلازم حد يكون معاهم يشوف طلبات الناس .. ويجهز للعزاء وهم اختين وملهمش حد في الدنيا حتى قريبهم مش ساكنين هنا خالص ساكنين بعيد عنهم ... = احمد : اللي يريحك يا مايا اعمليه انا قلت لك قبل كده انا مش هاقف قدامك في اي حاجه تطلبيها مني عشان انت عانيتي معايا وشفت معايا كثير وانا لازم أعوضك عن كل المعاناه اللي عنتيها معايا السنين اللي فاتت دي ... راحت مايا مع لارا واختها البيت وبدات الناس تيجي وتضيفهم .. وهي في العزا كانت لارا تعبانه جدا والمرض اشتد عليها لكن كانت بتقول الحمد لله على كل حاجه و مؤمنه بقضاء ربنا ... كانت فرحانه جدا لوجود صاحبه عمرها جنبها في وقت زي ده كانت بتقول ما كنتش اعرف هاعمل ايه من غيرك يا مايا في الظروف اللي انا فيها دي .. انا فعلا كنت محتاجك جنبي ومحتاجك لاصحابنا جنبي مش عارفه على ايه هم ولا لا بس لو جرالي حاجه ولقيتهم قولي لهم اني كنت بدور عليهم واني بحبهم جدا مايا اوعي تقولي الكلام ده ثاني يا لارا احنا هنلاقيهم انا وانت سوا مع بعض و هتخفي وهتبقى زي الفل وهتبقى كويسه ... فات ايام لارا بدات حالتها تتدهور بسبب النهائيه رفضه انها تروح للدكتور تاخذ جلسات الكيماوي بتاعتها لانها مصدومه بسبب وفاه مامتها اللي جه فجاه ده وما كنتش حاطه تعرف انها عيانه كانت كل يوم بتلوم على اختها وتقول لها انت ازاي ما قلتليش ان ماما كانت تعبانه .. كنت عايزه اقعد معها في ايامها الاخيره واخذينها بعيني ليه تحرميني من كل ده وبدات انها توبخ اختها كل يوم .... و حالتها النفسيه تتدهور بسبب موت مامتها كان ضميرهم مقنبها لانها ما كنتش جنبها في ايامها الاخيره وعلى طول كانت بترمي اللوم على اختها ... مايا كانت بتروح ليهم كل يوم وترجع البيت ... وفي يوم رجعت البيت كان احمد قاعد لوحده و ماسك التليفون .. = قالت له بتعمل ايه يا احمد شايفاك قاعد وسرحان _ احمد : ابدا باعمل شويه شغل ما فيش اي حاجه مايا انا عاوزه اطلب منك طلب يا احمد .. يا ريت ما تزعلنيش فيه .. _ احمد : اطلبي يا مايا في ايه قلقتيني ايه اللي حصل = مايا : لارا حالتها النفسيه كل يوم بتسوق يوم عن الثاني انا بافكر اخذها انا وانت توديها عند الدكتور النفسي اللي انت متابع معاه ... انت تقريبا كنت قائل لي انه فاتح مستشفى كبيره للعلاج النفسي ... انا بافكر نوديها هناك عشان هي كده ممكن يجرلها حاجه بسبب انها مش بتاخذ علاجها في مواعيده ولا راضيه تروح تعمل جلسات الكيماوي بتاعتها ... لازم تتعالج عشان موت مامتها سبب لها عقده نفسيه حاده .. وهي كده هتموت نفسها هي كمان ولارا لو جرلها حاجه انا ممكن يجرالى حاجه انا كمان ما صدقت لقيت صديقه زمان اللي كنت باحبها ... وعمرنا ما افترقنا عن بعض .. = احمد : والله هي فكره كويسه جدا شوفي عايزه توديها امتى وانا هاوديها معاكي ما عنديش اي مشكله بس انتي حاولي تقنعي فيها الاول انها تروح تتعالج بعد كده تعالى قولي لي ... وانا هاكلم الدكتور ان احجز لها هناك تقعد تقضي فتره هتتعالج و تبقى حالتها النفسيه كويسه جدا .... بجد يا احمد ربنا يخليك لي يا رب انا هافرح جدا لو لارا اتعالج العلاج النفسي ده ... لانها مقصر على علاج الكيماوي ما بقتش تاخذ اي علاج للكانسر وحالتها كده بتدهور وجوزها كريم حالته النفسيه صعبه جدا ... وحاسس انها هيجرى لها حاجه بسبب اللي بتعمله ده وعدم اخذينها الدواء ده خلي حالتنا صعبه جدا ... = احمد : انا ممكن اكلم جوزها واقنعه ويقنعها تروح للدكتور ده مايا يبقى كويس والله لو اقنعته عشان هي محتاجه تتعالج فعلا .. مايا راحت لها ثاني يوم وبرده كانت زي ما هي واحمد جوزها كان معاها عشان يطمن عليهم ويعزي بالمره ويقعد مع كريم جوزها دخل احمد و سلم عليهم كلهم واخذ كريم معاه البلكونه وطلب منه انه يساعدها