الفصل الثاني

1157 Words

الاحتفال بولادة همسه... اقترب أدهم من معشوقته وجلس بجانبها يحمل اطباق الطعام وأطعمها بيده وبعد ان فرغت من طعامها ادهم : يالا اشربي اللبن وهو دافي علشان تقدري تنامي حنين : بس انا شبعت ومش قادره اشرب حاجة تاني زمجر ادهم : هاااااا احنا قولنا لازم تسمعي الكلام علشان همسه حنين بتأفف : حاضر امري لله هات هشربه وخلاص ضحك ادهم قائلاً : اهو اكده يا قلبي ألف هنا وشفاا يا حنين الروح أني لحد دلوك مكلمتش عمي ومرة عمي عشان اطمنهم عليكي حنين : طيب اتصل بيهم دلوقت علشان يعملوا حسابهم ييجوا في السبوع بتاع همسه ، كفايه ان ماما محضرتش معايا الولاده ادهم : طيب ما هما مكنوش يعرفوا يا قلبي وبعدين انا مش چارك أهه ، عاوزه مين تاني ؟؟ ضحكت حنين : لأ مش عاوزه حد يا حبيبي ، انت عندي بالدنيا كلها ، ربنا يباركلي فيك يارب ادهم : استني بقي اما نتصل بيهم أخرج هاتفه وأجري الاتصال بعبد الرحمن أدهم : ألو ، كيفك يا عمي ومَرة عمي كيفها ؟؟ عبد الرحمن : الحمد لله يا ولدي بخير ، كيفك انت وحنين ، طمني عليها ادهم : حنين بخير الحمد لله وولدت وربنا اكرمنا بهمسه يا عمي الحمد لله عبد الرحمن : مبارك عليك ما رزقك يا ولدي ، تتربي في عزك وعز حنين ادهم : الله يبارك فيك يا عمي ، ميتي هتاچوا ، حنين عاوزه مَرة عمي چارها عبد الرحمن : ان شاء الله بعد بكره نكون في قنا ، لازم امها تكون چارها ، هات اسلم عليها حنين تناولت الهاتف : ألو ، بابا وحشتيني اوي ، انتوا هتيجوا امتي تشوفوا همسه ؟؟ عبد الرحمن : ان شاء الله بعد بكره هنكون عندك امك معاكي عاوزه تتطمن عليكي اعطي لمني الهاتف حنين : ألو ، ماما انتي وحشتيني اوي ، كان نفسي تكون معايا وانا ب اولد مني : حمدلله علي سلامتك حبيبتي ، مب**ك ما جالك تتربي في عزك يارب ، معلش انتي عارفه ان بابا عنده شغل كتير هنا وانا لو اعرف امتي الولادة بالظبط كنت جيت انما يا حبيبتي انتي عارفة ان دي حاجه ملهاش ميعاد بس ان شاء الله هنيجي ونقعد اسبوع كامل حنين : طيب ماشي ان شاء الله في انتظاركم ، تيجوا بالسلامه ------------ مرت الايام وانقضي الاسبوع ، انه يوم عقيقة همسه والتي ستقام في ڨيلا عبد الكريم وقد حضر عبد الرحمن بصحبة مني لقنا في الصباح الباكر امر ادهم الجزار بدبح العجول حتي يتم توزيع اللحوم علي اهل البلد ثم امره بأن يذ*ح الكبش تبعـًا للسنه استجاب الجزار لأوامره وبعد ان انتهي تم توزيع اللحوم علي الجميع اجتمع الاهل في ڨيلا عبد الكريم واقاموا احتفالاً أسريـًا معـًا وتناولوا طعامهم منصور : يالا يا واد خالتي قولنا هتقول إيه في همسه بدر : اي والله يا واد عمي قول وسمعنا كتبت فيها ايه ادهم : ماشي هسمعكم وقف ثم اقترب من حنين وحمل طفلته بين ذراعيه وبدأ في إلقاء ابياته ------- انتهي ادهم من إلقاء أبيات اشعاره والجميع صفقوا وباركوا له قدومها وتمنوا من الله أن تكون آية الرزق للأسرة جميعها أيام تمر تتلوها أيام وليالي إلي أن أتمت همسه عامها الأول هشام : ياما النهاردة عيد ميلاد همسه ، هنچيبولها إيه هديه فضه : والله يا ولدي معرفاش ، طيب تعال نروح نتصل بخالتك ونتفقوا معاها هشام : طيب ياما هروح أچيب التلفون بتاعك ونتصلوا بيها تركها هشام واسرع إلي غرفة فضه وإلتقط الهاتف وفي لحظات عاد لفضه خودي ياما التلفون أهه ، يالا اتصلي تناولت منه الهاتف واتصلت بقسمة ألو ، كيفك يا قسمة والبنات أخبارهم إيه ؟ قسمه : اهلاً يا خيتي ، احنا بخير الحمد لله في نعمه من رب العالمين ، كيفكم انتوا فضه : بخير يا أم تقي ، انتوا هتآچوا ميتي عيد ميلاد همسه قسمه : علي المغرب أكده هنآچوا ، عاوزة حاچة أچيبها معاي فضه : والله آني متصله بيكي علشان هدية همسه قسمه قائله : أني چيبتبها فساتين وتقي اختارت لعب ، شوفي انتي عاوزه إيه واچيبه وانا چايه فضه قائله : ما آني معرفاش أچيب لها إيه وهشام معارفش يختار لحد دلوك رد هشام قائلاً : آني عاوز أشتري عروسة لعبة لابسه فستان إبيض ياما قسمه تنبهت لكلامه قائله : طيب وأنت هيعچبك أي حاچه خالتك هتشتريها هشام قائلا : إيوه ياما بس قوليلها عروسة كبيرة وبفستان إبيض فضه : حاضر يا ولدي هقولها عادت تتحدث مرة أخري مع قسمه وطلبت منها أن تشتري العروسة وانهت معها المكالمة ----------- مرت الساعات وتم التجهيز لحفل عيد ميلاد همسه ، حضر أفراد العائلة المقربين وحضرت قسمه ومعها ابنتيها تقي ورحمه وقد اشترت لهشام ما طلبه منها ، اشتري ادهم لهمسه تورته ضخمة وطلب ان يتم الرسم عليها بصورة حنين وهي تحملها وكانت مفاجأه فرح بها الجميع قدمت قسمه هداياها وهدايا تقي وهشام قدم عروسة ذات الثوب الابيض والطرحة وقبل همسه في جبينها أما فضه فقد ألبستها سلسال ذهبي يحمل سبيكه مرسوم عليها باقة ورد أما عن عامر فإعتذر لإنشغاله وعدم استطاعته ان يشتري لها هديه ولكنه أعطاها مبلغ كبير من المال وطلب من حنين أن تشتري لها ما تحبه لها وعيدتها جميلة ومحمود وتناولت الاطباق وجلست بتفاخر علي المقعد الذهبي لتلتهم ما فيهم وبجانبها محمود نادي عبد الكريم بصوت مرتفع علي ادهم فتوجَّه له ادهم ملبيا النداء ووقف أمامه قائلا : أمرك يا بوي عبد الكريم قائلا : امبارح الفرسه بتاعتي ولدت مهرة بيضاء ذي القمر دي هدية همسه ، ولو كبرت ومكنتش آني موچود قولها دي هدية چدك وچدتك يوم ميلادك أدهم مسك يد عبد الكريم وقبلها قائلاً : ربنا يباركلنا في عمرك يا بوي ، إن شاء الله تكبر في عزك وتچوزها وتشوف ولادها وولاد ولادها كمان وتهاديهم بنفسك ربت عبد الكريم علي كتفه قائلاً : ربنا يباركلك فيها يا ولدي وتشوفها عروسة زي القمر أمضوا الجميع الليلة في أمان وبعد إنتهاء الحفل صعد أدهم مع حنين لغرفتهم ووضعوا همسه في فراشها توجه أدهم ليبدل ملابسه اما حنين فغنت لهمسه جلس ادهم على فراشه مستمتع بصوت حنين إلي ان نامت همسه ادهم قائلا بهمس حتى لا تستيقظ همسه على صوته مرة ثانية : يا بختك يا همستي نمتي علي صوت حنيني اقترب منها ادهم يضمها لص*ره متسائلاً : هاه يا حنيني مبسوطة ؟؟ حنين احتضنته قائله : لا لا كلمة مبسوطة دي قليلة اوووي علي اللي انا حساه ابتسم ادهم قائلاً : الحمد لله اني شايفك وسامعك وانتي بتقولي أكده ، هو ديه اللي بترچاه من ربنا ، انك تكوني مبسوطة وبس وأغلق الإضاءه وهمس لها أدهم أشتاق لحنين وهمسه أخدتها منه فهمست له وحنين اشتاقت لأدهم وعمر ما في حد ف الدنيا يقدر يآخد حنين منه مهمي كان هو منين ، ادهم ساكن قلب حنين وبيمشي في عروقها ومع دمها علشان تقدر تعيش ادهم قائلا : اااااااه يا قلبي كل الكلام الحلو ديه ليا ضحكت حنين قائله : هو فين الكلام الحلو ده ، انا بقول الحقيقه ، ده مش كلام ضمها لص*ره فإختبأت كعادتها بين ذراعيه وسطروا معـًا من جديد أحلي ليالي الحب ------------ وفي الصباح استيقظ ادهم علي صوت همسه تبكي ، نظر إلي حنين فوجدها مستغرقة في نومها فأسرع وحملها بين ذراعيه لتهدأ من بكاءها ثم خرج و طلب من فضه ان تجهز لها وجبة الحليب حيث حنين نائمه ولم تستيقظ بعد فضه قائله : حاضر يا خوي خلي حنين نايمه مرتاحه شوي وأني هچهز الرضعه لهمسه

Free reading for new users

Scan code to download app

App Store Google Play

Facebookexpand_more