همسة حنين

ولادة همسة... وقت آذان الفجر استيقظت حنين من نومها وقد شعرت بألم شديد وض*بات متتاليه في ضهرها حنين : آااااه ادهم إلحقني آاااااه ادهم : مالك يا جلب ادهم ، حاسه بإيه ؟؟ تبكي حنين : تعبانه اوي ، الظاهر اني هولد ادهم : متخافيش يا جلبي ، قومي معاي هنروحوا المستشفي حالاً ينادي بأعلي صوته يا فضااااه ، يا فضااااه تستيقظ فضه علي صوته وتُسرع إلي غرفة ادهم ، تقرع الباب في فزع ادهم : ادخلي يا فضه فضه : مالك يا خوي ، وااه حنين مالك يا جلبي ادهم : ساعديها يا فضه هننزلوا حالاً المستشفي ، الظاهر هتولد ، هروح اتصل بالدكتور أبلغه يسبجنا علي هناك فضه : حاضر يا خوي ، متقلقش اكده ، روح انت اتصل بيه و غير خلجاتك وانا هساعدها يتوجَّه ادهم ليبدل ملابسه وتساندها فضه حتي تبدل ملابسها وتحمل حقيبة ملابس المولود دقائق ونزلت حنين برفقة فضة وادهم ومنصور وتوجهوا للمشفي تصرخ حنين من الألم : آااااااه إلحقني يا أدهم انا تعبانة اووي يضمها ويحاول ان يُهدأ من صراخها : خلاص يا جلبي كلها دقايق وهترتاحي تبكي حنين وهي متشبثه بجلبابه : متسبنيش انا خايفه يا أدهم ، عاوزه ماما ادهم : متخافيش مش هسيبك انا چارك اهه اقتربت الممرضه وطلبت من ادهم ان يتيح لهم فرصة التحرك حتي يسهل نقل حنين لغرفة العمليات فإبتعد عنها وتركها وخرج دقائق وانتقلت حنين لغرفة العمليات وهي تبكي من الألم طبيب التخدير : اهدي خلاص كلها دقايق ومش هتحسي بحاچه واذا بأدهم يقف بجوار حنين وقد تم تعقيمه وارتدي الجاون الطبي والكمامه وو**ي الشعر ووقف بجوار فراش العمليات الطبيب : هاه يا ادهم بيه البنج نصفي ذي ما حضرتك طلبت ادهم مسك يد حنين : ان شاء الله يا دكتور ، لازم نكون مع بعض واحنا بنستقبل المولود الچديد الطبيب : بالسلامه ان شاء الله اخذت حنين حقنه الم**ر في ظهرها ، دقائق قليلة وبدأت تهدأ ادهم مسح دموعها وهمس لها : وعدتك اني مش هسيبك وهفضل اللي باقي من عمري چنبك وقولتلك ان مفيش دموع طول ما ادهم وحنين مع بعض ، اضحكي يا جلب ادهم دخلت طبيبه النساء والتوليد مبتسمه وبعد دقائق معدوده اجرت عمليه الولاده لحنين ، سمع ادهم صوت صراخ طفلته ورآها تنتفض وقد دوي صوتها في أرجاء الغرفه دمعت عيناه فرحـًا واقترب يقبل جبين معشوقته وهمس لها : مب**ك عليكي همسة حنين وادهم يا جلب ادهم حنين وقد دمعت عيناها فرحـًا وبصوت منهك من الألم : الله يباركلنا فيها يا حبيبي ادهم : انا هخرچ وهنتظرك بره ، هتلاجيني عند الباب اومأت حنين برأسها واغلقت عيناها وتساقطت منهما دمعه فمسحها ادهم بيديه الحانية وقبّل جبينها وتركها وخرج من الغرفة لينتظرها بالخارج فضه ومنصور اسرعوا إليه ليطمئنوا علي حنين والمولود فضه : خير يا خوي حنين جامت بالسلامة ادهم : الحمد لله ربنا كريم هي بخير وربنا اكرمنا بهمسه منصور بإبتسامه : مب**ك ما چالك يا خوي ، تتربي ف عزك وعز حنين يارب فضه : ما شاء الله ، ما شاء الله همسه يا زين ما سميت يا خوي ربنا يچعهالك همسه في