انها تتعالج عند دكتور نفسي .. _ كريم : والله انا فكرت في الموضوع ده بجديه لان لارا كده بتموت نفسها بالبطيء وانا مش عارف اعمل ايه لو جرى لها حاجه ممكن يجرالى حاجه انا كمان احنا بقى لنا اكثر من سنتين ماشيين في رحله العلاج دي وكل اللي احنا عملناه اتهد في ثانيه بسبب موت مامتها ... حالتها النفسيه سائت جدا وما بقتش قادره تتحكم في اعصابها خالص مش عارف بقى انا ممكن اعمل ايه دلوقت عشان اساعدها خصوصا اني ما اعرفش مكان اي دكتور نفسي خالص ... ولا فتحت نفسيها وازاي اقنعها بالموضوع ده .. = احمد : سيب الموضوع ده على انا عارف دكتور كويس جدا انا نفسي كنت بتعالج عنده وعارف كمان ما كان المصحه بتاعته هاسيب لك انت موضوع انك تقنعها بموضوع المصحه ده و سيبلنا موضوع الدكتور و اوعدك انك اول ما تروح المصحه هترتاح جدا للدكتور لانه دكتور شاطر من اشهر الدكاتره هنا في المكان ... بس انت حاول تقنعها انك تاخذها المصحه لانها كده حالتها تتدهور كل يوم بيفرق عن اليوم اللي بعده .. _ كريم : عندك حق فعلا يا احمد انا بجد مش عارف اشكرك ازاي على وقفتك جنبي كان نفسي يبقى لي صاحب كده من زمان ونتعرف على بعض احنا الاول فهمنا بعض غلط وكنت بصراحه باقول عليك كلام وحش بعد الكلام اللي قولته لل لارا في التليفون اول ما كلمت صاحبتها مايا لكن لما قربت منك وعرفتك حسيت انك انسان كويس وتستاهل كل خير ... وخدوم جدا بشكرك على اهتمامك بينا وقفتك جنبنا في الازمه اللي احنا كنا فيها دي .. = احمد : ما تقولش كده يا كريم انا كنت فاهم مايا غلط من الاول وما كنتش عاوزها تقرب من اي احد غيري لكن اتضح ان انا غلطان وما كانش ينفع اللي انا عملته ده ولا كان ينفع اني ابعدها عن الناس كلها انا تعلمت من غلطي بفضل مراتك و المكالمه اللي كلمتهالي واتعلمت ازاي اتعامل مع مراتي بعد الكلام اللي سمعته من لارا ... = احمد استاذنوا انه هيروح على شغله عشان اتاخر قوي ... وقال له هاستنى منك تليفون لو اقنعت لارا وساب له رقمه وهو ماشي ... قال لمايا خليكي انتي قاعده مع صاحبتك وانا.... وانا راجع من الشغل لو حابه تروحي معايا ابقي قولي لي انا هامشي دلوقت وهنبقى على اتصال ... مشي احمد راح على شغله .. ومايا كانت قاعده مع لارا في البلكونه وقاعده تفكرها بايام زمان وبتحاول تضحكها شويه ... وتقول لها انت مالك بقيتي نكديه كده لي لارا ده انت على طول كنت بتضحكي لارا عاوزاني اضحك بعد ما امي ماتت وسابتني انا حياتي كلها تدمرت والله يا مايا وما بقتش لاقيه اي حاجه افرح عشانها ... = مايا : ايه رايك يا لارا في دكتور كويس قوي باسمع المشاكل وبيحاول حلها ايه رايك نروح عنده انا وانت ونتكلم معه شويه ونفضفض اللي جوانا كانت بتقول لها كده عشان تقنعها انها تروح و تعرفها انها مش هتروح لوحدها هتروح هي كمان معاها تتعالج عنده ... لكن لارا رفضت وقالت لها ما لوش لزوم الدكتور ده هنروح نعمل ايه يعني ... كان واقف كريم ساعتها و سامع الكلام ده وراح داخل في الكلام وقال لها والله يا لارا صاحبتك بتتكلم كلام صح .. وايه المانع لما تروحي للدكتور ده واخذ فكره عن نفسكم شويه وتتكلم و طلعوا اللي جواكم هي فكره كويسه جدا ده انا كمان بافكر اروح معاكم عنده واتكلم انا كمان لارا بدأت تقتنع شويه وقالت لهم سيبوني افكر شويه عشان دماغي واقفه دلوقت .... هاشوف كده هاعمل ايه و هابقى ارد عليكم مايا خدي وقتك يا حبيبتي احنا مش مستعجلين بس انا فعلا يا لارا محتاجه انا كمان اروح للدكتور ده انت عارفاني انا شوفت كتير في حياتي و محتاجه اني حياتي تتصلح شويه ... فجأه اخت لورا دخلت عليهم وهي منهاره وقالت لهم ... يتبع

Free reading for new users

Scan code to download app

App Store Google Play

Facebookexpand_more