"Sa totoo lang, hindi ko rin alam kung sino ang ama, Kai. Pero huwag kang mag-alala, prank lang 'yon. Gusto ko lang makita ang reaksyon mo. At salamat dahil ngayon, alam ko na ano ang magiging reaksyon mo sakaling mabuntis ako. Wala kang kwentang lalaki!"
Tinalikuran ko na siya.
Tahimik lang sina Renzi at Shun pagkababa ko. Pinanood nila akong damputin ang nakatupi kong shorts, bra at damit s aibabaw ng side table. Pumasok ako sa banyo at doon nagbihis. Naghilamos ako ng mukha. Makailang ulit akong naghilamos para pigilan ang sarili na umiyak.
Naghihimutok ang damdamin ko dahil sa reaksyon ni Kai.
Ang kapal talaga ng mukha niya! Pagkatapos niyang pagsawahan ang katawan ko, ituturo niya sa iba ang responsibilidad niya?! Ganun ba talaga ang tingin niya sa akin?! Na bawat lalaking lumala