كل حاچه يارب ويباركلك فيها يا قلب اختك ادهم : الله يبارك فيكم يارب ، الحمد لله اتصلي يا فضه بأمك وابوكي طمنيهم زمان امك قلقانه فضه : حاضر يا خوي هتصل وهكلم قسمه كمان تركتهم فضه وذهبت بعيدًا لتجري اتصالاتها دقائق من الانتظار ثم خرجت حنين وتوجهوا بها لغرفة المرضي وستظل تحت الملاحظه عدة ساعات ليطمئنوا عليها وعلي حالة المولودة ثم سيسمح لهما بالانصراف اقترب ادهم ينظر بتمعن في وجه همسه قائلاً : سبحان من خلقك نسخة من حنين فضه بجانبه قائله : بسم الله ما شاء الله ، تبارك الله فيما خلق وصور ، ثم ضحكت قائله : هتدوب قلوب العشاق يا خوي الله يعينك ادهم : طب وماله بس هي تكبر و تقعد وتتشرط وانا اچوزها اللي تشاور عليه ، بس احنا فين والچواز فين يا خيتي استفاقت حنين علي اصواتهم يتمازحون قائله : ادهم عاوزه اشوفها حملتها فضه واقتربت من حنين قائله : أهه يا قلبي ، ذي القمر ليلة تمامه وبكره اما تكبر هتقوله قوم وانا اقعد موطرحك وهتمشي علي الارض تقول يا ارض اتهدي ما عليكي حد في چمالك قدي ، وليها ألف حق بنت حنين وادهم زينه شباب قنا مبارك عليكي ما چالك يا خيتي ربنا يباركلكم فيها يارب ضحكت حنين قائله : والله انتي عسل يا فضه ، لسه بدري اوي علي كلامك ده فضه : لاااه البنته بيكبروا وبيدورا بسرعه يا قمر انتي ثم توجهت لأدهم : يالا يا خوي روح شوف الداكتور خلينا نرچع لبيتنا خلي حنين تتقوت بدال الرقده دي ادهم : حاضر هروح اقابل الداكتور واشوف هيقول إيه ، اقترب من حنين وهمس لها : عاوزه حاچه ، هرچعلك علي طول حنين بصوت دافئ : لأ بس متتأخرش علياا ادهم : لأ يا قلبي دقايق وهرچع بس اشوف الداكتور خلينا نمشوا من ريحة البنچ دي خرج متوجهـًا للطبيب والذي توجَّه معه لفحص حنين وهمسه للمرة الاخيرة ثم كتب بعض الادوية وأكد علي مراجعة طبيب الاطفال بعد اسبوع للإطمئنان علي الحالة الصحية للمولودة ومراجعة مواعيد التطيعم وسمح لهم بالخروج ثم استأذن في الانصراف فضه وادهم ساعدوا حنين وحملت فضه همسه وانصروفوا عائدين لڨيلا عبد الكريم وعند الباب استقبلتهم غنيه بالزغاريد غنيه : مب**ك ما چالك يا ولدي ، تتربي في عزك مب**ك يا حنين يا بتي ، مبارك علينا ، ربنا يجعلها وش السعد وقدم رزق وخير يارب اقترب عبد الكريم وحمل همسه بين يديه واذن في اذنها وبارك لهما مجيئها بخير اسرع هشام قائلاً : هات يا چدي اشيلها انحني بها عبد الكريم ليقترب منه فحملها هشام بمساعدة ادهم وقبلها بعد ان نظر الي وجهها قائلاً : الله حلوه قوي ضحك الجميع وقد اقترب عامر يهنئ ادهم وحنين علي ما رزقهم اما جميله باركت لهم وقد إلتوت شفتاها قائله : مب**ك يا بت عمي ، عقبال الواد انشاله حنين بضجر : الله يبارك فيكي ، بس بنت او ولد انا راضيه كل رزق ربنا خير ، المهم الخلقه التامه إلتفتت لأدهم قائله : ادهم انا تعبانه عاوزه اطلع فوق ادهم : حاضر يا قلب ادهم لوت جميلة شفتاها قائله لعامر : آني طالعة يا واد عمي اشوف الواد عامر : آني جاي معاكي ، يالا بينا توجه ادهم لفضه قائلاً : يا فضه هاتي همسه واطلعي معانا ، ثم إلتفت مره اخري لحنين قائلاً ، تعالي يا قلبي اقترب منها وحملها بين ذراعيه كالطفلة الصغيرة وتشبثت بجلبابه واستندت برأسها علي ص*ره فضمها إليه بخوف وهمس لها : تعبانه يا قلبي ؟؟ همست له : شويه ادهم : معلش يا قلبي ، دلوك ترتاحي وتآكلي وتآخدي العلاچ وهتبقي ذي الفل جميله لوت شفتيها قائله : واااه واااه وكمان هتشيلها للأوضه ، دلع ماسخ ، ما كولنا بنولد ، يالا يا واد عمي نطلع بلا كلام فاضي ضحك عامر قائلاً : لو عوزاني أشيلك انا موافق جميله : لاه تشيلني ليه قدام الناس ؟؟ عامر : لاه آني عاوز اشوفك سعيده جميله : لاه انا كويسه أكده ، اشاحت في وجه ادهم بيدها قائله : فسح الطريق خلينا نفوتوا افسح لها ادهم الطريق وصعدت لغرفتها بصحبة عامر و صعد ادهم بحنين لغرفتهم واراحها علي فراشها وتابعتهم فضه وهي تحمل همسه بين ذراعيها وبجانبها هشام ووضعتها في فراشها قائله : نورت بيت ابوكي يا ست العرايس ثم توجهت لأدهم قائله : آني هنزل أچهز الاكل وهرچع تاني علي طول اوعوا تناموا من غير وكل ادهم : لاه مهناموش ، حنين لازم تتغذي كويس وهاتي فاكهه معاكي يا فضه فضه : حاضر يا قلب فضه اللي تؤمر بيه يحضر حالاً تركتهم فضه وتوجهت للمطهي تُجهز الطعام لحنين وادهم وقد تبعها هشام واستوقفها بسؤاله هشام : هي اسمها ايه ياما ؟؟ فضه : اسمها همسه يا ولدي هشام : هي هتلعب معاي ؟؟ فضه : آه هتلعب معاك بس تكبر شوي وتعرف تمشي وهتلعب معاك ، تعالي بقي نقول للبنات يچهزوا العشاا _____________________ تتوجه حنين لأدهم بسؤالها احكيلي بقي انت ازاي دخلت معايا العمليات ؟؟ يعني هما وافقوا علي طلبك ولا انت عملت ايه ؟؟ ادهم : لاه يا قلبي انا لما روحت اكلم الدكتور واقوله انك تعبانه وشكلك هتولدي النهارده ، قولتله آني مش هسيبها وهحضر معاها العمليه في الاول قالي صعب قولتله مفيش حاچه اسمها صعب ، آني قولت لحضرتك إني هحضر معاها يعني هحضر معاها ، حنين مش هتدخل العمليات من غيري ، لازم اكون چارها فقالي خلاص حاضر انا هتصرف في الموضوع وفعلاً اما وصلنا المستشفي دخلتله وقال للممرضه روحي معاه التعقيم وبس ودخلوني بعد أكده هو انتي فاكره اني كنت هسيبك وحدك في العملية حنين : بصراحه كنت حاسه انك هتعمل كده وواثقه انك مكنتش هتسبني لوحدي ابدًا ، ربنا يخليك لياا يااارب وتفضل دايمـًا سند لياا ولبنتك يا حبيبي واثناء تجاذبهم اطراف الحديث سمعوا نقرات خفيفه علي باب الحجرة ادهم : ادخل دخلت فضه ومعها الخادمة تحمل اطباق الطعام والفاكهة واللبن الدافئ المحلي بالعسل النحل فضه توجهت لحنين قائله : يالا يا قلبي لازم تآكلي زين علشان تقدري ترضعي همسه ادهم : هاتي عنك يا خيتي ، روحي انتي ارتاحي شوي ، عذبناكي معانا النهارده ، آني هفضل چارها لحد اما تخلص وكل ضحكت فضه قائله : ماشي يا ابو العروسة ، مبارك عليك ، هروح آني ولو احتاچت لحاچه نادي علي ادهم : زين يا خيتي ، روحي ارتاحي