[Kai's POV]
"Kai! A-anong nangyari?"
Pikit-mata akong sumandal sa gilid ng kama. Nanghihina ang katawan ko dahil sa tumitinding sakit mula sa tadyang ko. Pansin ko ring umiigsi ang paghinga ko at nagsimulang mahilo.
What's happening to me? Inaatake ba ako ng asthma?
"K-Kai... T-tatawag na ba ako ng tulong?" tanong niya sa nanginginig na boses. "Kai..."
Napadilat ako nang marinig ang paghingos niya. Nakita ko ang pagbagsak ng kaniyang luha habang nakatitig sa mukha ko.
"B-bakit ka umiiyak?" halos pabulong kong tanong.
"N-nag-aalala ako sa 'yo, eh! H-hindi ko alam ang gagawin ko. Baka kung mapano ka."
Napalunok ako.
Hindi ko aakalaing may pag-aalala pa rin pala siya para sa akin. Does she still have feelings for me too?
"I... I'm fine."
"Ano'ng fine? Ang putla-putla mo na kaya
