Laking tuwa ni Inna nang pagsapit ng hapon ay may dumating pa ng ibang manlalakbay. Ang trabaho ng mga bituwin ay nadagdagan sapagat sila ang inatasan ni Inna sa pag iihaw at maghahanda sa alak para sa mga bagong dating na manlalakbay. Maging si Zenon ay nag trabaho na rin dahil malaki ang grupo ng mga manlalakbay at hindi kinakaya ng kanyang mga kasamahan ang dami ng trabaho.
Habang abala ang mga bituwin sa paghahanda sa alak at pagkain ay abala naman din sina Inna at mga kasama niya sa pag aasikaso sa mga manlalakbay. Iyon ang kanilang trabaho. Ang panatilihing masaya ang mga iyon habang nasa bakasyon sila.
Si Rava ang inatasang sa pag iihaw ng mga bagong huling isda mula sa karagatan. Halos masunog na ang mga isda dahil ang atensyon niya ay na kay Nia na inaaligid ng mga kalalakihang
